Wugubule 20:5 - I CILAGANE CIPYA 1991

⁵ (Na awalya wanji wono wali wafwa, hamba si wawumipa, sunga yimalice myaka elufu monga.) Awuno wo wuzuce wulongozi.

Luganuzi Luswanu Kuli Wanhu Wose 2002

⁵ (Na awalya wanji wono wali wafwa, si wawumipa, sunga yimalice myaka elufu monga.) Awuno wo wuzuce wulongozi.

Wugubule 20:5 Referans Kwoze

Wafilipi 3:11

nghwitumbila vyono nane nha vivyo nolozukulwa muli wafu.

Wugubule 11:15

Hanyuma, nayo malayika wo mupunghati yakayitowa ndulele yakwe. Ne mazi mawaha gakahulikwa ku wulanga gakutya, “Alu u wutemi wa mononze, weza wo Muwaha wetu na Kilisito wakwe. Nayo kotema cibitilila ne cibitilila.”

Luka 14:14

nagwe kolugutizwa, hambi nha wasina vyo kukuhaliza; nagwe kolohalizwa no Mulungu ha wuzuce wa we lingʼani.”

Wugubule 11:11

Ninga vyaza kuwa vyapuluta vilo vivyo vidatu ne pinga, u muhe wo wumi wukalawa kuli Mulungu wukawenjila wawo wawizi wejete, nawo wakenuka wakema wima, na wose wono wawawona, wakenjilwa na woga wuwaha.

Walumi 11:15

Hambi hono yiwe u wulemwe wawo wukayiletela iyinze u wilamule no Mulungu, alu ho yowa wule mu cipango cono wovumililwa no Mulungu? Iwafu wolozuka!

1 Watesalonike 4:16

Hambi nha wololavywa u wulajilize, lizi lya malayika muwaha, ne lizi lye ndulele yo Mulungu, nayo u Muwaha mweneco kolotima kulawa ku wulanga. Hobaho awalya wono wawuka kononze akuno wamwihuwiye Kilisito, wololongola kuzukulwa.