Wugubule 1:7 - I CILAGANE CIPYA 1991

⁷ Langa ta! Yakuziza mu mavunde! Ne wanhu wose wolomuwona, sunga na walya wono wamucinya no mugoha. Ne makungugo gose ga kononze gololila ku soko yo mwene. Heya! Vyo yiweze.

Luganuzi Luswanu Kuli Wanhu Wose 2002

⁷ Langa ta! Yakuziza mu mavunde! Ne wanhu wose wolomuwona, sunga na walya wono wamucinya no mugoha. Ne makungugo gose ga kono'nze, gololila ku soko yo mwene. Heya! Vyo yiweze.

Wugubule 1:7 Referans Kwoze

Matayo 24:30

Ale baho langa, icitanjilo co Mwana wo Munhu, ho cilejelela ku wulanga, we makungugo gose ga kononze baho ho wololilila, nawo wolomuwona u Mwana wo Munhu, yakuziza mu mavunde mucanyha, akuno yena ne vilungo vinji hamonga no lukumyo luwaha.

Yohana 19:37

Kanyhi na hanji mandiko gakutya, “Wolomulanga mono wamucinya.”

Maluko 14:62

Nayo Yesu yakapitula, yakutya, “Heya yo nene. Na kanyhi, molomuwona u Mwana wo Munhu yekaye ku lubavu lo kulume lwa Mono yena Vilungo, yakuziza mu mavunde ga ku wulanga.”

Luka 21:27

Hobaho ho wolomuwonela Mwana wo Munhu, yakuziza mwivunde ne vilungo ne nhojo mbaha.

1 Watesalonike 4:17

Hanyuma nase nhondo mono cili womi mwidaha lilyo, colonyasulanwa nawo mu mavunde no kumuhinjliiza u Muwaha, ale nha vivyo colowezana no Muwaha cibitilila.

1 Watesalonike 1:10

na luno mumulindilize u Mwanagwe yatime kulawa ku wulanga, mono u Mulungu yamuzukula muli wafu, yo Yesu, mono yakuciponya ne likuwo lyo Mulungu lyono likuza.

Maluko 13:26

Ale baho ho wolomuwona u Mwana wo Munhu yakuziza mu mavunde kwe vilungo viwaha ne nhojo.

Yuda 1:14

Nayo Enoci u kuku yetu wo mupunghati vyono yalawa Adamu, yawawilila i wanhu wawo yakutya, “Langa ta, u Muwaha yaza na maelufu ga wamalayika wakwe wono welile,

Matayo 26:64

Yesu yakamutya, “Nha kulonga gwegwe! Ninga nghumulonjelenyi mbeka, vyono kulawa lulu momuwona u Mwana wo Munhu yekaye ku lubavu lo kulume lo Mulungu u Mudaha vyose, yakuziza mu mavunde go wulanga.”

Wugubule 22:20

Nayo mono yakuhomelela zizino, yakutya, ‘Heya mbeka! Nghuza musunho muno muno.” Heya. Na yiweze nha vivyo! Wuze go Muwaha Yesu!

1 Yohana 3:2

Mo wendece wangu, alu ase cili wana wo Mulungu ninga yikali sinejela calinze vyono colowa. Ninga cimanyile du vyono i cipango Kilisito kolo yakwijela, colokwihwana nayo, hambi nha colomuwona vyono yenha.

Wahebelaniya 10:29

Wulenyi, u munhu mono yakumubedula u Mwana wo Mulungu, no kuyibedegala i sakami ye cilagane co Mulungu cono ca mweza, u munhu yuyo mono yakumutovula u Muhe wo Mulungu, yimunojeye yapegwe wulipicizwe wuwaha nha cici?

Yohana 19:34

Ninga musilikale yunji muyawo, yakamucinya Yesu no mugoha ha lubavu, hobaho isakami ne malenga yikalawila. (

Wugubule 22:4

Nawo wowuwona wusu wakwe, ne litagwa lyakwe lyokwandikwa mu mahanda go wusu wawo.

Wahebelaniya 6:6

hanyuma kanyhi wakawa kuwubena u wihuwilo wawo! Si yosumika kuwagomola ho wanene kanyhi, vyono wakumutumbika kanyhi u Mwana wo Mulungu kejete, kanyhi wakumupela cevu ca cagalanze.

Matayo 16:27

Hambi u Mwana wo Munhu nha kolokuziza mu lukumyo lo Sogwe, hamonga ne wamalayika wakwe, na baho ho kolomulipila munhu wo wose nha vyono genha imetumo gakwe.

Matayo 16:28

Nane nghumulonjelenyi mbeka, vyono howali wanji wono wali bahano wono si wolofwa, sunga waze wamuwone u Mwana wo Munhu yakuza mu Wutemi wakwe.”

Matayo 25:31

“Mu cipango cono kolokuziza u Mwana wo Munhu mu lukumyo lwakwe yena hamonga ne wamalayika wakwe, ale baho ho yalekala mwigoda lyakwe lye nhojo, lyo lukumyo.