Wafilipi 2:2 - I CILAGANE CIPYA 1991

² Ale muyifisilizizaje i nyemo yangu mu wuwa na mutima monga, wendo monga, nhumbula monga no wuhile wumonga.

Luganuzi Luswanu Kuli Wanhu Wose 2002

² Ale muyifisilizizaje i nyemo yangu mu wuwa na mutima monga, wendo monga, nhumbula monga no wuhile wumonga.

Wafilipi 2:2 Referans Kwoze

Walumi 12:16

Muweze no wuswanu wu wulya du, muli nyenye wose. Mulece kuwa wedunhumuzi, langa mukwejelwe kuli zo witume wo winenenyhezi. Mulece kwiwona nha mono mwina mahala kuciza.

1 Wakolinto 1:10

Nye wandugu zangu, cikumunenenyi muno, mwitagwa lyo Muwaha wetu Yesu Kilisito, vyono mweze mulaganiye kumonga, muli yo yose yono mukulonga, halece kuwa na matemanuko ganji go gose muli nyenye, muweze ne hweso limonga kanyhi no wuhile wumonga.

2 Wakolinto 13:11

Na ye ndumilizo, wandugu zangu, nghutya, mwikalaje! Mweze mukamile muwibataje muno muno u wijize wangu, mweze mulaganiye kumonga, mwikalaje mwilamuye. Nayo u Mulungu wo wendo no mulamu kowa hamonga nanye.

3 Yohana 1:4

Hasina cinji cono cikusangalaza muno si nho kuhulika vyono i wanangu wakujendela mu mbeka.

Wafilipi 2:16

hono muyibate mukamile i nghani yo wumi. Nane baho ho notujila i nghani yo kwilumbila mwizuwa lilya lya Kilisito, hambi nha ho yolokwijelela vyono u wuhidimbazi wangu hamonga no mulimo wangu si vyajilila bwete.

Metumo ge Watumwa 2:46

Nawo wakajendelela kwitangʼanila mu Nyumba yo Mulungu na wuhile wumonga vilo vyose. Langa mwidaha lyo wubegule wo mukate, wetangʼanililaga mu zinyumba zawo, no kuhanga wose ndigwa yiyo ne nyemo na nhumbula nzelu,

2 Yohana 1:4

Nghusecelela muno vyono mbwene wanago wanji wakujendela mu mbeka, nha vyono cabocela i lilajilizo kuli Sogo yo munhu.

2 Watesalonike 2:13

Yicinojeye cimulumbe u Mulungu nhondo zose ku soko yenyu anye i wandugu zetu, anye mono mwendigwe no Muwaha, hambi u Mulungu nha yamuhagulenyi ku wulawa ku mwamulizo ho muponywe kwe vilungo vyo Muhe, ho munozwe muwe wanhu wakwe wono mwelile mu nzila yo wihuwilo wenyu mu mbeka.

Wakolosayi 2:5

Hambi ane hamba niwe nili kutali nanye ku muwili, ninga ku cimuhe nili hamonga nanye, kanyhi nghusangalala kuwona u wusikame wenyu wono mwimiye hamonga, mu wihuwilo wenyu muli Kilisito.

Wafilipi 4:2

Anye Ewudiya na Sumutice, nghumulombenyi dedede mujele kuwa mwilumbanizize kumonga kotya munhu no mwanakwawe, muli Muwaha.

Wafilipi 2:20

Hambi nha sina munhu yunji mono yenha yuyo, mono kozilanjilila mbeka zenyu.

2 Wakolinto 7:7

Ninga si so wuze wakwe Tito du wono wacisangalaza, kusoko yo wusindamikwe wono mwamupela. Mwene yaciloloseza nha vyono mwendile muno kwiwona nane, kanyhi na vyono mwina wukalale, na vyono mukuhila kunhetela. Ne nghani yiyi yikusangalaza muno.

2 Wakolinto 2:3

Holeka namwandicilenyi vyono, si nasaka kumuzizenyi ho nghalazwe nanye, anye mono munojeye muwe yo nyemo yangu. Nane manyiye lukulu nha vyono, hono ane niwe nina nyemo, ale nanye wose mukuwa mwina nyemo nha vivilya.

Metumo ge Watumwa 5:12

I Watumwa wakanoza mapoto ne mezino menji muli wanhu. Wono wehuwila, wakawa wakwitangʼanila kuko wose hamonga, kwikumbo lya Solomona.

Metumo ge Watumwa 1:14

Wawa wose, waswezanaga hamonga mu wulombe ko wuhile wumonga, hamonga ne wacekulu wanji, hamonga na Malyamu u nyina wa Yesu, ne wanduguze wa Yesu.

Wafilipi 1:4

na kolo nghumulombelenyi wose, nghulomba nina nyemo,

Yohana 3:29

Bibi halusi yo wa bwana halusi, ninga mwendece wa bwana halusi, mono yemile yakuhuliciza, yakuwa na nyemo mbaha muno muno, lono yakumuhulika bwana halusi yakulonga. Ne nyemo yangu vyo yifisilizwe.

2 Timoteyo 1:4

Kanyhi nghukumbucila i mahozi gako, nane nghusulumila muno muno ciwone nagwe, i nyemo yangu ho yimeme.

Metumo ge Watumwa 2:1

Lizuwa lye Pentekote lyaza fika, wose wono wali wehuwiye, wali wekongholeye wose hamonga.

Filemoni 1:20

Ale du kanyhi ndugu yangu, wunozezaje i nghani yiyo ku soko ye litagwa lyo Muwaha, wusangalasizaje i nhumbula yangu muli Kilisito.