Wugubule 14:6 - I CILAGANE CIPYA 1991

⁶ Hanyuma nghamuwona kanyhi malayika yunji yaguluce mu wulanga, yena no Luganuzi Luswanu lwe cibitilila lo Mulungu ho yaluganule kuli wanhu wose wono wekaye mononze, kuli makungugo gose, ne zimbeyu zose, ne wanhu we milonjele yose, na kuli wanhu wose we mawala gose.

Luganuzi Luswanu Kuli Wanhu Wose 2002

⁶ Hanyuma nghamuwona kanyhi malayika yunji yaguluce mu wulanga, yena no Luganuzi Luswanu lwe cibitilila lo Mulungu, ho yaluganule kuli wanhu wose wono wekaye mono'nze, kuli makungugo gose, ne zimbeyu zose, ne wanhu we milonjele yose, na kuli wanhu wose we mawala gose.

Wugubule 14:6 Referans Kwoze

Maluko 16:15

Ale, yakawatya, “Bitenyi ku yinze yose, mukaluganule u Luganuzi Luswanu kuli wanhu wose.

Wugubule 8:13

Nane naza langa, nghahulika numba yiguluce yili kucanyha muno muno, akuno yikulonga kweʼzi iwaha yikutya, “Woyi he, woyi he, woyi he, kuli wono wowa wakali wekaye mononze, lono wamalayika wadatu wono wasigaye kolo wakuzitowa zindulele zawo!”

Wugubule 3:10

Vyono agwe wakamisa i lilajilizo lyangu lyo wukangalile, ale nha vivyo nane nokukamisa mwipango lyo wugaye lyono likuwaziza wa kononze wose, no kuwajela wono wekaye mononze wose.

Walumi 16:25

Alenyi luno cimukumye u Mulungu! U Mwene kosuma kumusikamizizyenyi mu Luganuzi Luswanu lululya, lono naluganula muli zinghani za Yesu Kilisito, na mu nghani ayilya ye cinyele ye mbeka yono yali hundikwe mu ndelo nyinji zono zapuluta.

2 Watesalonike 2:16

Nase cikumulomba u Muwaha wetu Yesu Kilisito mweneco, hamonga no Mulungu Baba mono yacenda, na so lihewa lyakwe yakacipela u wutuzwe we cibitilila hamonga no witumbilo wuswanu,

Wugubule 13:7

Kanyhi lilimu lilyo likakombolwa ho vihome wulugu no kuwasumiza i wanhu wo Mulungu. Kanyhi likapegwa wulajilize muli wanhu we zimbeyu zose, na wose we ndelwa monga, na we zinonga zose, na we makungugo gose.

Wahebelaniya 13:20

U Mulungu yamuzukula u Muwaha wetu Yesu Kilisito mono yo Mudimi wetu Muwaha we zingholo, ku soko wumwaje we sakami yakwe yono yakangaza i cilagane ce cibitilila.

Wakolosayi 1:23

Ninga munojeye mujendelele kuwa wehuwilwa mu wusimyo wono wukamile, hamba kutezwa mu witumbilo wo Luganuzi Luswanu lono mwaluhulika. Ane Pawulo nili mwitumami wa lulo u Luganuzi Luswanu lono lwakondya kuganulwa kuli wanhu wose wa mononze.

Matayo 10:27

Na yono nghumulonjelelenyi mu wutitu, ale anye muyilonjelaje hazelu, ne nghani yono mukuyihulika yikupwepwa, ale, anye muyanzalikaje cagalanze.

Wugubule 10:11

Hanyuma kanyhi nghalonjelwa nhavi, “Yikunojeye kanyhi wuyiganule nghani yo Mulungu kuli wanhu wenji, ne zinghungugo, ne zinonga, ne watemi.”

1 Petelo 1:25

Ninga inghani yo Muwaha yikalaga cibitilila.” Inghani yiyo, yo nghani yo Luganuzi Luswanu lono lwaganulwa kuliʼnye.

Wugubule 5:9

Nawo wakemba u lwimbo aluno lupya. “Agwe yo gwegwe mono wunojeye wucisole citabu cico no kubena vinamatizo vyayo. Vyono agwe wakondya kuwulagwa, wukamugulila Mulungu ne sakami yako, wose we zimbeyu zose, wezinonga zose, ne wanhu wose ne zinghungugo zose.

Wugubule 10:7

Langa mu cipango cono malayika wo mupunghati kololavizya lizi lyakwe, lono kolotowela ndulele yakwe, ale u Mulungu ho kolowukondeleza u wuhile wakwe we cinyele, nha vyono yali yawalonjela wetumami wakwe, wawizi.”