Waefeso 1:5 - I CILAGANE CIPYA 1991

⁵ U Mulungu yali yehwesize ku wulawa mwamulizo vyono yacilete kwakwe ho ciwe wakwe mu nzila ya Yesu Kilisito. Vyo yali yendile na vyo yali yehwesize.

Luganuzi Luswanu Kuli Wanhu Wose 2002

⁵ U Mulungu yali yehwesize ku wulawa mwa mulizo vyono yacilete kwakwe ho ciwe wakwe mu nzila ya Yesu Kilisito. Vyo yali yendile na vyo yali yehwesize.

Waefeso 1:5 Referans Kwoze

Waefeso 1:11

Ivinhu vyose vinozezagwa mu wuhile no wulamuzi wo Mulungu, nayo u Mulungu yakacihagula ase ho ciwe wanhu wakwe mu wendo wakwe so wilunze wetu na Kilisito, ku soko yo wutemye wakwe wo wulawa mwamulizo.

1 Yohana 3:1

Alu lanjenyi ta, vyono u Sogo yo munhu yacenda muno muno, sunga citegwe cili wana wo Mulungu! Na mbeka vyo cinha. Na co cikuleka i yinze siyikucimanya, hambi nha si yimumanyile u Mulungu.

Yohana 1:12

Ninga wose wono wamubocela no kumwihuwila, yawapela i vilungo vyo kunozwa kuwa wana wo Mulungu.

Walumi 8:23

Hamba si viwumbwa vivyo vili wene du, langa sunga na sese mono cina u Muhe, mono yo cipegwa cilongozi muli vipegwa vyo Mulungu, sunga na sese co weneco cikulilanzika mu zinhumbula zetu, akuno cikulanjilila kunozwa wana wo Mulungu, no wukombozwe wo muwili wetu.

Wagalatiya 3:26

Na mu nzila yo wihuwilo, anye wose mwawa wana wo Mulungu muli Kilisito.

2 Wakolinto 6:18

Ane nowa Sogo yenyu, nanye mowa wanangu, we cilume na we cicekulu U Muwaha Mono yali Vilungo, vyo yakutya.”

Wugubule 21:7

Nayo munhu wo wose mono kosuma, yuyo kopegwa acino. Ane nowa Mulungu wakwe, nayo kowa mwanangu.

Waefeso 1:9

U Mulungu yacifisiliza cicilya cono yali yatemizye, yakacimanyiza zo wuhile wakwe wono wali wihundice, wono yali yewikanize kuwufisiliza mu nzila ya Kilisito.

Yohana 11:52

Kanyhi hamba si likungugo lyawo du, langa ho yasume kuwakongholela hamonga iwana wo Mulungu wono wali weyagaye.

2 Watesalonike 1:11

Na ku soko yiyo, holeka si cidilaga kumulombelenyi. Cikumulomba u Mulungu wetu yamupelenyi vilungo vyo kusumila kukangalila kwikala mikalile yono yamucemelenyi. Cikumulomba, kwe vilungo vyakwe, yawukwizilize u wuhile wenyu wo wituma i ziswanu, hamonga no kuwufisiliza u mulimo wenyu wo wihuwilo.

Luka 10:21

Mu cipango cico Yesu yakamemywa Muhe Mono Yelile yakatya; “Nghukulumba, Gwe Baba, Mukala wulanga ne yinze, vyono kuzihundika zizi kuli we mahala no wizuce, ukawagubulile wadodo, heya Baba, vyo yakwendeza gwegwe.”

1 Wakolinto 1:21

Ninga nha vyono yinha inghani ye Mahala go Mulungu, iwanhu si wosuma kumumanya u Mulungu, ko kwitumamila i zinzila ze mahala gawo weneco. Ninga hanhu hayo, u Mulungu yenda kuwakomboza wawalya wono wakwihuwila mu nzila ye cinhu cono i we mahala wakuziwona nha kotya wulele du, nha cinji inghani yono cikuyiganula.

Yohana 20:17

Yesu yakamutya “Wulece kungʼangʼanila, hambi nha nghali sininabita kucanyha kwa Baba. Langa wubite wukawalonjele wandugu zangu, vyono ane nghubita kuli Baba, mono nanye yo Sogo yenyu, na kuli Mulungu wangu, mono nanye yo Mulungu wenyu.”

Matayo 11:26

Heya, Baba, vyo wali wendile go mweneco.”

Luka 11:32

I wanhu wa Ninawi wolokwima ha wulingʼanizwe wo lulelo lulu, nawo wololuwona vyono lwina masutya. Hambi wene nha wanena so wuganule wa Yona; na langa ta, mono yamucizize Yona yalibaha.”

Wafilipi 2:13

hambi u Mulungu nha yoketumaga u mulimo muli nyenye nhondo zose, no kumupelenyi u wusume wo kusaka no kufisiliza zose zono zili mu wulunji wo wuhile wakwe mweneco.

1 Wakolinto 1:1

Ane yo nene Pawulo mono nacemwa ko wuhile wo Mulungu ho niwe mutumwa wa Kilisito Yesu, hamonga na Sositene u ndugu yetu,

Matayo 1:25

Ninga Yusufu si yamusejelela yaye, sunga Malyamu yaza kuwa yakondya kumulela u mwana we cilume. Nayo Yusufu yakamucemela ilitagwa lya Yesu.

Luka 12:32

“Mulece kogopa anye mo cipuga cidodo, hambi Sogo yenyu nha yendile kumupelenyi wutemi.

Metumo ge Watumwa 13:48

Iwanhu we makungugo ganji, waza kuyihulika nghani yiyo, wakasecelela, wakayikumya nghani yo Mulungu, na wose wono wali watemezezwe wumi we cibitilila, wakehuwila.

Wakolosayi 1:19

Hambi u Mulungu nha yawona vyono u Mwana nayo yena u wukwilanicile wose wo wulungu muli mwene.

Wahebelaniya 2:4

Nayo u Mulungu yakonjeleza u wuhomelezi wakwe nha vivyo, lono yanozeza vitanjilo ne mezino ge mawala menji, na lono yawagawila wanhu i vipegwa vyo Muhe Mono Yelile nha vyono mweneco yali yendile.