Wugubule 1:2 - I CILAGANE CIPYA 1991

² nayo Yohana yakazilonga zose zono yaziwona. Awuno wo wuhomelezi wakwe kuli ze nghani yo Mulungu ne mbeka yono yagubulwa na Yesu Kilisito.

Luganuzi Luswanu Kuli Wanhu Wose 2002

² nayo Yohana yakazilonga zose zono yaziwona. Awuno wo wuhomelezi wakwe kuli ze nghani yo Mulungu, ne mbeka yono yagubulwa na Yesu Kilisito.

Wugubule 1:2 Referans Kwoze

1 Wakolinto 1:6

hambi inghani ya Kilisito nha yakondya kukangazwa muliʼnye,

Wugubule 12:17

Holeka lizoka lilyo likawa kumusimbila yuyo mucekulu, hodu likawa kwibitila, likawa kubita no kwihoma na wanji we mbeyu yo mucekulu yuyo wose wono wakukamisa malajilizo go Mulungu, kanyhi wehuwilwa mu mbeka yono yaziza muli Yesu.

1 Yohana 1:1

Cikukwandicila zizi so i nghani yo wumi yono yali yili baho ku wulawa mwamulizo. Ase cayihulika no kuyiwona ne meso getu sese co weneco, cayiwona no kuyibata kwe miwoko yetu sese co weneco.

Yohana 21:24

Ayu yo mwijizwa mono yazihomelela zinghani zizi, no kuzandika. Nase cimanyile vyono wuhomelezi wakwe wa mbeka.

Yohana 19:35

Nayo mono yaziwona zizi, yazilonga, nanye ho mwihuwile. Na zizo zono yalonga, za mbeka, nayo yamanyile vyono yakulonga za mbeka.)

Wugubule 1:19

Holeka, alu wuzandikaje zizi zose zono wukuziwona, zono zokwijela lulu, na zono zolokwijela hanyuma.

Wugubule 1:9

Ane yo nene Yohana u ndugu yenyu, na mu wilunza na Kilisito, nghuhanga hamonga nanye mu wukangalila magayo gono gakuwagana wose wono wali mu wutemi wakwe. Ane nawikwa mu cizingwa ca Patimo, ku soko yo kuyiganula nghani yo Mulungu ne mbeka ya Yesu.

Metumo ge Watumwa 26:16

Ninga si nghani yaye, alu winuce, wime wima. Nilajila kuligwe ho nghuhagule wuwe mwitumami no muhomelezi kuli wanhu wanji, wa zizi zose zono wuziwene izuwali, sunga na azilya zono nokulajila.

Yohana 12:17

Ne mhuga ye wanhu, wono wali hamonga nayo mwipango lyono yamucemela Lazalo mu citenjelo, yakamuzukula mu wafu, nawo wakazilonga zizo zono zejela.

Wugubule 6:9

Hanyuma kanyhi u Mwana we ngholo yakacinamatula i cinamatizo ce hano. Ale hasi ye cikumbicilo co kufusiza wuvumba, nghawona awalya wono wawulagwa ku soko ye nghani yo Mulungu, na ku soko yo kuyiganula.

1 Yohana 4:14

Ase cakondya kumuwona no kuwalonjela i wanji vyono u Sogo yo munhu yamutuma yawe Mukomboza yinze.

1 Wakolinto 2:1

Ane nane, mo wandugu zangu, lono naziza kwenyu, si namuganulilenyi inghani yo Mulungu ko wusugu wa nonga, hamba kwe mahala ge cimunhumunhu.

Metumo ge Watumwa 4:20

Hambi nha si cosuma kuleka kuzilonga zono cawona no kuhulika.”

Yohana 3:11

Mbeka nghukulonjela, ase cilongaga zono cizimanyile, no kuhomelela zono caziwona, nanye si mukuwuvumila uwuhomelezi wetu.

Yohana 1:32

Awu wo wuhomelezi wono Yohana yawulavya; “Nawona Muhe yakutima nha nziwa, yakulawa ku wulanga, yakamwikalila mwene.

Wugubule 12:11

Nawo iwandugu zetu wakamusuma ku so sakami yo Mwana we ngholo, na kwe vilungo vye imbeka yono wayiganula, kanyhi wawuwona u wumi wawo si cinji, hamba wafwe.

3 Yohana 1:12

I wanhu wose wakumukumya Demeteliyo, heya sunga ne mbeka yeneco yikumukumya. Sunga na sese wose cikumuoelela, nagwe wumanyile vyono zono cikulonga zo ze mbeka.

Metumo ge Watumwa 22:15

Hambi nha kowa muhomelezi wakwe kuli wanhu wose, muli zizi zono wuziwene, na zono wuzihulice.

Wugubule 1:11

Nalyo lizi lilyo likatya, “Wuzandikaje mu citabu cicino zose zono wukuziwona, wugategulile gaga i makanisa mupunghati, ku Efeso, ku Simulina, ku Peligamo, ku Tuwatila, ku Saludisi, ku Filadelifiya, na ku Lawodikeya.”

Wugubule 20:4

Nghawona magoda ge citemi hamonga ne wanhu wono wali wagekaliye. I wanhu wawo, wakapegwa vilungo vyo kulingʼaniza. Nghawona kanyhi nha vivilya izinhumbula za wono wadumulwa mitwe yawo ku soko ya kumuganula Yesu, na ku soko yo kuyiganula nghani yo Mulungu. Wawano wo wawo wono si walihemba lilimu lililya hamonga ne cihwani calyo, kanyhi hamba si wawicilwa citanjilo mu mahanda go wusu wawo, hamba mu miwoko yawo. Wakawumipa kanyhi, no kutema hamonga na Kilisito myaka elufu monga.

Wugubule 22:21

Ilihewa lyo Muwaha Yesu, liwezane na nyenye wose.