Wugubule 12:1 - I CILAGANE CIPYA 1991

¹ Hanyuma cikejela citanjilo ciwaha ku wulanga. Baho hali hoyuli mucekulu mono yali yavwicigwe lizuwa, no mwezi wukawa wuli hasi ye magulu gakwe, no mukumbo we zinyelezi ikumi na nyejete zikawa mucanyha mu mutwe wakwe!

Luganuzi Luswanu Kuli Wanhu Wose 2002

¹ Hanyuma cikejela citanjilo ciwaha ku wulanga. Baho hali hoyuli mucekulu mono yali yavwicigwe lizuwa, no mwezi wukawa wuli hasi ye magulu gakwe, no mukumbo we zinyelezi yikumi na nyejete, zikawa mucanyha mu mutwe wakwe!

Wugubule 12:1 Referans Kwoze

Luka 21:25

“Na kolowa na vitanjilo mwizuwa na mu mwezi na mu zinyelezi; ne makungugo kononze golowa na magayo, wena mahwele so mukukunzo we lilenga ne mawingo gayo.

Waefeso 5:32

Mu zinghani zizi moyili i mbeka yono yihundikwe mumo, nane nghuwona vyono yidomile kuli Kilisito ne Likanisa lyakwe.

Maluko 13:25

Ne zinyelezi zologwa kuwulawa ku wulanga, ne vilungo vya ku wulanga vyolosinjiswa.

Luka 21:11

golowa matulo mawaha hanhu hose, kanyhi kolowa na nzala mbaha, ne matamwa go kwileceza. Kolowa ne vinhu vijenzi vya kogofya, ne vitanjilo viwaha vya ku wulanga.

Wugubule 21:23

Ne likaya lilyo si likusaka izuwa, hamba mwezi vilimulicile, hambi u lukumyo lo Mulungu nha lolukuwa kulimulicila, ne zitala zalyo, yo yuyo u Mwana we ngholo.

Wugubule 15:1

Hanyuma nghawona citanjilo cinji ku wulanga citanjilo JL ciwaha muno kanyhi ca wizine. Baho hali na wamalayika wali mupunghati, wena magazo mupunghati ge ndumilizo. Ne likuwo lyo Mulungu lyomalicila mu magazo gago mupunghati.

Wugubule 12:3

I citanjilo cinji kanyhi cikejela ku wulanga. Kukawa na nzoka mbaha ndunghu yono yina mahembe ikumi ne mitwe mupunghati, ne mitwe yiyo yikawa yina mutwe no mukumbo wayo.

Wugubule 11:19

I Nyumba yo Mulungu ku wulanga yikadigulwa, ne lisanduku lye cilagane cakwe likejela mumo mu wuhembelo wakwe. Hanyuma vikawa kuza limuli, ne lizi, mabalalusi, ne mafulo ge yisi, hamonga ne mvula mbaha ye mabwe.

Metumo ge Watumwa 2:19

Kanyhi nololajila imezino ku wulanga kucanyha, Ne vitanjilo kononze hono hasi, kolowa na sakami, no moto ne nghungulyosi yizito.

Matayo 24:30

Ale baho langa, icitanjilo co Mwana wo Munhu, ho cilejelela ku wulanga, we makungugo gose ga kononze baho ho wololilila, nawo wolomuwona u Mwana wo Munhu, yakuziza mu mavunde mucanyha, akuno yena ne vilungo vinji hamonga no lukumyo luwaha.

Wagalatiya 6:14

Ninga ane si nokwilumbila muli cinji co cose, hono si mu musalaba wo Muwaha wetu Yesu Kilisito langa, ku soko mu nzila yo musalaba wuwo, yiyo yinze yikawulagwa kuli nene, nane nghawulagwa kuli yinze.

Matayo 12:38

Hanyuma yayo, wanji wa mu wejizi wo Wulajilize hamonga ne Wafalisayo, wakamulonjela Yesu wakutya, “Ase cikusaka ciwone citanjilo kuwulawa kwako.”

Wugubule 21:14

Ne majinji gose ge likaya lilyo, gali mazenje mu mabwe ikumi na mejete go musinji, na mucanyha ye mabwe gago, mwali mwandikwe i matagwa ge watumwa ikumi na wejete wo Mwana we ngholo.

Wugubule 1:20

Ne nhunizo hundikwe ye zinyelezi zo mupunghati zono wuziwene mu muwoko wangu wo kulume, hamonga ne nhunizo hundikwe yo wuwiko wu wulya we zitala mupunghati za zahabu, nha yoyi, zi zilya i zinyelezi zo mupunghati, wo wamalayika we makanisa go mupunghati, na wulya u wuwiko mupunghati we zitala, go makanisa mupunghati.

Wagalatiya 3:27

Nanye wose mono mwabaputizwa, mukelunza na Kilisito, alu mwamuvwala Kilisito.

2 Wakolinto 11:2

Ane nha nghumuwonelenyi wivu, ninga wivu wa kuli Mulungu, hambi anye nha mwihwanile u muhinza musindile mono nimubanyiye u mulume monga du, nayo yo Kilisito.

Walumi 3:22

U Mulungu yakuwanoza iwanhu, ho wavumilwe hali mwene mu nzila yo wihuwilo wawo, muli Yesu Kilisito: Nayo u Mulungu, ketumaga nha vivyo kuli wose wono wakwihuwila, hamba hasina wusiwanule wo wose.

Yohana 3:29

Bibi halusi yo wa bwana halusi, ninga mwendece wa bwana halusi, mono yemile yakuhuliciza, yakuwa na nyemo mbaha muno muno, lono yakumuhulika bwana halusi yakulonga. Ne nyemo yangu vyo yifisilizwe.

Walumi 13:14

Langa u Muwaha Yesu Kilisito yaweze co civwalo cenyu, kanyhi mulece kwipiganziza u wusulumizi wenyu wo muwili, no kuwufisiliza.

Wagalatiya 4:26

Ninga Yelusalemi ya ku wulanga, lye kaya lilelele, nayo yo nyina yetu ase.