Tito 3:1 - I CILAGANE CIPYA 1991

¹ Wuwakumbucizaje wanhu wawogope i walongola, na wono wena u wulajilize, wawahulice, kanyhi weze wewikanizize lukulu ku wituma zose ziswanu.

Luganuzi Luswanu Kuli Wanhu Wose 2002

¹ Wuwakumbucizaje wanhu wawogope i walongola, na wono wena u wulajilize, wawahulice, kanyhi weze wewikanizize lukulu ku wituma zose ziswanu.

Tito 3:1 Referans Kwoze

Matayo 22:21

Nawo wakamupitula wakutya, “Vya Kayisali.” Baho nayo Yesu yakawatya, “Ale mupelenyi Kayisali vyakwe Kayisali, nayo Mulungu, ivyakwe Mulungu.”

Wahebelaniya 13:21

U Mulungu wo mulamu yamukwilanicizenyi mu ziswanu zose, ho mwitume wuhile wakwe; nayo yetume muli sese zono zikumwendeza mweneco mu nzila ya Kilisito. Kuli mwene lweze lukumyo cibitilila ne cibitilila. Heya.

2 Timoteyo 2:21

Holeka hono munhu yeyeze ko kwilega ne makani gago gose go wavu, ale yuyo yo kowa co ciya ce vitumamilwa vye siya, vyono yakondya kuwikwa siya, nayo yuyo yakumunojezo Muwaha wakwe, nayo kanyhi yakuwa yewikanizize lukulu so mulimo wo wose muswanu.

2 Timoteyo 1:6

Co cikuleka nghukukumbuciza, wucifwanghanizaje i cipegwa cono wapegwa no Mulungu, lono nakuwicilila i miwoko yangu.

1 Timoteyo 5:10

yeze mono yena lilumbo yiswanu, umucekulu mono yawawiluse wanagwe viswanu, mono yawabocela wajenzi mukaya yakwe, mono yawazuguza magulu iwanhu wo Mulungu, yawataza wanhu mu wugaye wawo, kanyhi yelavya ku wituma metumo maswanu.

Tito 2:14

Mono yelavya mweneco ho yacikomboze mu wavu wetu wose, ho yacinoze ciwe cisina yilema ase co wanhu wakwe mweneco, wanhu wono wena wuhile wo kwituma metumo maswanu.

1 Timoteyo 4:6

Hono uwapele i wandugu wose imalajilizo gaga, ale kowa mwitumami muswanu wa Yesu Kilisito, akuno wukwijendeleza mu cimuhe mu zinghani zo wihuwilo ne mejizo ge mbeka, gono go mweneco kugatyatyaga.

1 Timoteyo 2:2

so watemi na kuli wose wono wena u wulajilize, ho cikale mu mikalile yo wutuvu no mulamu, hamonga no wogopo Mulungu ne mijendele miswanu.

1 Wakolinto 15:58

Holeka wandugu zangu wendece, mwime mukamile. Kanyhi mujendelele kuwituma u mulimo wo Muwaha kwe vilungo, nhondo zose, akuno mukumanya, u mulimo wuwo wo kumwitumamila u Muwaha wono mukwituma vyono si wolokwajilila bwete.

2 Petelo 1:12

Holeka nane nojendelela kumukumbucizenyi nhondo zose zinghani zizi, hamba muwe mwakondya kuzimanya, kanyhi mukamile mu mbeka yono mwayibocela.

Tito 3:8

Ne nghani yiyi ya mbeka. Nghukulomba wuzilongaje wusimbiliye zinghani zi zino, ho wawalya wono wamwihuwiye u Mulungu wawe no wuhile wo kucitumamila cilejeho cawo mu wituma ziswanu, zono swanu na zono zina cambuzi kuli wanhu.

Wakolosayi 1:10

Baho langa ho mosuma kwikala nha vyono yikumunojeza u Muwaha, no kwituma nhondo zose zo wuhile wakwe. Ne mikalile yenyu yowa yina mana gose ge metumo maswanu, nanye mocila muno kuwiluka mu wumumanyo u Mulungu.

Wafilipi 1:11

I mikalile yenyu yomemywa zose zono zili mbeka na swanu, zono Yesu Kilisito mweneco kosuma kumupelenyi, ku soko yo lukumyo ne lilumbo lyo Mulungu.

Waefeso 2:10

Ase cili viwumbwa vyo Mulungu, na mu wilunze hamonga na Kilisito Yesu, yaciwumba ho cikale mu mikalile yo kwituma ziswanu, zono yaciwikaniziza cizitume.

Yuda 1:5

Aluno nghusaka nimukumbucizenyi zinghani zono muzimanyiye lukulu, mukumbucile vyono u Muwaha yawaponya i wanhu wa Isilayeli, yakawawusa na mu yisi ya Misili, ninga hanyuma kanyhi yakawongomeza wose wono si wehuwila.

Tito 3:14

Yiwanojeye wanhu wetu weyijize vyono yiwanojeye kuvitumila vidaha vyawo mu wituma ziswanu, ho wawataze wono wena wanjile we mbeka, ne mikalile yawo nayo yeze mikalile yono yinojeye.

2 Timoteyo 2:14

Ale, wuwakumbucizaje wanhu wako izinghani zizino, kanyhi wuwalonjelaje hali Mulungu, vyono walecele lukulu wiwanganile wa mu zinghani. Hambi wiwanganile wuwo, nha si wukwiliye cinji hamba hadodo, langa wuletaga wuhodanjice wuwaha kuli awalya wono wakuwuhulika.

Tito 1:16

I wanhu wono wenha wawo, watezaga ati wamumanyile u Mulungu, ninga kumbe mu metumo gawo ho wamukanaga. Wo wanhu we makomaza, kanyhi wali cibede, hamba si wakwiliye kanyhi mu nghani yo yose i swanu.