Wugubule 3:12 - I CILAGANE CIPYA 1991

¹² Wono wosuma, nowanoza wawe masumbili mu Nyumba yo Mulungu wangu nawo hamba si wolowucila lukulu mumo. Kanyhi nokwandika muli wene litagwa lyo Mulungu wangu, ne litagwa lye likaya lyo Mulungu wangu, yo Yelusalemi yimhya, i likaya lyono lyotima kulawa ku wulanga ko Mulungu wangu. Kanyhi nokwandika ilitagwa lyangu yipya muli wene.

Luganuzi Luswanu Kuli Wanhu Wose 2002

¹² “Wono wosuma, nowanoza wawe masumbili mu Nyumba yo Mulungu wangu, nawo hamba si wolowucila lukulu mumo. Kanyhi nokwandika muli wene litagwa lyo Mulungu wangu, ne litagwa lye likaya lyo Mulungu wangu, yo Yelusalemi yimhya, i likaya lyono lyotima kulawa ku wulanga ko Mulungu wangu. Kanyhi nokwandika ilitagwa lyangu yipya muli wene

Wugubule 3:12 Referans Kwoze

Wugubule 22:4

Nawo wowuwona wusu wakwe, ne litagwa lyakwe lyokwandikwa mu mahanda go wusu wawo.

Wugubule 21:2

Nghaliwona likaya lyono lyelile, nalyo likutima kulawa kuli Mulungu kucanyha, nayo yo Yelusalemi ʼmhya. Nalyo lyali iwikanizize lukulu nha bibi halusi muhambwe viswanu, mono yawikanizwe so mulume wakwe.

Wugubule 14:1

Hanyuma nghawona ilitunda lya Sayuni, no Mwana we ngholo yemile mucanyha ye litunda lilyo, hali howali ne wanhu igana limonga na mukumi mane na yine elufu wono wali wemile hamonga nayo, wono wali wandikwe mu wusu wawo, litagwa lyo Mwana we ngholo hamonga ne litagwa lyo Sogwe.

Wagalatiya 2:9

Holeka wa Yakobo na Kefa hamonga na Yohana, wono wakwijela nha wo walongola wawaha, wali wamanyile vyono u Mulungu yo yamhela lihewa lilyo, holeka wakawa kucilamusa ane na Balanaba kwe miwoko yawo, wakulajila i citanjilo co wuhangane hamonga. Na yikawa yicinojeye ase ciketume u mulimo kuli wanhu we makungugo ganji, wene nawo kuli Wayahudi.

Wugubule 2:17

“Mono yena makutu go kuhulicila, ale yazihulikaje zono u Muhe yakugalonjela i Makanisa! “Nawo wono wosuma, nowapela ayilya mana yono hundikwe. Kanyhi nowapela yibwe yidodo yizelu lyono lyandicigwe itagwa yipya, lyono munhu yunji sikosuma kulimanya, langa wawo du wono wolibocela.

Wahebelaniya 12:22

Ninga anye muficile mwitunda lya Suyuni, ku kaya yo Mulungu mumi. Muficile Yelusalemi, ilikaya lya ku wulanga, kono wekonghoye wa malayika maelufu menji si wakuwala.

1 Yohana 4:4

Ninga anye mo wana, muli wo Mulungu, kanyhi mwakondya kuwasuma wawo wawizi wo wulambi, hambi Muhe mono yali muli nyenye, nha yali vilungo muno muno, kuciza muhe mono yali muli wene, vyono wene wawo wo wanhu wa kononze.

Wugubule 2:7

“Mono yena makutu go kuhulicila, ale yazihulikaje zono u Muhe yakugalonjela i makanisa! “Nawo wono wosuma, ale, nowapela i lingʼani yo kulye mana go mubici wo wumi, wono wuli mu mugunda wo Mulungu.”

Waefeso 3:15

mono wo mwamulizo wa vyose vyono vili mononze na vya ku wulanga.

Wugubule 17:14

Nawo wokwihoma na Mwana we ngholo, ningo Mwana we ngholo, hamonga na wawala wono yawacema kanyhi yakawahagula, i wanhu wehuwilwa, kowasuma wawo, vyono u mwene yo Muwaha we wawaha, kanyhi yo Mutemi we watemi.”

Wahebelaniya 13:14

Hambi akuno kono yinze nha cisina likaya lyono likalaga; langa cikulilondola lyono likuza.

Wugubule 2:11

“Mono yena makutu go kuhulicila, ale yazihulikaje zono u Muhe yakugalonjela i makanisa! “Nawo wono wosuma, si wotamiswa ne lifwa lye kejete yaye.

Wugubule 3:5

“Nawo wono wosuma, wovwikwa vivwalo vizelu nha vivi. Nane hamba si nogapatila lukulu i matagwa gawo mu citabu co wumi, kanyhi nowavumilila hali Baba na hali wamalayika wakwe, vyono wangu.

Maluko 12:16

Nawo wakamulajila. Nayo yakawawuza, yakutya, “Hiwani yiyi no lwandiko lulu vya nani?” Wakamutya, “Vya Kayisali.”