Tito 2:13 - I CILAGANE CIPYA 1991

¹³ akuno cikulilindila lizuwa alilya i liswanu lyono cilitumbiye, mu cipango cono lokwijelela u lukumyo lwo Mulungu Muwaha no Mukombozi wetu Yesu Kilisito.

Luganuzi Luswanu Kuli Wanhu Wose 2002

¹³ akuno cikulilindila lizuwa alilya i liswanu lyono cilitumbiye, mu cipango cono lokwijelela u lukumyo lo Mulungu Muwaha no Mukombozi wetu Yesu Kilisito.

Tito 2:13 Referans Kwoze

2 Timoteyo 4:8

Alu yisigaye yo wubocela i cipegwa co wisumanize wangu, ku soko ye mikalile yo wilingʼano, i cipegwa cono Muwaha Mulingʼanizi we lingʼani, kolomhela Mwizuwa lilya, kanyhi hamba si nene du nili wene, langa na wose wono wakulanjilila ko wendo i mazizo gakwe.

1 Wakolinto 1:7

hamba si mucepuciywe cinji muli icipegwa co cose ca mu nhumbula, hono muwe mukuwulindila u wugubulwe wakwe u Muwaha wetu Yesu Kilisito.

Matayo 16:27

Hambi u Mwana wo Munhu nha kolokuziza mu lukumyo lo Sogwe, hamonga ne wamalayika wakwe, na baho ho kolomulipila munhu wo wose nha vyono genha imetumo gakwe.

Tito 1:2

wono u musinji wayo wo wowitumbilo wo kuwutujila u wumi we cibitilila. U Mulungu mono si kalongaga wulambi, yacihuwiziza u wumi wuwo ntu myaka ye katali lono yali yikali si nawa,

Maluko 14:62

Nayo Yesu yakapitula, yakutya, “Heya yo nene. Na kanyhi, molomuwona u Mwana wo Munhu yekaye ku lubavu lo kulume lwa Mono yena Vilungo, yakuziza mu mavunde ga ku wulanga.”

Wahebelaniya 9:28

nha vivyo nayo Kilisito yelavya i kumbiko lwa kamonga du ho yawuwuse u wubi wa wenji. Nayo yalaza kuza lwe kejete ho yalece kuziza so wihoma no wubi, langa so kuwakomboza wawo wono wakumulindila.

2 Petelo 3:18

Ninga mujendelele kuwilucila mwihewa no muwumanyo Mutwa wetu no Mukombozi Yesu Kilisito. U lukumyo lweze kuli mwene, kulawa lulu na ku cibitilila Heya.

2 Wakolinto 4:4

Wawo si wehuwiye vyono mulungu we yinze yiyino yawatajila wutitu mahala gawo, ho walece kuwuwona calinze u wuzelu wo Luganuzi Luswanu lo lukumyo lwa Kilisito, mono yo cihwani ce mbeka co Mulungu.

Walumi 15:13

Ale u Mulungu mono wo musinji wo witumbilo, yamumemyenyi inyemo yose, no mulamu wono wukulawa mu wihuwilo wenyu, u witumbilo wenyu ho wonjezece mu vilungo vyo Muhe Mono Yelile.

Walumi 5:5

U witumbilo wuwo nawo si wosuma kucikoza cevu, hambi u Mulungu, nha yakondya kucijidila u wendo wakwe mu zinhumbula zetu, mu nzila yo Muhe Mono Yelile mono capegwa.

2 Petelo 1:1

Ane yo nene Simoni Petelo, u mwitumami no mutumwa wa Yesu Kilisito. Nghumwandicilenyi nyenye mono so wuswanu wo Mulungu wetu, hamonga no Mukombozi Yesu Kilisito, mwapegwa u wihuwilo wuwulya wo wuguzi wukamu wono capegwa na sese.

1 Petelo 1:7

Ne nhunizo yayo, anye ho musume kukangazwa mu wihuwilo wenyu. Hambe zizahabu zenezo, zono zihodanjikaga, zijelagwa no moto, nhavivyo sunga no wihuwilo wenyu, wono yo sawo kuciza zizahabu, siwoleka kujelwa ho wuwe wuli vilungo. Hanyuma ho mubocele lilumbo no lukumyo no wutogoze, lizuwa lilyo kolo Yesu Kilisito yakugubulwa.

1 Petelo 1:3

Yalumbwe Mulungu, u Sogo yo Mutwa wetu Yesu Kilisito! Ko lusungu lwakwe luwaha, yacinoza cilelwe wupya mu wuzukula Yesu muli wafu. Yakondya kucipela u witumbilo wo wumi,

2 Timoteyo 4:1

Nane nghukukongʼonheza hali Mulungu na hali Kilisito Yesu, mono kowalingʼaniza wanhu i womi ne wafu, na ku soko vyono yakuza kutema nha Mutemi,

2 Wakolinto 4:6

U Mulungu mono yatya, “Uwuzelu wubulile mu wutitu,” yo yuyo kanyhi mono yakuwa kuzibulilila ne zinhumbula zetu, kanyhi yo kacipelaga u wumanye wose wo lukumyo lo Mulungu, wono wukuwa kungʼalala mu wusu wa Kilisito.

Metumo ge Watumwa 24:15

Ane nimwitumbiye Mulungu, nawo nha vivilya, wawina witumbilo wuwo, vyono iwanhu iwaswanu ne wabi, wolozuka.

Maluko 8:38

Umunhu wo wose wa mu lulelo luluno lubi, lono si lukumucelelelo Mulungu, hono yambonele soni nene, hamonga ne mejizo gangu, Umwana wo Munhu nayo, kolomuwonela soni u munhu yuyo, mwipango lyono kokuziza mu nhojo yo Sogwe, hamonga ne wamalayika wono welile.”

Wugubule 1:7

Langa ta! Yakuziza mu mavunde! Ne wanhu wose wolomuwona, sunga na walya wono wamucinya no mugoha. Ne makungugo gose ga kononze gololila ku soko yo mwene. Heya! Vyo yiweze.

Tito 3:4

Ninga caza kugubulwa i cidaha co wuswanu no wendo wo Mulungu, Mukombozi wetu,

Wakolosayi 3:4

Na Kilisito wo wumi wenyu we mbeka, yalaza kwijela, ale, anye nanye baho ho molokwijela hamonga nayo mu lukumyo.

Wakolosayi 1:23

Ninga munojeye mujendelele kuwa wehuwilwa mu wusimyo wono wukamile, hamba kutezwa mu witumbilo wo Luganuzi Luswanu lono mwaluhulika. Ane Pawulo nili mwitumami wa lulo u Luganuzi Luswanu lono lwakondya kuganulwa kuli wanhu wose wa mononze.

1 Yohana 4:14

Ase cakondya kumuwona no kuwalonjela i wanji vyono u Sogo yo munhu yamutuma yawe Mukomboza yinze.

Wakolosayi 1:5

Hambi nha mwahulika zo witumbilo wono wukwijela muli mwene baho ha lulongozi du, lono mwayihulicila inghani ye mbeka yo Luganuzi Luswanu. Holeka aluno u wihuwilo wenyu, no wendo wenyu, vili mu nghani yiyilya yono mwayitumbila yono muwiciywe viswanu ku wulanga.

Matayo 26:64

Yesu yakamutya, “Nha kulonga gwegwe! Ninga nghumulonjelenyi mbeka, vyono kulawa lulu momuwona u Mwana wo Munhu yekaye ku lubavu lo kulume lo Mulungu u Mudaha vyose, yakuziza mu mavunde go wulanga.”

Matayo 25:31

“Mu cipango cono kolokuziza u Mwana wo Munhu mu lukumyo lwakwe yena hamonga ne wamalayika wakwe, ale baho ho yalekala mwigoda lyakwe lye nhojo, lyo lukumyo.

2 Watesalonike 2:16

Nase cikumulomba u Muwaha wetu Yesu Kilisito mweneco, hamonga no Mulungu Baba mono yacenda, na so lihewa lyakwe yakacipela u wutuzwe we cibitilila hamonga no witumbilo wuswanu,

2 Watesalonike 2:8

Ale baho ho yuyo nayo u Mubi ho kolokwijelela; ninga u Muwaha Yesu kolo yakuza, kolomuwulaga ko muhe wo mulomo wakwe, no kumwajiliziza lukulu ko wungʼalale wo wuze wakwe.

Wakolosayi 1:27

Ninga u wuhile wo Mulungu, yakusaka yawamanyize i wanhu wakwe ze nghani mbaha yiyi na zo lukumyo, vyono vili so wanhu wose. Ne nghani yeneco nha yoyi: Kilisito yali muli nyenye, ne nghani yiyo yo yikumanyiza vyono anye mohanga u lukumyo lo Mulungu.

Walumi 8:18

Hambi nha nghuwona vyono magayo ga lulu si nghani yaye, hono cigalingʼanize no lukumyo lono lologubulilwa kuliʼse.

1 Timoteyo 1:1

Nene Pawulo umutumwa wa Yesu Kilisito ku soko ye lilajilizo lyo Mulungu u Mukombozi wetu na Yesu Kilisito u witumbilo wetu,

2 Timoteyo 1:2

nane nghukwandicila agwe Timoteyo, go mwanangu u mwendece. Lihewa, no lusungu no mulamu, vyono vikulawa kuli Mulungu Baba na kuli Kilisito Yesu u Muwaha wetu, vyeze hamonga nagwe.

Tito 1:4

Nghukwandicila agwe Tito go mwanangu we mbeka mu wihuwilo wono cihanjile sese wose. Ilihewa no mulamu wono wukulawa kuli Mulungu Baba, na kuli Kilisito Yesu, u Mukombozi wetu.

Yuda 1:21

No kwikala mu wendo wo Mulungu, akuno mukumulindila Muwaha wetu Yesu Kilisito yamupelenyi wumi we cibitilila ko lusungu lwakwe.