Wafilipi 3:8 - I CILAGANE CIPYA 1991

⁸ Heya, hamba si nha vivyo du, ninga nghawona vyono vyose wo wambuce wa bwete, ku so wuswanu wo wumumanya Kilisito Yesu u Mutwa wangu. Hambi nha ku so mwene ane navumila kugaleka gose, nane nghagawona gago gose nha takataka, ho nimutuje Kilisito,

Luganuzi Luswanu Kuli Wanhu Wose 2002

⁸ Heya, hamba si nhavivyo du, ninga nghawona vyono vyose wo wambuce wa bwete, ku so wuswanu wo wumumanya Kilisito Yesu u Mutwa wangu. Hambi nha ku so mwene, ane navumila kugaleka gose, nane nghagawona gago gose nha takataka, ho nimutuje Kilisito,

Wafilipi 3:8 Referans Kwoze

Walumi 8:18

Hambi nha nghuwona vyono magayo ga lulu si nghani yaye, hono cigalingʼanize no lukumyo lono lologubulilwa kuliʼse.

Metumo ge Watumwa 20:24

Ninga ane si nghuganiciza wumi wangu nha cinji cikamu kuliʼne, si nho wukondeleze wo muhinzo wangu, no witumami wono nabocela kuli Muwaha Yesu, kuluhomelela u Luganuzi Luswanu lwe lihewa lyo Mulungu.

Wafilipi 3:7

Ninga muli zizo zose zono nali kwihwesa vyono zo ze cambuzi, nghaziwona vyono kumbe wambuce du, ku soko ya Kilisito.

Yohana 17:3

Na awuno, nha wo wumi we cibitilila, “Wakumanye gwegwe, u Mulungu we ciwene, we mbeka, no kumumanya Yesu Kilisito mono wamutuma.”

Wafilipi 3:10

Nane cono nghuhila, ho nimumanye u mwene Kilisito, kanyhi nivimanye ne vilungo vyo wuzuce wakwe, no kuhanga i magayo gakwe, no kwihwana nayo,

2 Petelo 1:3

Mu vilungo vyakwe vyo wulungu, u Mulungu yacipela vyose vyono cisakaga, ho cisume kwikala mu mikalile yo kumogopo Mulungu, no kumumanya mwene mono yacicema ho ciwuhanje ulukumyo no wuswanu wakwe mweneco.

1 Wakolinto 2:2

Na kanyhi, hamba si nasaka ho manye nghani yo yose ya muli nyenye, langa nghani monga du heya nimumanye Yesu Kilisito du, u mwene Kilisito mono yatumbikwa mu musalaba.

1 Yohana 5:20

Cimanyile kanyhi, vyono Mwana wo Mulungu yakondya kuza, yakacipela ne mahala ho cimumanye Mulungu we mbeka, kanyhi cikale muli Mulungu we mbeka, muli Mwanagwe Yesu Kilisito. Na yuyu yo Mulungu we mbeka, na wuwu wo wumi we cibitilila.

Yohana 17:8

Ane nakondya kuwapela inghani yako yono wamhela, nawo wayibocela, nawo wamanya vyono mbeka nalawa kwako, nawo wehuwiye vyono gwegwe wanhuma.

Yohana 14:20

Mwizuwa lilyo, anye ho molomanya vyono ane nili muli Baba, nanye muli muli nene, nane nili muli nyenye.

Wahebelaniya 3:14

Hambi ase nha ceza cili hamonga na Kilisito, soko ciwe ciwukamise muno muno u witumbilo wetu wono cali cina nawo hamwamulizo.

2 Wakolinto 4:6

U Mulungu mono yatya, “Uwuzelu wubulile mu wutitu,” yo yuyo kanyhi mono yakuwa kuzibulilila ne zinhumbula zetu, kanyhi yo kacipelaga u wumanye wose wo lukumyo lo Mulungu, wono wukuwa kungʼalala mu wusu wa Kilisito.

Yohana 14:7

Mhali mumanye ane, ho mwali mumumanye na Baba. Alu na lulu mumumanyile, kanyhi mwakondya kumuwona.”

Waefeso 4:13

Sunga cize ciwuficile u wumonga wo wihuwilo no kumumanya u Mwana wo Mulungu; ho ciwe wanhu wono cikangaye no kuwuficila u wukwilanicile wa Kilisito mweneco.

2 Petelo 3:18

Ninga mujendelele kuwilucila mwihewa no muwumanyo Mutwa wetu no Mukombozi Yesu Kilisito. U lukumyo lweze kuli mwene, kulawa lulu na ku cibitilila Heya.

1 Yohana 1:3

Cico cono cawona na cono cahulika co cikumwazizenyi nanye, nanye ho muhanje nase mu wumonga wono cina nawo no Sogo yo munhu no Mwanagwe Yesu Kilisito.

2 Timoteyo 4:6

Ninga ane ku lubavu lwangu, niwikanize du, ku wulavywa niwe ikumbiko, ne lidaha lyo wufwe wangu nha lyasejelela.

Yohana 20:28

Tomaso yakapitula yakamutya, “Muwaha wangu no Mulungu wangu!”

Yohana 16:3

Wolomunozezenyi nhavivyo, ku soko vyono si wamumanyile Baba, hamba na nene si wamanyile yaye.

1 Yohana 2:19

Ne wanhu wawo wakulawilila muli sese, ninga i mbeka si wali wayetu na ku soko yiyo holeka wakawuka, hambi mhali wawe mbeka wayetu, wali wawe wali hamonga na sese. Ninga alu wawuka, wakabita kono wakusaka, ho yijele calinze vyono si wali wayetu.

1 Petelo 2:7

Ale kuliʼnye mono mwihuwiye, ilibwe lilyo lyo lyo wuguzi wukamu, ninga kuli walya wono si wehuwiye, “I libwe lyono walilema iwazenji, ninga alu lyo lyeza libwe liwaha lyo musinji.”

Wagalatiya 1:16

Nayo yaza yeza kulamula du kungubulila zo Mwanagwe, ho niluganule u Luganuzi lwakwe Luswanu kuli wanhu we makungugo ganji, nane si nejelela kuwuza mahweso kuli wanhu wanji,

2 Wakolinto 4:4

Wawo si wehuwiye vyono mulungu we yinze yiyino yawatajila wutitu mahala gawo, ho walece kuwuwona calinze u wuzelu wo Luganuzi Luswanu lo lukumyo lwa Kilisito, mono yo cihwani ce mbeka co Mulungu.

1 Wakolinto 9:10

Hamba yalongaga ku soko yetu, lono yalonjela nha vivyo? Na mbeka azi zandikwa ku soko yetu sese, ku soko vyono ayulya mono yakulima, na ayulya mono yakududula, wose vyono wejete nha wanojeye lingʼani yo kuwa no witumbilo, vyono wotuga.

Yohana 20:13

Wamalayika wawo, wakamuwuza wakutya, “Alu yaya wukulilila cici?” Mwene yakatya, “Wamuwusa Muwaha wangu, hamba simanyile hono wamuwicile!”

Luka 11:20

Ninga hono niwe nghulavizya macisi mu vilungo vyo Mulungu, ale mumanye vyono wutemi wo Mulungu, wakondya kumuzizenyi.”

Luka 1:43

Alu ne nili nani sunga nyina yo Muwaha wangu yanyizize?

Walumi 8:39

hamba iyinze ya kucanyha, hamba ya hasi muno. Hasina ciwumbwa co cose, cono cosuma kucitemanula mu wendo wo Mulungu, wono wuli muli Kilisito Yesu u Mutwa wetu.

Wafilipi 1:1

Yo nene Pawulo na Timoteyo, i wetumami wa Yesu Kilisito, cikumwandicilenyi anye nyo wanhu wo Mulungu kuko ku Filipi, mono mwalunzwa na Kilisito Yesu, hamonga nanye mo walongola ne watazi mu Kanisa.

Wafilipi 3:12

Si nghwiwona vyono kotya nakondya kusuma, hamba vyono nakondya kuwa nghwilaniciye, langa nghujendelela kusimbilila ho nicituje i cipegwa cono nebatilwa na Kilisito Yesu.

2 Petelo 1:2

Ilihewa no Mulamu vyeze kuliʼnye mu wumumanya Mulungu na Yesu Kilisito Mutwa wetu.

2 Petelo 1:8

Na kolo mukuwa no winji wa zizi zose, zomunozenyi muwe muli wetumi, no kutuga chambuzi mu wumumanya Mutwa wetu Yesu Kilisito.