Wugubule 1:4 - I CILAGANE CIPYA 1991

⁴ Ane yo nene Yohana mono nghugandicila makanisa mupunghati gono gali mu yisi ya Asiya. Ilihewa no mulamu vyeze kulinye ku wulawa kuli mwene mono hoyuli, mono yali ho yali, kanyhi mono yakuza, na kanyhi ku wulawa kuli i myuhe mupunghati yono yikalaga heʼgoda lyakwe lyo lukumyo,

Luganuzi Luswanu Kuli Wanhu Wose 2002

⁴ Ane yo nene Yohana mono nghugandicila makanisa mupunghati, gono gali mu yisi ya Asiya. Ilihewa no mulamu vyeze kuli'nye ku wulawa kuli mwene mono hoyuli, mono yali ho yali, kanyhi mono yakuza, na kanyhi ku wulawa kuli i myuhe mupunghati yono yikalaga he'goda lyakwe lyo lukumyo,

Wugubule 1:4 Referans Kwoze

Wahebelaniya 13:8

Yesu Kilisito yo yuyo du igolo ne zuwali, na ku cibitilila.

Yohana 1:1

Ha mwamulizo i yinze lono yali yikali nawumbwa, I Nghani yali yalibaho. Nayo I Nghani nayo yali yali hamonga no Mulungu, i Nghani nayo yali Mulungu.

Wugubule 5:6

Hanyuma nghawona u Mwana we ngholo yemile haciligati ye ligoda lyo wutemi, yapilimwe mbavu zose na vivilya viwumbwa vyumi, hamonga na wawalya wawaha. Na yuyo Mwana we ngholo yakawa kwijela nha muwulagwe. Yali yena mahembe mupunghati, ne meso mupunghati, nayo yo myuhe mupunghati yo Mulungu, i myuhe yono yali yategulwa hanhu hose mononze yose.

Wugubule 4:5

I mamuli ne lizi hamonga ne madidimo mawaha, vyalawaga baho heʼgoda lyo wutemi. Sunga ne zitala mupunghati zo moto, nazo zakaga baho heʼgoda lyo wutemi. Ne zitala zizo, yo myuhe mupunghati yo Mulungu.

Wugubule 1:8

“Ane yo nene wo Mwamulizo na wo Mudumo, vyo yakutya Muwaha Mulungu Mono yali Vilungo, mono hoyuli, mono yali ho yali, na mono yakuza.”

Wugubule 3:1

“Kuli malayika we likanisa lya Salidisi wandice nhavi. “Ayi yo nghani yono yikulawa kuli mwene mono yena myuhe mupunghati yo Mulungu, hamonga ne zinyelezi mupunghati. Nigamanyile i metumo gako gose, manyile vyono wumanyice nha wuli mumi, kumbe ho wufwiye!

Yakobo 1:17

Ivipegwa vyose viswanu ne vilavywa vyose vyono vikwilaniciye vilawaga ku wulanga, vilawaga kuli Sogo ya munhu, u Muwumbi we mazelu ga ku wulanga, mono yasina cipitupitu hamba yasina cinji co cose cono cosuma kumuletela wupituce.

Wugubule 4:8

Ne viwumba vivyo vyose vyono vine, vyali vina mabawa mutandatu mutandatu, kanyhi vyali vimemile meso, mugati na mudeha. Navyo vikalaga vikwimba hamba kuceha cilo ne misi, vikutya, “Welile, welile, welile, yo Muwaha Mulungu Mono yali vilungo mono yali, mono hoyuli, na mono yakuza.”

Wugubule 3:7

“Kuli malayika we likanisa lya Filadelifiya wandice nhavi, “Ayi yo nghani yono yikulawa kuli mwene mono yelile kanyhi we mbeka, mono yena funguwo ya Dawudi, mono kawudigulaga, hamba hasina kanyhi munhu mono kosuma kudinda, mono kadindaga, hamba hasina kanyhi munhu mono kosuma kuwudigula.

Walumi 1:7

Holeka, nghumwandicilenyi anye wose mono muli kuko ku Lumi, iwendece wo Mulungu, mono mwasiwanulwa Nayo ho muwe wanhu wakwe. Nghumulombelenyi ilihewa no mulamu, vyono vikulawa kuli Mulungu u Sogo yetu, no Muwaha Yesu Kilisito.

Wugubule 2:8

“Kuli malayika we likanisa lya Simulina, wandice nhavi, “Ayi yo nghani yono yikulawa kuli mwene mono wo Mwamulizo na wo Mudumo, mono yafwa no kuwumipa kanyhi.

Wugubule 1:20

Ne nhunizo hundikwe ye zinyelezi zo mupunghati zono wuziwene mu muwoko wangu wo kulume, hamonga ne nhunizo hundikwe yo wuwiko wu wulya we zitala mupunghati za zahabu, nha yoyi, zi zilya i zinyelezi zo mupunghati, wo wamalayika we makanisa go mupunghati, na wulya u wuwiko mupunghati we zitala, go makanisa mupunghati.

Wugubule 1:11

Nalyo lizi lilyo likatya, “Wuzandikaje mu citabu cicino zose zono wukuziwona, wugategulile gaga i makanisa mupunghati, ku Efeso, ku Simulina, ku Peligamo, ku Tuwatila, ku Saludisi, ku Filadelifiya, na ku Lawodikeya.”

2 Wakolinto 1:2

Ilihewa no mulamu vyono vikulawa kuli Mulungu u Sogo Yetu na kuli u Muwaha wetu Yesu Kilisito, viweze muli nyenye.

1 Wakolinto 1:3

Ilihewa no mulamu, wono wukulawa kuli u Mulungu u Sogo yetu, na kuli u Muwaha Yesu Kilisito, viwezane nanye.

Wugubule 3:14

“Kuli malayika we likanisa lya Lawodikeya wandice nhavi, “Ayi yo nghani yono yikulawa kuli mono yakucemwa, yo ‘Heya,’ Mwene yo muhomelezi mwihuwilwa na we mbeka, mono yo mwamulizo we viwumbwa vyose vyono u Mulungu yaviwumba.

Wugubule 2:18

“Kuli malayika we likanisa lya Tuwatila, wandice nhavi, “Ayi yo nghani yo Mwana wo Mulungu, mono i meso gakwe gakungʼalala nha moto, ne migulu yakwe yikungʼalala yinha cuma cizelu cono cikungʼalala.

Wugubule 2:12

“Kuli malayika we likanisa lya Peligamo, wandice nhavi, “Ayi yo nghani ya mono yena mumaje mukali kose kose, yakutya,

Wugubule 1:1

I Citabu acino, co cina zinghani ze metumo gono gagubulwa na Yesu Kilisito. U Mulungu yamugubulila Kilisito u wugubule wu wuno, ho yawalajile i wetumami wakwe zinghani zono si zotinya kwijela. Kilisito yamutuma malayika wakwe yamumanyize Yohana u mwitumami wakwe, i zinghani zizino,

Metumo ge Watumwa 19:10

Yakajendelela kunoza nhavivyo, sunga idaha lya myaka myejete, sunga wose wekala Asiya, Wayahudi ne wanhu we makungugo ganji, wakayihulika nghani yo Muwaha.

Metumo ge Watumwa 2:9

Muliʼse, wanji Wapaliti na Wamedi na Welamiti, na wanji wanya ku Mesopotamiya, ku Wuyahudi, na Kapadokiya, Ponto, na Asiya,

Wugubule 1:9

Ane yo nene Yohana u ndugu yenyu, na mu wilunza na Kilisito, nghuhanga hamonga nanye mu wukangalila magayo gono gakuwagana wose wono wali mu wutemi wakwe. Ane nawikwa mu cizingwa ca Patimo, ku soko yo kuyiganula nghani yo Mulungu ne mbeka ya Yesu.

Wugubule 1:17

Holeka nane naza kumuwona du, hobaho nghagwa ha magulu gakwe nha fwiye. Ninga mwene yakanjeleka muwoko wakwe wo kulume, yakatya, “Wulece kogopa! Ane yo nene wo Mwamulizo na wo Mudumo.

Wugubule 8:2

Hanyuma nghawa kuwawona wa walye wamalayika mupunghati wono wemile hali Mulungu wakupegwa ndulele mupunghati.

Wugubule 16:5

Nane nghamuhulika malayika muwaha u mulindilizi we malenga, yakutya, “Agwe Mono Welile mono wuli baha na mono wali baho kulawa katali Agwe wuli lingʼani mu ningʼaniza yako yiyi yono wuyinozize.

Wugubule 22:8

Ane yo nene Yohana, mono naziwona no kuzihulika i zinghani zizino. Nane nali neza kukondya kuzihulika no kuziwona, hodu nghegumila hasi, ha mwande ye magulu ga yuyo malayika mono yandajila i zinghani zizino zose, nane nahilaga nimuhembe.

Wugubule 22:16

“Ane yo nene Yesu, nimutuma malayika wangu, yamuhomelelenyi i zinghani zizino mu makanisa. Ane nili lulelo lwe mbeyu ya Dawudi: Ane yo nene i nyelezi i mwacinghunghu yono yingʼalalaga ya hakali mitondo!”