Tito 1:10 - I CILAGANE CIPYA 1991

¹⁰ Hambi nha ko wali wenji wono wasina cihuliko, ko muno wawalya wono wapituka wakulawa mu dini ye Ciyahudi na wo wawo wono wasina cihuliko, wono wakuwajiliziza na wanji mu wulele wawo.

Luganuzi Luswanu Kuli Wanhu Wose 2002

¹⁰ Hambi nha ko wali wenji wono wasina cihuliko, ko muno wa walya wono wapituka wakulawa mu dini ye Ciyahudi na wo wawo wono wasina cihuliko, wono wakuwajiliziza na wanji mu wulele wawo.

Tito 1:10 Referans Kwoze

1 Timoteyo 1:6

Hambi iwanhu wanji nha wajilila no kupitucila ku wulonga zinghani zo wulele zono zisina cambuzi co cose.

1 Yohana 4:1

Mo wendece wangu, mulece kumwihuwila munhu wo wose mono yakwiyitya yena Muhe wo Mulungu, langa mwamulaje mumulanjilile muno muno, ho muwone hono u munhu yuyo yakutongwa no Muhe wo Mulungu, hamba ngʼo. Hambi i wawizi wenji wo wulambi nha wakwijela mononze.

Wagalatiya 2:4

hamba yiwe hali howali wandugu wo wulambi wono wali wahijiliye Tito yalame. I wanhu wawa weyinjiza ko wusugu, wakawa kuwulondola u welecele wetu wono cina nawo muli Kilisito Yesu, ho wacinjize mu wuwanda.

Waefeso 4:14

Ho cilece kuwa kanyhi nha wana, wono cowa kugumilwa no kupemheluswa ako na ako mu mbeho ye mejizo gono gakutulwa ne wanhu wakonji, ho wawajilize wanji ko wusugu.

Yakobo 1:26

Na hono munhu yewone mweneco nha munhu mono yebate dini muno muno, ninga kuno siyakusuma kulwimila lulimi lwakwe, dini yakwe u munhu yuyo yikuwa yisina hamba cambuzi co cose, langa yakwikonga mweneco du.

2 Timoteyo 3:13

Ninga i wanhu wabi ne wakonji, awo wojendelela kuwa wabi du, wakuwakonga wayawo, kanyhi sunga na weneco wakukongwa.

Metumo ge Watumwa 11:2

Baho Petelo yali yeza kuwuya ku Yelusalemi, wawalya Iwayahudi wono wali wehuwila, wono wasakaga i wanhu we makungugo ganji nawo walame, wakamuhosa, wakutya,

Wugubule 2:14

Ninga hamba nha vivyo, nina nghani zinji nyhefu kuliʼgwe, vyono wanji wa muli nyenye, muli watyatyi wa Balamu mono yamufunda Balaki, ho yawawicile cikobazo i wana wa Isilayeli ho walye zindigwa zono zali zikumbiciye vihwani, kanyhi wasenyhe.

Wugubule 2:6

Ninga hamba nha vivyo, nghukulumba ku soko ye cinhu cimonga du, vyono agwe wugasulile makani gono wakwituma Wanikolayi nha vyono na nene nigasulile.

1 Yohana 2:18

Mo wanangu, alu ilipango lyo mudumo lyasejelela! Nanye mwali mwakondya kuhulika vyono u mulugu wa Kilisito yakuza, ne walugu wa Kilisito aluno wenji wakondya kuza, ku soko yiyo holeka cikumanya vyono lipango lyo mudumo lyeza lili behi.

2 Timoteyo 4:4

Hamba si wokwendela lukulu kuyihulika imbeka, langa wokwenda kuzihulicila zisimo zo wulambi.

1 Timoteyo 1:4

Kanyhi wuwalonjelaje walecele lukulu zisimo zizilya zono zisina nhunizo yo yose hamba hadodo, hamonga ne zinghomo zinhali ze zindelwa ze wasetu, zono ziletaga wiwanganile wa bwete, hamba siziwazengaga wanhu mu wuhile wo Mulungu wono wumanyice mu nzila yo wihuwilo.

Wagalatiya 3:1

Anye mo Wagalatiya, mbeka mweza muli walele! alo mono yamukulujenyi nani? Hambi inghani yo wutumbikwe wa Yesu Kilisito, nha mwanzalicilwa ha meso genyu.

Metumo ge Watumwa 20:29

Manyile vyono ane kolo neza kuwuka, imaminzi makali golomwinjililenyi, si gololileka litewa.

Metumo ge Watumwa 15:1

Ale, wanhu wanji wakaza ku Antiyokiya wakulawa ku Yudiya, wakawa kwanza kuwafunda we zindugu, wakutya, “Hono mulece kwalama nha vyono winha wityatye wo Wulajilize wa Musa, si mosuma kupona ngʼo.”

Metumo ge Watumwa 15:24

Cihulika vyono wanji wayetu wono walawa kukuno kono kwetu, wakumutimvyenyi no kumukalazenyi ne zinghani zawo, na vyono wakumutajilenyi mahwele mu zinhumbula zenyu. Ninga mumanye vyono, wetuma zizo, na akuno si wakomboywe na sese.

1 Timoteyo 1:9

Ninga yicinojeye cikumbucile vyono u Wulajilize si wukuwa kuwikwa so wanhu waswanu, langa wuwikagwa ku soko ye wahodanji na wono wasina cihuliko, wono siwamogopilo u Mulungu na wanyo wubi, iwanhu wono wasina dini kanyhi we ciyinze yinze. Kanyhi wuwikagwa ku soko ye wanhu wono wawulagaga i wasogo zawo ne wanyina zawo, wawulaga wanhu,

Tito 1:6

vyono yimunojeye u munyamhala wa Kanisa yawe munhu mono yena mugolece yumonga du, kanyhi yinojeye ne wanagwe weze wehuwiye, wono si wali nyono hamba si wali cibede.

1 Yohana 2:4

Na munhu hono yatye yamumanyile Mulungu, ninga kuno ho siyakugakamisa i malajilizo gakwe, u munhu yuyo mulambi, hamba ne mbeka yose yili musina muli mwene.

Matayo 23:14

“Woyi he kuliʼnye mo wejizi wo Wulajilize ne Wafalisayo mo wakoci! Mono mukuwewonela iwacekulu wafwile, no kuwasolela ivinhu vyawo, akuno mukwinoza nha muli wanhu waswanu, so wulomba wulombe wutali muno muno. Na ku soko yiyi, holeka mopegwa wulipicizwe wuwaha.]