Wugubule 2:3 - I CILAGANE CIPYA 1991

³ Agwe wuli ngola, kanyhi wakangalila mu wugaye winji muno, ku soko ye litagwa lyangu, hamba kukatala yaye.

Luganuzi Luswanu Kuli Wanhu Wose 2002

³ Agwe wuli ngola, kanyhi wakangalila mu wugaye winji muno, ku soko ye litagwa lyangu, hamba kukatala yaye.

Wugubule 2:3 Referans Kwoze

Wahebelaniya 10:36

Ninga mukusaka muwe no wukangalile, ho musume kwituma zono yakuzisaka Mulungu ho mucibocele cono yehuwiza.

Wahebelaniya 12:1

Ase cina ipuga iwaha lye wahomelezi wono wali hawande yetu. Holeka ku soko yiyo ciyilegaje muli vimizi vyose vyono vikucimila, hamonga no wubi wono wucinamatiye muno muno. Kanyhi cimanyhe ko wukangalizi mu witije wono wuli hamwande yetu.

Wagalatiya 6:9

Holeka mulece kukatala mu wituma ziswanu, ku soko hono cilece kukatala, codudula i nhwanga mu cipango cayo.

Wakolosayi 1:11

U Mulungu yamupelenyi vilungo no wusume wakwe wo lukumyo, ho muwe na ngola muli vyose kanyhi hamonga no wukangalile.

Yohana 15:21

Womutendelenyi zizi zose ku soko ye litagwa lyangu, vyono si wamumanyile mono yanhuma.

1 Wakolinto 13:7

Wendo wihuwilaga zose, witumbilaga zose, kanyhi wukangalilaga zose.

Wugubule 3:10

Vyono agwe wakamisa i lilajilizo lyangu lyo wukangalile, ale nha vivyo nane nokukamisa mwipango lyo wugaye lyono likuwaziza wa kononze wose, no kuwajela wono wekaye mononze wose.

Wahebelaniya 6:15

Abulahamu yalindiliza ko wukangalizi, holeka yakacibocela cono u Mulungu yamwihuwiziza.

Wahebelaniya 6:12

Mulece kuwa wadoba, langa muweze nha awalya wono wehuwiye na wono wena u wukangalizi, ho wazibocele zono u Mulungu yazihuwiza.

Wahebelaniya 6:10

Hambi u Mulungu nha si kawezaga yasina lingʼani u mwene si kowusemwa mulimo wenyu wono mwetuma, hamba u wendo wono mwawulajila ku soko ye litagwa lyakwe mu witumami wenyu wono mwawetumamila na vyono sunga na lulu mukali mukuwetumamila i wanhu wakwe.

1 Timoteyo 4:10

Ase cikupiligala no kwituma cihidimbaye, hambi nha cimuwiciye witumbilo wetu u Mulungu mumi, mono yo Mukombozi wetu co wanhu wose, na ko muno wa walya wono wehuwiye.

2 Watesalonike 3:13

Ninga anye nyo wandugu zangu, mulece kukatala mu wituma ziswanu.

2 Wakolinto 4:16

Holeka si cikutimba, u munhu wetu wa kunze hamba yakombipe, ninga mugati mwetu cikunozwa wapya nhondo zose.

2 Wakolinto 4:1

Holeka, u Mulungu ku soko yo lusungu lwakwe luwaha, yacipela u mulimo wuwuno ho ciwitume, holeka nase si cikutukuwika mitima.

Walumi 12:12

No witumbilo wenyu wumuwicenyi na nyemo nhondo zose, mweze na ngola mu wugaye, kanyhi mweze kuswelelela mu wulombe nhondo zose.

Walumi 8:25

Ninga hono cikucitumbila i cinhu cono cikali si naciwona, baho cikucilindila kwa wukangalile.

Luka 14:27

Munhu mono siyakudinghula musalaba wakwe mweneco, no kunhyatya nene, si kosuma kuwa mwijizwa wangu.

Wugubule 1:9

Ane yo nene Yohana u ndugu yenyu, na mu wilunza na Kilisito, nghuhanga hamonga nanye mu wukangalila magayo gono gakuwagana wose wono wali mu wutemi wakwe. Ane nawikwa mu cizingwa ca Patimo, ku soko yo kuyiganula nghani yo Mulungu ne mbeka ya Yesu.

2 Petelo 1:6

mu wizuce namo monjeleze wiyimile, na mu wiyimile namo monjeleze ngola, mu ngola namo monjeleze wogopo Mulungu.

1 Watesalonike 1:3

Nase cikumukumbucilenyi hali Mulungu Baba, vyono mukulajila u wihuwilo wenyu mu witume, na vyono u wendo wenyu wo wukumupelenyi u witume wo wupiligazi, kanyhi na vyono u witumbilo wenyu wukamile muli u Muwaha wetu Yesu Kilisito.

2 Wakolinto 11:23

Alo iwene wetumami wa Kilisito? Na nene ye, alu nhondo neza kulonga cimanghalukwale, ane nili mwitumami wa Kilisito kuciza wene. Ane netuma mulimo muzito muno muno, nadindilwa mu jela kali kenji muno, nghatowangwa kali kenji, sunga nghawa nili behi no kufwa kali kenji.

2 Wakolinto 5:9

Ninga hamba nha vivyo, i mbaha yono yicizize muno, cikuhila cimwendeze, lono cikali cili bahano mono yinze, hamba kuko.

Walumi 2:7

Awalya wono wakulondola u lukumyo ne lilumbo vyo Mulungu no wusangalale, no kuwulondola uwumi, wawo wotuga u wumi wecibitilila.

Luka 18:1

Hanyuma Yesu yakawalonjela cihwanicizo Wejizwa wakwe, yakuwalajila vyono yiwanojeye kulomba nhondo zose, walece kukatala.

Luka 8:15

Nazo zono zalagala mu muhangha muswanu wo wanhu wono wakuyihulika nghani, no kuyikamisa kwa nhumbula swanu na ye cihuliko. Nawo wakuleta mikalo mu wukangalile.

Wahebelaniya 13:13

Ale nase cimubitile kuko kunze ye nghambi, akuno cidinghuye u wumondwe wakwe.

1 Timoteyo 5:17

Iwanyamhala wono watongaga wanhu viswanu yiwanojeye watuje musahala kali kejete, ko muno wawalya wono wahidimbalaga mu wuganule na mu wijize.

2 Watesalonike 3:8

Hamba si calya ndigwa ya munhu wo wose bwete si cimulipile. Cetumaga milimo cihidimbaye hamonga no wugazice ku misi na ku cilo, ho cilece kuwa mutegulo kuli munhu wo wose muli nyenye.

2 Watesalonike 3:5

U Muwaha yamutonjenyi zinhumbula zenyu mu wendo wo Mulungu, kanyhi na mu wukangalizi wono Kilisito yakucipela.

1 Watesalonike 2:9

Nye wandugu zangu, mukumbuciye vyono cetuma u mulimo hamonga ne magaziko. Lono camuletelenyi u Luganuzi Luswanu lo Mulungu, hambi nha cetumaga mulimo ku misi na ku cilo, ho cilece kuwa mutegulo kuli munhu wo wose muli nyenye.

Wafilipi 4:3

Nagwe go mwitumami muyangu mwihuwilwa, nghukunena wuwatazaje wadala wawo, hambi nha wetuma wahidimbaye u mulimo wo kuluganula u Luganuzi Luswanu, hamonga nane na Kelementi, hamonga ne wetumami wayangu wanji wose, wono i matagwa gawo, gandicigwe mu citabu co wumi.

Wafilipi 2:16

hono muyibate mukamile i nghani yo wumi. Nane baho ho notujila i nghani yo kwilumbila mwizuwa lilya lya Kilisito, hambi nha ho yolokwijelela vyono u wuhidimbazi wangu hamonga no mulimo wangu si vyajilila bwete.

Wagalatiya 6:2

Mwidinghuzaje zono zikumuvunenyi mu mikalile yenyu, na nha vivyo, ho mowufisiliza u Wulajilize wa Kilisito.

2 Wakolinto 10:15

Holeka nase si cikwilumbila mulimo wono wanji wetuma, si nhe nghango yono capegwa, langa citumbiye vyono u wihuwilo wenyu wocila kuwiluka, nase ho cituje mulimo muwaha muno muli nyenye mu nghango yiyilya du yono yaciwicilo Mulungu.

2 Wakolinto 6:5

Cikatowangwa, cikatajilwa mu jela, no kuhowelezwa cagalanze, cetuma mulimo kuciza sunga cikakatala, cikagona meso hamba kulya.

Walumi 16:12

Munamusizaje wa Telufena na Telufosa, wono wakwituma muli Muwaha, no mwendece wangu Pelisi, mono yetuma u mulimo kusoko yo Muwaha.

Luka 21:19

Mu wukangalizi wenyu, moponya wumi wenyu.

Maluko 15:21

Na lono wali wali mu nzila wakubita, waketangʼanila na munhu yunji mono kacemagwa Simoni, munya Kilene. Mwene yali yo sogwe wa wa Alekizanda na Lufo, na mwidaha lilyo mwene yalawaga ku mugunda. Ale wakamudindimiza, yadinghule umusalaba wa Yesu.

1 Watesalonike 5:12

Ninga cikumunenenyi wandugu zangu, muwapelaje cogopo awalya wono wakwituma muli nyenye, wawo wono wakumutonjenyi no kumwijizenyi muli ze mikalile ye Cikilisito.

1 Wakolinto 16:16

muwegaje i wanhu wono wenha wawo mu wutonji wawo, kanyhi no wutonji wo munhu wo wose mono vikwitumana nawo.

Luka 5:5

Simoni yakapitula yakatya, “Muwaha, cititilika cilo cose sunga wela cikunimula somba, hamba kutuga cinji, ninga ku so wulonje wako, nozilajila zinyavu.”