Tito 3:3 - I CILAGANE CIPYA 1991

³ Hambi mu vipango vinji, nase nha cali walele, kanyhi cili cibede, call cajiliye. Cali cili wawanda we masulumizi ne makani ga mononze. Cekalilaga mu mikalile yo wavu no wivu, wanhu wakacisula, nase cikawasula.

Luganuzi Luswanu Kuli Wanhu Wose 2002

³ Hambi mu vipango vinji, nase nha cali walele, kanyhi cili cibede, cali cajiliye. Cali cili wawanda we masulumizi ne makani ga mononze. Cekalilaga mu mikalile yo wavu no wivu, wanhu wakacisula, nase cikawasula.

Tito 3:3 Referans Kwoze

Wakolosayi 1:21

Na nyenye katali mwali mutemanuywe no Mulungu, kanyhi mwali walugu wakwe ku soko ye mahweso genyu ne metumo i mabi.

Walumi 6:17

Ninga, hamba yiwe mwali muli wawanda wo wubi baho katali, ninga alu, nghumulumba u Mulungu vyono, mwahulika no kwibata zose zono mwejizwa no kuzibocela.

Wakolosayi 3:7

Mu mapango ganji, nanye mwekalaga mu mikalile ya muli gago lono mwali mukali mutemigwe nago.

Walumi 6:22

Ninga alu mwakondya kuwopolelwa kuwulawa mu vilungo vyo wubi, alu mwaweza wetumami wo Mulungu, ne cambuzi cono mwina naco alu, wo wele, no mudumo wayo, wo wumi we cibitilila.

1 Petelo 1:14

Kanyhi nha vyono yinha nhe wana wo Mulungu we cihuliko, holeka mulece kugatyatya kanyhi imasulumizi mabi, gono mwali mwina nago lono mwali mukali walele.

2 Wakolinto 12:20

Nane nghogopa vyono na lunji kolo nghuza kwenyu, nomwaganenyi mu wuwe wono si wukunyendeza, nane baho lu, si noleka kuwa mu wuwe wono si mwendile nanye. Nane nghogopa yilece kuwa lunji ko wuli wugombane, wivu, makuwo, wubuguci, maheho, nzwaji ze caka caka, wusomenghanya, wiwoni, no wisagale muli nyenye.

Yohana 8:34

Yesu yakawapitula yakuwatya, “Mbeka nghumutyenyi, munhu wo wose mono ketumaga wubi, yo muwanda wo wubi.

Matayo 21:29

Nayo muzelelo yulya yakatya, ‘Nema ne!’ Ninga hanyuma yayo, yakapitula lihweso lyakwe, yakabita kuwitumo mulimo.

Yakobo 1:26

Na hono munhu yewone mweneco nha munhu mono yebate dini muno muno, ninga kuno siyakusuma kulwimila lulimi lwakwe, dini yakwe u munhu yuyo yikuwa yisina hamba cambuzi co cose, langa yakwikonga mweneco du.

Wagalatiya 6:3

Munhu hono yewone kotya nha yali cinji, na kumbe ho si yali cinji, yuyo yakwikonga mweneco.

Luka 21:8

Yesu yakawatya, “Musuje ho mulece kukongwa, hambi nha wenji wokuza wono wokwitumamila ilitagwa lyangu, wakutya, ‘Yo nene.’ Na kanyhi, ‘Cidaha casejelela.’ Ninga anye mulece kuwatyatya!

Wugubule 18:2

Nayo yakalonga kweʼzi yiwaha, yakutya, “Ligwa Libabiloni liwaha, lingwa! Aluno weza wuli wikalo we masetani hamonga na myuhe yiyi, kanyhi weza wuli wikalo we zindeje zinyavu, kanyhi ze cikomaza muno.

Wugubule 13:14

Likawajiliza wanhu wenji wono wekaye mononze, ku so mapoto gago gono lyapegwa liganoze ha mwande ya alilya lilimu lilongozi. Nalyo lilimu lilyo likawalonjela wanhu wono wekaye mononze, wanoze cihwani so kulipela yilumbo lilyo lilimu lyono lyali lina likomele yiwaha muno lyono lyatemangwa no mumaje, ninga alu likuwumipa kanyhi.

Wugubule 12:9

Holeka ilizoka lilyo liwaha, likagumilwa kunze. Ne lizoka lilyo, yo nzoka yi yilya ye katali, yono kanyhi yicemagwa Ibilisi hamba Setani, mono kawakongaga we yinze wose. Heya likagumilwa kononze hamonga ne wamalayika walyo wose.

Walumi 6:6

Cimanyile vyono, u munhu wetu muhuma vyatumbikanwa hamonga na Kilisito, u muwili wo wubi ho wuhodangwe, ho cilece kuwa kanyhi wawanda wo wubi.

Walumi 6:12

Ale u wubi wulece kutema kanyhi mu miwili yenyu yono yifwizaga, muwe kuhulika imasulumizi gayo kanyhi.

Walumi 11:30

Baho katali, nanye mwali mwamubeza u Mulungu, ninga aluno mwakondya kulufuga u lusungu lwakwe, ku soko ye cibede cawo.

2 Timoteyo 3:6

Na wanji muli wene, wo wabitaga mu zinyumba ze wanhu, no kuwateka wacekulu wasocele, wono wavunice ne mitegulo yo wubi, na wono wakutongwa no wusulumizi we mawala gose,

2 Timoteyo 3:13

Ninga i wanhu wabi ne wakonji, awo wojendelela kuwa wabi du, wakuwakonga wayawo, kanyhi sunga na weneco wakukongwa.

Tito 1:16

I wanhu wono wenha wawo, watezaga ati wamumanyile u Mulungu, ninga kumbe mu metumo gawo ho wamukanaga. Wo wanhu we makomaza, kanyhi wali cibede, hamba si wakwiliye kanyhi mu nghani yo yose i swanu.

Tito 2:12

Ne Uhewa Hiyo likucijiza ciwulekaje wavu wose no wusulumizi wose wa mononze, ciweze no wiyimizi, ho cikale mu mikalile ye lingʼani yo kumogopa u Mulungu mono yinze yiyi ya lulu,