Wugubule 21:6 - I CILAGANE CIPYA 1991

⁶ Hanyuma yakawa kunonjela yakutya, “Zose ʼlu, zakondya! Ane yo nene wo Mwamulizo na wo Mudumo. Nayo mono yakaluce, ane nomupela co kungʼwa bwete, kuwulawa mu mivwilo ye malenga go wumi.

Luganuzi Luswanu Kuli Wanhu Wose 2002

⁶ Hanyuma yakawa kunonjela yakutya, “Zose 'lu, zakondya! Ane yo nene wo Mwamulizo na wo Mudumo. Nayo mono yakaluce, ane nomupela co kung'wa bwete, ku wulawa mu mivwilo ye malenga go wumi.

Wugubule 21:6 Referans Kwoze

Yohana 4:10

Yesu yakumupitula yakamutya, “Mhali wuwe wumanyile i cipegwa ca kuli Mulungu, nayo yo nani mono yakukutya, Umhele malenga ningʼwe, nagwe wali wumulombe, nayo yali yakupele malenga go wumi.”

Wugubule 7:17

hambi u Mwana we ngholo mono yali haciligati ye ligoda lyo wutemi, nha yo kolowa yo mudimi wawo, nayo kowatonga sunga ko ku mivwilo ye malenga go wumi. No Mulungu kogapatila lukulu mahozi gose ga mu meso gawo.”

Yohana 4:14

Ninga muli wose mono kongʼwa malenga gono nomupela, si kokalucila lukulu, Malenga gono nomupela gowa muli mwene nha muvwilo wa malenga, gakuvwila sunga ku wumi we cibitilila.”

Walumi 8:32

U Mulungu mono si yamutetela u Mwanagwe we ciwene, langa yakamulavya ku so sese wose. Alu hono yetuma nha vivyo, wule, si kocipela ne ziswanu zose?

Wugubule 22:17

U Muhe hamonga na bibi halusi walonje watye, “Wuze!” Nayo u munhu wo wose mono yakuyihulika yiyi, nayo yatye, “Wuze!” Na mono yakaluce, ale yaze, nayo mono yakugasaka i malenga go wumi, ale yasole bwete.

Wugubule 1:8

“Ane yo nene wo Mwamulizo na wo Mudumo, vyo yakutya Muwaha Mulungu Mono yali Vilungo, mono hoyuli, mono yali ho yali, na mono yakuza.”

Walumi 3:24

Ninga so lihewa lyo Mulungu du, iwanhu wose wakunozwa wali lingʼani, no kuvumilwa hali mwene mu nzila ya Yesu Kilisito mono yawakomboza.

Wugubule 22:13

Ane yo nene wo Mwamulizo na wo Mudumo, u Mulongozi na wo Mudumo.”

Wugubule 16:17

Hanyuma malayika wo mupunghati, nayo yakalijidile libakuli lyakwe mu mbeho. Ne lizi liwaha likahulikwa likulawa mwigoda lyo wutemi, mu wuhembelo, likutya, “Yakondya kuwa!”

Wugubule 1:17

Holeka nane naza kumuwona du, hobaho nghagwa ha magulu gakwe nha fwiye. Ninga mwene yakanjeleka muwoko wakwe wo kulume, yakatya, “Wulece kogopa! Ane yo nene wo Mwamulizo na wo Mudumo.

1 Wakolinto 2:12

Ninga ase alu, si cabocela u muhe we yinze, langa camubocela u Muhe mono yakulawa kuli Mulungu, ho yacipele u wumanye wo kuzimanya azilya zono capegwa no Mulungu.

Wugubule 10:6

yakelahiza mwitagwa lyo Mulungu mono kekalaga cibitilila ne cibitilila, u Mulungu mono yawumba wulanga ne vinhu vyose vyono vili mumo, sunga ne yinze na vyose vyono vili mumo, ne lilenga na vyose vyono vili mumo. Malayika yakatya, “I cipango co wulindila muno, alu camalika!

1 Wakolinto 3:12

Na mucanyha yo musinji wuwo, munhu wo wose yadahile kuzenjela zahabu, hamba fweza, hamba mabwe go wuguzi wukamu, lunji kosuma kwitumamila mabici hamba mahanze.

Wugubule 1:11

Nalyo lizi lilyo likatya, “Wuzandikaje mu citabu cicino zose zono wukuziwona, wugategulile gaga i makanisa mupunghati, ku Efeso, ku Simulina, ku Peligamo, ku Tuwatila, ku Saludisi, ku Filadelifiya, na ku Lawodikeya.”

1 Wakolinto 3:21

Holeka u munhu yalece kwilumbila wanhu. Hambi vyose nha vyenyu.

1 Wakolinto 3:5

Alu, Apolo yo nani? Hamba Pawulo yo nani? Hambi ase wose nha cili wetumami du, mono camuletelenyi anye u wihuwilo. Nase wose cikwituma u mulimo wono yacipela u Muwaha.

Yohana 4:11

U mucekulu yuyo, yakamutya, “Muwaha, agwe wusina ciya co kunejela, ne lisima nalyo itali, alu kogasola hayi gago malenga go wumi?

Wugubule 3:14

“Kuli malayika we likanisa lya Lawodikeya wandice nhavi, “Ayi yo nghani yono yikulawa kuli mono yakucemwa, yo ‘Heya,’ Mwene yo muhomelezi mwihuwilwa na we mbeka, mono yo mwamulizo we viwumbwa vyose vyono u Mulungu yaviwumba.