Wugubule 13:8 - I CILAGANE CIPYA 1991

⁸ Na wose wono wekaye mononze wolihemba, ninga awalya wono matagwa gawo gandikwe mu citabu co wumi co Mwana we ngholo mono yawulagwa ku wulawo mwamulizo we yinze, wawo langa si wolihemba yaye.

Luganuzi Luswanu Kuli Wanhu Wose 2002

⁸ Na wose wono wekaye mono'nze wolihemba, ninga awalya wono matagwa gawo mandikwe mu citabu co wumi co Mwana we ngholo, mono yawulagwa ku wulawo mwamulizo we yinze, wawo langa si wolihemba yaye.

Wugubule 13:8 Referans Kwoze

Waefeso 1:4

U Mulungu yacihagula lono yinze yali yikali si nawumbwa, ho ciwe cili wakwe mu wilunza na Kilisito, ho ciwe celile mono cisina hamba yilema hali mwene, ku soko yo wendo wakwe.

Matayo 25:34

Hanyuma u mutemi ho kowalonjela awalya wono wali ku lubavu lo muwoko wakwe wo kulume yakutya, ‘Muze anye mono mwalugutizwa na Baba, mubocele u Wutemi wono mwawikanizizwa kuwulawa wuwumbwe we yinze.

Wugubule 17:8

I lilimu lilyo lyono wuliwene lyono lyali lyumi hamwamulizo, ninga aluno lyakondya kufwa. Ninga hamba nha vivyo, lili behi lyonanuka kulawa kwikombo lyo wuninyina, ninga lyokongomezwa. Na wono wekaye kononze, wokwizina, heya, wanhu wose wono i matagwa gawo si gandikwa mu citabu co wumi ku wulawa mwamulizo weʼnze, wokwizina muno muno kolo wakuliwona i lilimu lilyo lyono ha mwamulizo lyali lyumi, hanyuma likafwa, na aluno likwijela kanyhi!

Wugubule 3:5

“Nawo wono wosuma, wovwikwa vivwalo vizelu nha vivi. Nane hamba si nogapatila lukulu i matagwa gawo mu citabu co wumi, kanyhi nowavumilila hali Baba na hali wamalayika wakwe, vyono wangu.

Tito 1:2

wono u musinji wayo wo wowitumbilo wo kuwutujila u wumi we cibitilila. U Mulungu mono si kalongaga wulambi, yacihuwiziza u wumi wuwo ntu myaka ye katali lono yali yikali si nawa,

Wugubule 21:27

Ninga hasina cisemunwa co cose cono colokwinjila mumo, hamba munhu wo wose mono ketumaga i makani ge cikomaza, hamba i makani go wulambi lambi, yuyo si kokwinjlia mumo. Langa wono wokwinjila mumo mugati, wo wawalya du wono wandikwe mu citabu co wumi co Mwana we ngholo.

Wugubule 5:12

wakalonga wenuye mazi gawo wakutya, “U Mwana we ngholo mono yawulagwe yo yanojeye yabocele vilungo, wugoli, mahala, wusume, lukumyo ne lilumbo.”

Yohana 1:29

I mitondo yaco, Yohana yakamuwona Yesu yakumuziza, yakatya, “Mulanje, ayu Mwana Ngholo wo Mulungu, mono yakuwusa, wubi we yinze!

Luka 10:20

Hamba nhavivyo, mulece kusecelela vyono macisi gakumuhulicenyi; langa musecelele vyono matagwa genyu gandikwa ku wulanga.”

Wafilipi 4:3

Nagwe go mwitumami muyangu mwihuwilwa, nghukunena wuwatazaje wadala wawo, hambi nha wetuma wahidimbaye u mulimo wo kuluganula u Luganuzi Luswanu, hamonga nane na Kelementi, hamonga ne wetumami wayangu wanji wose, wono i matagwa gawo, gandicigwe mu citabu co wumi.

Wugubule 3:20

Wuhulicize ta! Ane nimile ha mulango, nghukongʼonha. Munhu hono yalihulice lizi lyangu, no kudigulo mulango, ane nokwinjila mumo mu nyumba yakwe, nane nolizana nayo zindigwa, nayo kolya hamonga nane.

Wugubule 3:10

Vyono agwe wakamisa i lilajilizo lyangu lyo wukangalile, ale nha vivyo nane nokukamisa mwipango lyo wugaye lyono likuwaziza wa kononze wose, no kuwajela wono wekaye mononze wose.

Wugubule 12:15

Nalyo lizoka lilyo likadeka mu nyuma yo mucekulu yuyo, no kulavya malenga menji nhe kolongo mu mulomo walyo, nago malenga gago gakahuluma no kumutyatya munyuma u mucekulu yuyo, ho gamu-kwenghweleze no kumutegula kutali.

Wugubule 5:13

Nghavihulika viwumbwa vyose vya kuwulanga na vya mononze, na vya kusi ye yinze, sunga na vya mu malenga, viwumbwa vyose du vya mononze, vikutya, “Kuli mwene mono yekaye mwigoda lyo wutemi, na kuli Mwana we ngholo viweze wumoti, ne lilumbo, no lukumyo, no wuwaha cibitilila ne cibitilila!”

Wugubule 6:1

Hanyuma nghawa kumuwona u Mwana we ngholo yakunamatula cinamatizo cinji ca muli vinamatizo vi vilya mupunghati. Nghahulika ciwumbwa cimonga ca muli viwumbwa vine vyumi, cikulonga kweʼzi ʼwaha neʼzi lye balalusi cikutya, “Wuze!”

Wugubule 13:12

Nalyo lyali lina wulajilize wono wukwilaniciye kuwulawa kwilimu lililya lilongozi, nalyo likavitumamile vilungo vivyo baho du ha meso ge lilimu lilongozi. Kanyhi likawa kuyidindimiza yinze yose, hamonga na wose wono wali mumo, ho walihembe lilyo lilimu lilongozi lyono lyali lina ikomele yiwaha muno lyo wufwe, lyono lyali lyakondya kunoga.