Wafilipi 2:9 - I CILAGANE CIPYA 1991

⁹ Holeka u Mulungu yakamukumya muno yakamupela i litagwa lyono licizize i matagwa gose.

Luganuzi Luswanu Kuli Wanhu Wose 2002

⁹ Holeka u Mulungu yakamukumya muno yakamupela i litagwa lyono licizize i matagwa gose.

Wafilipi 2:9 Referans Kwoze

Wugubule 19:16

Na mu vivwalo vyakwe hamonga na mu mugulu wakwe, yali mwandikwe litagwa lya, “U Mutemi we watemi, no Muwaha we wawaha.”

Matayo 28:18

Nayo Yesu yakaza sunga behi nawo, yakawatya, “Ane mhegwa u wulajilize wose, wa ku wulanga, sunga na wa kononze.

1 Petelo 3:22

mono yabita ku wulanga, nalu yekaye ku lubavu lo Mulungu, yawatemile wamalayika, ne wawaha, na wono walawiliciye.

Wahebelaniya 2:9

Langa cikumuwona Yesu mono yanozwa mudodo kwa cipango cidodo si nhe wamalayika, na so i lihewa lyo Mulungu, yafwe ku soko ye wanhu wose. Sunga nalu cikumuwona yakondya kutemywa ko lukumyo ne lilumbo, ku soko yo wutamiswe we lifwa.

Wugubule 5:12

wakalonga wenuye mazi gawo wakutya, “U Mwana we ngholo mono yawulagwe yo yanojeye yabocele vilungo, wugoli, mahala, wusume, lukumyo ne lilumbo.”

Wahebelaniya 1:4

U Mwana yo muwaha yacizize wa Malayika, nha vyono i litagwa lyono yapegwa no Mulungu, yiwaha muno si nha ilitagwa lyawo.

Wahebelaniya 12:2

Akuno cikumulanga Yesu u mwamulizo u wihuwilo wetu, no kuwukwiza. Mono ku soko i nyemo yono yali yawiciywe u mwene yakangalila u wufwe wa mu musalaba, hamba kulanga ze cevu cakwe, alu yekaye ku lubavu lo kulume lwe ligoda lyo lukumyo lyo Mulungu.

Yohana 17:5

Alu nhondo Baba, wunghumizyaje hali gwegwe ko lukumyo lululya lono nali nina nalo, lono yinze yali yikali hamba si nawumbwa.

Wugubule 3:21

“Wono wosuma, ale wawo nowekaza hamonga nane mwigoda lyangu lyo wutemi nha vyono ane no mweneco nasuma, nghawa kwikalana hamonga na Baba mwigoda lyakwe lyo wutemi.

Luka 10:22

Hanyuma yakatya, “Baba yaviwika vyose mu miwoko yangu, hamba hasina mono yamumanyile Mwana yo wa hayi, langa Baba, hamba mono yamumanyile Baba yo wa hayi; langa Mwana, na muli wose mono Mwana yakuhila kumugubulila zizo.”

Wugubule 11:15

Hanyuma, nayo malayika wo mupunghati yakayitowa ndulele yakwe. Ne mazi mawaha gakahulikwa ku wulanga gakutya, “Alu u wutemi wa mononze, weza wo Muwaha wetu na Kilisito wakwe. Nayo kotema cibitilila ne cibitilila.”

Wugubule 1:5

kanyhi na ku wulawa kuli Yesu Kilisito, u muhomelezi mwihuwilwa, u mulongozi kuzukulwa muli wafu, mono yatemile i watemi we yinze. Mwene yacendile, na so isakami yakwe yakaciwopola kulawa mu wubi wetu,

2 Petelo 1:17

Ase cali baho mu cipango cono yapelelwa icogopo no kukumywa no Mulungu Sogo yo munhu, lono lizi likamuziza kulawa kuli mwene, mono yo Lukumyo Luwaha, likutya, “Ayu yo Mwanangu mwendece mono nyendezwe nayo.”

Wakolosayi 1:18

U Mwene Kilisito wo mutwe wo muwili wakwe, nha cinji likanisa, u Mwene wo mwamulizo wo wumi wa wuwo umuwili. U Mwene yo Mwana mulongozi kulelwa mono yazukulwa muli wafu, u Mwene ho yawe mulongola du kutali muli vinhu vyose.

Metumo ge Watumwa 5:31

Yuyo yo Mulungu yamwinula sunga ko ku muwoko wakwe wo kulume, yakawa Mulongola no Muponyi, yawapele wa Isilayeli u wunene, ho wanenelwe uwubi wawo.

Yohana 13:3

Nayo Yesu yali yamanyile vyono Sogwe yamupeye vyose mu mawoko gakwe, na vyono yalawa kuli Mulungu, na kanyhi yakuwuya kuli Mulungu.

Matayo 11:27

“Baba yamhela vinhu vyose. Na hasina mono yamumanyile Mwana, langa hono si Baba du, hamba hasina mono yamumanyile Baba, langa hono si Mwana du, kanyhi na wo wose mono u Mwana kokwenda kumumanyiza.

Yohana 17:11

Nane nghuza kwako luno, si nili mono yinze kanyhi. Ninga iwene wali mononze. Baba Mono Welile, wuwakamisizaje mwitagwa lyako lyono wamhela ane, nghukunena wuwakamisaje, ho wawe nha yumonga, nha vyono ase nase cili yumonga.

Yohana 17:12

Lono nali nina nawo, nawakamisiza mwitagwa lyako lyono wamhela, ane nawacitila, hamba yunji muyawo si yajilila, langa u mwana wo wajilile, imandiko ho gafisilizwe.

Waefeso 1:10

U wuhile wuwo wono yali yawufisilize mwidaha lyayo, wo wukongholeza hamonga iviwumbwa vyose, ho yavitowelele vyose viwe muli Kilisito, vya ku wulanga na vya kononze.

2 Watesalonike 1:12

Na muli zizo, i litagwa lyo Muwaha wetu Yesu mo lyotujila lukumyo muli nyenye, nanye mowutuga lukumyo muli mwene ku soko ye lihewa lyo Mulungu wetu na Iyo Muwaha Yesu Kilisito.

Wahebelaniya 1:9

Agwe wendile u wilingʼano, Wukazisula i zimbi. Na ku soko yiyo holeka u Mulungu, u Mulungu wako yakuhagula, Kanyhi yakakupela nyemo mbaha muno muno kuciza i wayago.”

3 Yohana 1:7

Hambi nha wakwanziza u muhinzo wawo mu witumami wa Kilisito hamba si wobecela wutazi wo wose kulawa kuli wanhu wono si wehuwiye.