Waefeso 3:5 - I CILAGANE CIPYA 1991

⁵ Zono katali wanhu si wamanyizwa, ninga alu u Mulungu yakondya kuwamanyiza iwatumwa, ne wawizi wakwe wono welile ntu nzila yo Muhe.

Luganuzi Luswanu Kuli Wanhu Wose 2002

⁵ Zono katali wanhu si wamanyizwa, ninga alu u Mulungu yakondya kuwamanyiza iwatumwa, ne wawizi wakwe wono welile mu nzila yo Muhe.

Waefeso 3:5 Referans Kwoze

Yuda 1:17

Ninga anye mo wendece wangu, mukumbucile zono mwalonjelwa ne watumwa wo Muwaha wetu Yesu Kilisito ha mwamulizo.

2 Petelo 3:2

Nyendile mumanye kanyhi mukumbicile zinghani zono zalongwa ne wawizi wono welile, na lililya lilajilizo lyo Muwaha no Mukombozi lyono mwapegwa ne watumwa wenyu.

Waefeso 2:20

Kanyhi muzenjigwe mu musinji wono wawikwa ne watumwa ne wawizi, nayo Yesu Kilisito mweneco lyo libwe lyo musinji.

Waefeso 3:9

kanyhi ho niwalajile iwanhu wose wawone vyono wukufisilizwa u wuhile wo Mulungu wono wali wuhundicigwe. U Mulungu mono yaviwumba vinhu vyose, yayihundika inghani yakwe yiyo kulawa katali,

Metumo ge Watumwa 10:28

Petelo yakawatya, “Nyenye nyo weneco mumanyile vyono Muyahudi wo wose, wulajilize wakwe we dini wukumulemeza yalece kwilunza ne wanhu we makungugo ganji. Ninga u Mulungu kandajilila ʼne vyono ndece kumutya yunji musemunwa, lunji mwavu.”

Luka 10:24

Mbi mbeka wawizi wenji ne watemi nha wasulumilaga kuziwona zono mukuziwona, ninga hamba si waziwona, kanyhi wazihulice zono mukuzihulika, ninga hamba si wazihulika.”

Yohana 14:26

Ninga u mutazi, Muhe Mono Yelile, mono Baba komutuma mwitagwa lyangu, ko mwijizenyi zose no kumukumbucizenyi zose zono nomulonjelenyi.

Matayo 13:17

Ane mbeka nghumulonjelenyi, vyono i wawizi, ne wanhu wenji i waswanu, wasulumilaga muno muno, ho waziwone zizo zono anye alu mukuziwona, ninga hamba si waziwona yaye, kanyhi wazihulice zizo zono anye mukuzihulika, ninga hamba si wazihulika ngʼo.

Walumi 16:25

Alenyi luno cimukumye u Mulungu! U Mwene kosuma kumusikamizizyenyi mu Luganuzi Luswanu lululya, lono naluganula muli zinghani za Yesu Kilisito, na mu nghani ayilya ye cinyele ye mbeka yono yali hundikwe mu ndelo nyinji zono zapuluta.

Yohana 16:13

Langa kolo yakuza, u Muhe we Mbeka, yo komutonjenyi mu mbeka yose, hambi nha si kolonga zo wulajilize wakwe, langa kolomulonjelenyi zose zono kolohulika, nayo kolonga zono zikuza.

Matayo 23:34

Ku soko yiyo holeka ane nghumuletelenyi wawizi, ne wanhu we mahala, kanyhi ne wejizi, nanye mowawulaga no kuwatumbika wanji wa muli wene, na wanji mowakuna ne viboko mu matangʼanilo genyu go wuhembelo, no kuwalondola londola mu matumbi gose.

Luka 11:49

Ku soko yiyo kanyhi, mahala go Mulungu gakutya, “Nolowatumila wawizi ne watumwa; ninga wolowawulaga wayawo wanji, na wanji wolowagaza.”

1 Wakolinto 2:10

Alu zizo zo nghani zo Mulungu zono yacigubulilila mu nzila yo Muhe wakwe. Hambi u Muhe mweneco nha yo kavisunjililaga ivinhu vyose, sunga zinghani zo wuhile wo Mulungu mugati muno muno zono sizijelaga.

Matayo 20:7

Nawo wakapitula wakatya, ‘Alu nha si cimutujile u munhu wo kucipela u mulimo.’ Nayo yakawatya, ‘Ale nanye mubite muketume mu mugunda we mizabibu.’