Wafilipi 2:26 - I CILAGANE CIPYA 1991

²⁶ Yena wuhile wuwaha wo kumuwonenyi nyenye wose, nayo yakukalala muno nha vyono mwahulika yali yatamigwe.

Luganuzi Luswanu Kuli Wanhu Wose 2002

²⁶ Yena wuhile wuwaha wo kumuwonenyi nyenye wose, nayo yakukalala muno nha vyono mwahulika yali yatamigwe.

Wafilipi 2:26 Referans Kwoze

Wafilipi 1:8

U Mulungu yamanyile vyono nghulonga mbeka, lono nghukangaza vyono, so wendo wuwulya du wa Yesu Kilisito, nghuhila muno kumuwonenyi.

Waefeso 3:13

Holeka nghumunenenyi mulece kuyitukuwika i mitima yenyu kusoko ye magayo gono nghugatuga ku soko yenyu, hambi gago nha gali ku soko yo lukumyo lwenyu.

Walumi 12:15

Musangalalane na wono wakusangalala, mulilane na wono wakulila.

Wafilipi 4:1

Holeka wandugu zangu wendece, nina nyhilu muno yo kumuwonenyi, hambi anye nha yo nyenye nyemo yangu, no mukumbo wo lukumyo lo wusume wangu. Holeka nyo wendece wangu, vyo yinojeye kuli anye, mweze mukamile muli Muwaha.

Walumi 9:2

Nghusaka kutya nhavi. Ninga wukalale wuwaha, no wusungu si wakulonga, mu nhumbula yangu, ku soko ye wanhu wangu, wono cili sakami monga na nene!

Matayo 26:37

Yakawasola wa Petelo hamonga ne wana wejete wa Zebedayo, yakawa kwanza kuwona wuzinguce hamonga no wugazice mu nhumbula yakwe.

Matayo 11:28

Ale, muze kuliʼne anye wose mono mukugazika, na mono muvunice ne mitegulo yenyu, nane nomucehezenyi.

1 Petelo 1:6

Ale, musangalale, so nghani yiyo, hambe yiwe alu mu cidaha cidodo vivi, simoleka kukalazwa so majelo ganji ganji gono mukugazika.

Wafilipi 1:3

Nghumulumba u Mulungu wangu kolo nghumukumbucilenyi ho hose,

Wagalatiya 6:2

Mwidinghuzaje zono zikumuvunenyi mu mikalile yenyu, na nha vivyo, ho mowufisiliza u Wulajilize wa Kilisito.

2 Wakolinto 9:14

Holeka wojendelela kumulombelenyi ko mutima wose, ku soko ye lihewa lyono u Mulungu yamupelenyi.

1 Wakolinto 12:26

Na hono cilunzwa cimonga du cituje wusungu, i vilunzwa vyose vikuwona wusungu hamonga du na hono cituje lilumbo, ne vilunzwa vinji vyose navyo vikusangalalana hamonga naco.

Walumi 1:11

Hambi nha nghusaka kumuwonenyi, ho nimugawilenyi icipegwa ce cimuhe no kumusikamyenyi.

Metumo ge Watumwa 21:13

Ninga mwene Pawulo yakapitula yakatya, “Alo mukusaka kunoza cici? Mukulila no kunyenyanga mutima wangu? Hambi ne nha nilumbiye si kuwopwa du, langa no kufwila kuko ku Yelusalemi, kusoko ye litagwa lyo Muwaha Yesu.”

Wafilipi 2:25

Ninga nawona cinojele nimutumilenyi ndugu yetu Epafulodito, u mwitumami muyangu no mulewani muyangu, mono mwanhumila, nayo yakanhaza mu visakwa vyangu.

Wafilipi 2:27

Heya nha yali yatamigwe behi no kufwa. Ninga u Mulungu yamuwonela lusungu, kanyhi si mwene du, langa na nene, ho ndece kuwa mu wukalale wono wucizize.