Tito 1:11 - I CILAGANE CIPYA 1991

¹¹ Yiwanojeye i milomo yawo yidindwe, hambi nha weza kuwahodanga i wanhu wose so mejizo gawo gono si gawanojeye wejize, nawo wakwituma zizo ko wuhile wubi wo kusaka ho watuje mapesa.

Luganuzi Luswanu Kuli Wanhu Wose 2002

¹¹ Yiwanojeye i milomo yawo yidindwe, hambi nha weza kuwahodanga i wanhu wose so mejizo gawo gono si gawanojeye wejize, nawo wakwituma zizo ko wuhile wubi wo kusaka ho watuje mapesa.

Tito 1:11 Referans Kwoze

2 Timoteyo 3:6

Na wanji muli wene, wo wabitaga mu zinyumba ze wanhu, no kuwateka wacekulu wasocele, wono wavunice ne mitegulo yo wubi, na wono wakutongwa no wusulumizi we mawala gose,

1 Timoteyo 6:5

no wiwanganile wono wusina ndumo, wono wukulawa kuli wanhu we mahala gono gavizice, kanyhi wono wayisina imbeka. Wono wehwesaga vyono dini, ʼmba yo nzila yo kutujila wugoli.

Walumi 3:19

Cimanyile vyono, u Wulajilize wuli baho ku soko ya wono wali hasi yo Wulajilize wuwo, ho walece kuwa na cikojelo co cose. Ne yinze yose yili hasi yo wulingʼanizwe wo Mulungu.

Tito 3:10

U munhu mono yakuleta matemanuko, wumukagaje kamonga ne kejete, ninga hanyuma wumulekaje nha vyono yenha.

Tito 1:9

Yimunojeye kanyhi, yebatile lukulu i nghani huwilwa nha vyono wukwijizwa. Holeka kosuma kuwataza wanji so mafundo ge mbeka no kusuma kuwalajila i masutya gawo wono wakuwanga kuli ze mafundo gago.

Tito 1:7

Nayo Askofu vyono yo mulanjilizi wo mulimo wo Mulungu, holeka yimunojeye yawe munhu mono yasina yilema. Yalece kuwa mwidunhumuzi, hamba kuwa mukolwa ne likuwo mbela, hamba mukolwa ku wujimbi, hamba mufyuzi, hamba si musulumila cambuzi cono si ce lingʼani.

2 Wakolinto 11:10

Nane nghwihuwiziza mu mbeka ya Kilisito yono yili muliʼne, nha vyono hasina cono cosuma kunyimila mu wilumbe wangu so nghani yiyi hanhu ho hose mu Akaya.

Luka 20:40

Hamba si wejelela kumuwuza nghani yinji kanyhi.

Yohana 10:12

U munhu mono yakudima kusoko yo kulipwa musahala, yuyo si mudimi, hamba ne zingholo si sawo yakwe, kolo yakuwona liminzi likuza, yakuzileka zingholo, yakutiza. Nalyo liminzi likuzibata no kuziyagaza.

Matayo 23:13

“Woyi he kuliʼnye mo wejizi wo Wulajilize ne Wafalisayo, mo wakoci! Mono mukuwadindila iwanhu u mulango wo Wutemi wa ku wulanga. Nanye mo weneco si mukwinjila mugati, kanyhi hamba si mukusaka kuwakombola wono wakusaka kwinjila ho wenjile. [

1 Timoteyo 5:4

Ninga u mufwile mono yena wana hamba wezukulu, awo wawo yiwanojeye wamule weyijize kuwanozeza viswanu we mhuga zawo weneco, na mu nzila yiyo, ho wosuma kuwanemya i walezi wawo hamonga ne wakuku zawo nha vivyo, hambi yiyo nha yo nghani yono yimwendezago Mulungu.

1 Timoteyo 5:13

Ne wafwile wono wenha wawo wajilizaga i vilejeho vyawo ko wupilima pilima mu kaya na kaya. Ne nghani ʼmbi muno muno, wendaga maheho muno mu wupilime wawo, wenjizaga wuhesi kuli wayawo wanji, kanyhi no kwitajila mu zinghani ze wanhu wanji, akuno kanyhi wakulonga sunga ne zinghani zono siziwanojeye kulonga.

2 Timoteyo 2:18

Awo wajilila, kanyhi wali kutali ne mbeka, kanyhi wakuwatajila wanji mu wukangamyanje mu wihuwilo wawo, vyono ti, u wuzuce wetu wakondya kupuluta.