Wugubule 3:3 - I CILAGANE CIPYA 1991

³ Ale wukumbucile azilya zono wejizwa, na vyono wazihulika, wukazikamisa, ale, wukawanizaje u wuhile wako wubi. Na hono wulece kwikala meso, ale nokuziza nhinicizo nho muhizi, hamba sikocimanya ne cipango cono nokuziza.

Luganuzi Luswanu Kuli Wanhu Wose 2002

³ Ale wukumbucile azilya zono wejizwa, na vyono wazihulika, wukazikamisa, ale, wukawanizaje u wuhile wako wubi. Na hono wulece kwikala meso ale, nokuziza nhinicizo nho muhizi, hamba sikocimanya ne cipango cono nokuziza.

Wugubule 3:3 Referans Kwoze

Wugubule 2:5

Ale, wukumbucile vyono wali winha ha mwamulizo, lono wali wukali sinagwa, naiu lono wakondya kugwa! Holeka alu wunene wubi wako, witume nha vyono wali kwituma ha mwamulizo. Na hono wulece kunena na kuwuleka wubi wako, ale nokuza kuligwe, nane nowuwusa u wuwiko wako we tala hanhu hayo.

2 Petelo 3:10

Lizuwa lyo Muwaha lyolokuza nha muhizi. Mwizuwa lilyo, wulanga wolokwajilila ne cihumbi ciwaha, ne vinhu vyayo vyo kulawa katali vyolokongomezwa no moto, nayo yinze yolokwajilila, hamonga ne vinhu vyose vyono vili mumo.

1 Watesalonike 5:2

Hambi nha mumanyile nyo weneco vyono, i lizuwa lyo Muwaha lyolokuza nha muhizi vyono kazaga ku cilo.

Wugubule 16:15

“Wuhulicize! Ane nghuza nha muhizi! Holeka, mumoti munhu mono yakwikala meso, no kuvwala myenda yakwe, ho yalece jenda cipwi ako na ako ha mwande ye wanhu.”

Matayo 25:13

Baho Yesu yakawatya, “Holeka munojeye mwikalaje meso, hambi nha si mumanyile ilizuwa hamba cipango.

Wahebelaniya 2:1

Holeka yicinojeye cicile kuzikamisa muno zose zono cazihulika, ho cilece kwajilizwa.

1 Timoteyo 6:20

Gwe, Timoteyo ukamise viswanu zose zono wakozwa. Wilegaje mu miduwo ye ciyinzeyinze, hamonga no wiwanganile wo wulele, muli cico cono wanhu wanji wacemaga: “Wumanye” ninga vyo si vinha.

Maluko 13:36

Mwikalaje meso hono yaze nhinicizo ho yalece kumwaganenyi mugonile.

Maluko 13:33

Musuguce, mwikalaje meso, hambi nha simumanyile cipango cico hono cokuza nili.

Wugubule 3:19

Ane yo nene mono nghumulanjiza no kumutacila munhu wo wose mono nimwendile. Holeka wikamilizaje, wunene, wuwuleco wubi wako.

2 Petelo 3:1

Nyo wendece wangu, ayi yo baluwa yangu ye kejete yono nghumwandicilenyi. Na mu zibaluwa zizo zinyejete nali kujela kumuswaswanizenyi i mahweso maswanu ga mu mahala genyu, ko kumukumbucizenyi zinghani zizi.

Wugubule 3:11

Nghuza kuligwe musunho! Holeka wukamise muno muno cono wina ho yunji yalece kukusolela i cipegwa cako co wusume wako.

Wugubule 2:25

Ninga munojeye mukamisize lukulu cono mwina naco lulu, sunga kolo neza kuza.

2 Petelo 1:13

Nghwihwesa yowa nghani swanu kuliʼne mu mapango gose gono nowa nghali nili mumi kononze, njendelele kumusikamyenyi no kumukumbucizenyi ze zinghani zizi.

2 Timoteyo 1:13

Holeka wugakamisizaje lukulu i mafundo gagalya ge mbeka gono nakwijiza, kanyhi wikalaje du mu wihuwilo na mu wendo wetu wuwo, mu wilunza na Kilisito Yesu.

Wugubule 3:2

Ale winuce! Wuzisikamye ziswanu zono zisigaye, lono nazo zikali si najililila lukulu. Hambi sunga nalu, nha nghali sininawona i metumo gako gawe gono gakwilaniciye hali Mulungu wangu.

Wugubule 22:7

Yesu yakutya, “Ale wuhulicize ta! Ane nghuza musunho muno muno. Holeka yo mumoti munhu mono yakuzikamisa i zinghani zo wuwile wono wuli mu citabu cicino.”