Wafilipi 2:15 - I CILAGANE CIPYA 1991

¹⁵ ho muwe wanhu waswanu, wono wasina yilema kanyhi mweze watelevu nha wana wo Mulungu wono wekaye mu yinze yiyi yo wubi yono yajiliye. Mobulila muli wene, kotya i zinyelezi vyono zikuwa kuwumulika u wulanga,

Luganuzi Luswanu Kuli Wanhu Wose 2002

¹⁵ ho muwe wanhu waswanu, wono wasina yilema, kanyhi mweze watelevu nha wana wo Mulungu wono wekaye mu yinze yiyi yo wubi yono yajiliye. Mobulila muli wene, kotya i zinyelezi vyono zikuwa kuwumulika u wulanga,

Wafilipi 2:15 Referans Kwoze

1 Petelo 2:12

I mijendele yenyu muli wanhu wono siwamumanyile Mulungu, yinojeye yiwe miswanu muno muno, na kolo wakumuvilenyi nha muli wetuma vibi, wasume kugawona i metumo genyu maswanu, ho wamulumbile Mulungu mwizuwa lyo wuze wakwe.

Matayo 5:45

ho musume kuwa wana wo Sogo yenyu mono yali ku wulanga. Hambi u Mwene nha kawamulicilaga ilizuwa lyakwe iwanhu waswanu ne wabi, no kuwatonyezeza imvula iwanhu waswanu ne wabi.’

1 Watesalonike 5:23

No Mulungu mono kacipelaga mulamu, yamunozenyi muwe mwelile muli zose, yamukamisenyi nyenye, u muhe, no wumi ne miwili yenyu, ho mulece kuwa na yilema lyo lyose ha wuze wo Muwaha wetu Yesu Kilisito.

2 Petelo 3:14

Holeka nyo wendece wangu, vyono mulilindiye lizuwa lilyo, mupiligale kwiyeza muno muno, muwe musina manamha manamha hali Mulungu, ho mowa no mulamu nayo.

1 Wakolinto 1:8

U mwene Yesu, komusikamyenyi nyenye wose sunga ko ku ndumo, ho muze mwijele musina yilema lyo lyose, kwizuwa alilya lyo Muwaha wetu Yesu Kilisito.

Tito 2:10

hamba kuwahiziza i vinhu vyawo. Ninga yiwanojeye walajile vyono wene waswanu, kanyhi wehuwilwa nhondo zose, ho wasume kugatujila lilumbo iswanu i mafundo go Mulungu u Mukombozi wetu ku soko ye metumo gawo gose.

1 Petelo 2:9

Ninga anye muli ndelwa hagulwa, iwakohani wo Mutemi, inghungugo yono yelile, i wanhu wo Mulungu mweneco, mono muhaguywe ho mwanze ze metumo mawaha go Mulungu mono yamucemenyi kulawa ku wutitu, yakamwinjizenyi mu wuzelu wakwe wo kwizina.

Matayo 5:48

Holeka mweze mukwilaniciye, nha vyono u Senyu wa ku wulanga yakwilaniciye.

1 Timoteyo 3:10

Ku soko yiyo yiwanojeye wamule wajelwe, na kolo wakwijela vyono wosuma, ale, ho wawe wetumami mu witumami wawo.

1 Timoteyo 3:2

Ninga u mulongola we likanisa, yimunojeye yeze munhu mono yasina yilema, na kanyhi yimunojeye yeze mono yena mugolece yumonga du, kanyhi yeze mwiyimizi, mulula, we cisindo, kanyhi yimunojeye yeze mucemezi na mono yasumile kwijiza,

Wafilipi 1:10

ho musume kuhagula zinghani ziswanu. Baho ho mowa mwina nhumbula nzelu, kanyhi musina ilema sunga ko Kwizuwa lya Kilisito.

Waefeso 5:27

ho yetujile Likanisa lyono lyelile, na lyono iswanu, Likanisa lyono lisina manamha manamha hamba cilema, hamba ganji go gose gono genha gaga.

Walumi 16:19

Hambi wose nha wakondya kuhulika ze cihuliko cenyu, na yo soko ye nyemo yangu. Ninga nghumulombenyi mweze muli wasugu kuli zinghani ziswanu, kanyhi mulece kuwa na yilema lyo lyose kuli izimbi.

Metumo ge Watumwa 2:40

Petelo yakawahomelela kwa nghani zinji nyinji; yakawakangaziza no kuwakongʼonheza iwanhu yakutya, “Mwiponye mu lulelo lulu ulubi.”

Matayo 10:16

“Alu ane nghumutumenyi anye, kotya zingholo muciligati ye maminzi. Holeka muweze wasugu nha vyono zinha zinzoka, ninga kanyhi muweze wapolo nha vyono zinha zinziwa.

Wahebelaniya 7:26

Holeka Yesu yo Mukohani Muwaha mono kocikwila muno muno mu visakwa vyetu. U mwene Yelile, yasina hamba yilema, hamba wubi muli mwene musina, yali musina mwipuga lya wanya wubi, nayo yenuywe sunga ko ku wulanga.

Tito 2:15

Ale wuwafundaje zizo, kanyhi wuwitumamilaje u wulajilize wako wose akuno wukuwaswaswaniza no kuwasugula wono wakukuhuliciza. Munhu wo wose yalece kukubedegala.

Tito 1:6

vyono yimunojeye u munyamhala wa Kanisa yawe munhu mono yena mugolece yumonga du, kanyhi yinojeye ne wanagwe weze wehuwiye, wono si wali nyono hamba si wali cibede.

1 Timoteyo 5:20

Awalya nawo wono wakwituma wubi, wuwatacilaje calinze, ho iwanji nawo wogope.

Metumo ge Watumwa 20:30

Na muli nyenye mo weneco, wolokwinuka wanhu wono wolonga zinghani zo wulambi ho wawajilize wanhu, ho wawatyatye weneco du.

Yohana 5:35

Yohana yali yenha tala yono yikwaka no kumulika, nanye mukawa mwiwikanize kuwusangalalila u wuzelu wuwo kwa cidaha.

Luka 6:35

Vyo si yinha, ninga muwendaje walugu wenyu, muwatendelaje viswanu, mweze kuwakopesa, kuno si mukulanjilila kugomolelwa. No wuhumbilizwe wenyu wowa wuwaha, nanye mowa wana wo Mulungu Mono Yalawiliciye Muli Vyose: hambi mwene nha muswanu kuli wono wasina ilumbo na kuli wabi.

Matayo 17:17

Yesu yakamupitula yakamutya, “Anye mo lulelo lono lusina u wihuwilo, lulelo lono lwajiliye! Alu nokwikalana nanye sunga nili? Hamba nojendelela kumukangalililenyi sunga nili? Ale mundetele ta umwana yuyo ahano.”

Wugubule 3:9

Alu wuhulicize! Nokuletela wanhu we lipuga lya Setani, wanhu wono weyitezaga Wayahudi, kumbe ho walambi. Alu wawo nowaleta kuliʼgwe wakufugamile hamwande yako, ho wamanye vyono ane mbeka nghwendile agwe.

1 Timoteyo 5:14

Holeka nali nyende wawo i wafwile we lizika lidodo watolwe, walele wana no kuzikamisa zikaya zawo, iwalugu wetu ho walece kutuga cilejeho co kucitovulila.

1 Timoteyo 5:7

Uwapelaje malajilizo gaga, ho walece kuwa na yilema.

2 Wakolinto 6:17

Holeka u Muwaha kanyhi yakutya, “Ale muwuce muli wene, mweze musiwanuce mulece kupamiziza lukulu cinhu cavu nane ho nomubocelenyi.

Luka 1:6

Wose vyono wejete, wali wali lingʼani hali Mulungu, wali webate myoto ne malajilizo gose go Mulungu.

Wafilipi 3:6

nane nali nili mupiligazi muno, ninga naligazaga likanisa. Na ku so wilingʼano wono wukutujliwa mu wuhulika u Wulajilize, ane nghawa sina ilema lyo lyose.

Wugubule 2:5

Ale, wukumbucile vyono wali winha ha mwamulizo, lono wali wukali sinagwa, naiu lono wakondya kugwa! Holeka alu wunene wubi wako, witume nha vyono wali kwituma ha mwamulizo. Na hono wulece kunena na kuwuleka wubi wako, ale nokuza kuligwe, nane nowuwusa u wuwiko wako we tala hanhu hayo.