Tito 1:1 - I CILAGANE CIPYA 1991

¹ Ane yo nene Pawulo, u mwitumami wo Mulungu, kanyhi mutumwa wa Yesu Kilisito nghwandika. Ane haguywe ho niwuzenje u wihuwilo we wahagulwa wo Mulungu no kuwatanga ho wayimanye i mbeka yo wuhembi wetu,

Luganuzi Luswanu Kuli Wanhu Wose 2002

¹ Ane yo nene Pawulo, u mwitumami wo Mulungu, kanyhi mutumwa wa Yesu Kilisito nghwandika. Ane haguywe ho niwuzenje u wihuwilo we wahagulwa wo Mulungu no kuwatonga ho wayimanye i mbeka yo wuhembi wetu,

Tito 1:1 Referans Kwoze

Walumi 1:1

I baluwa yiyi, yikulawa kuli nene Pawulo, u mwitumami wa Yesu Kilisito, no mutumwa mono nasiwanulwa, no kucemwa, kusoko yo kuluganula u Luganuzi Luswanu lo Mulungu.

1 Timoteyo 6:3

U munhu wo wose mono yakwijiza suta ne zinghani zizi, kanyhi mono si yakuzivumila i zinghani ze mbeka zo Mutwa wetu Yesu Kilisito ne mafundo ge dini yetu,

2 Timoteyo 2:25

mono mupolo, lono yakuwalanjiza walugu wakwe, lunji u Mulungu kowapela cilejeho co kunena, nawo ho wayimanye i mbeka.

2 Timoteyo 2:23

Kanyhi wilegaje no wuwanji wo wulele, na we ciwula mahala, wumanyile vyono zizo ziletaga wugombane.

2 Petelo 1:3

Mu vilungo vyakwe vyo wulungu, u Mulungu yacipela vyose vyono cisakaga, ho cisume kwikala mu mikalile yo kumogopo Mulungu, no kumumanya mwene mono yacicema ho ciwuhanje ulukumyo no wuswanu wakwe mweneco.

1 Timoteyo 3:16

Hambi nha hasina mahwele go gose kuli zo wuwaha wa ze cinyele ze dini yetu, vyono: Yejela mu hwani yo munhu yahomelelwa no Muhe vyono yali lingʼani, yawonwa ne wamalayika. Yaganulwa mu zinghungugo, yehuwilwa kononze kose, yakabocelwa kucanyha ku wulanga mu lukumyo.

2 Petelo 3:11

Ale hono vinhu vyose vyohodangwa nha vivi, ma, anye munojeye muwe wanhu we nha wule? Munojeye muwe ne nyikala yono yelile no kumogopo Mulungu,

1 Timoteyo 2:4

mono yakuhila i wanhu wose waponywe, kanyhi wafice ku wumanye mbeka.

Wakolosayi 2:2

Nghunoza nha vivi, i zinhumbula zawo ho zitule, no kulunzizwa hamonga mu wendo, ho wamemywe mbeka yono yikuletwa no wumanye we mbeka. Na mu nzila yiyo, ho woyimanyila ne nghani yo Mulungu yono yihundikwe, hambi nha yo Kilisito mweneco.

Wafilipi 1:1

Yo nene Pawulo na Timoteyo, i wetumami wa Yesu Kilisito, cikumwandicilenyi anye nyo wanhu wo Mulungu kuko ku Filipi, mono mwalunzwa na Kilisito Yesu, hamonga nanye mo walongola ne watazi mu Kanisa.

2 Wakolinto 1:1

Kulawa kuli nene Pawulo no mutumwa wa Kilisito Yesu so wuhile wo Mulungu no ndugu yetu Timoteyo. Cikumwandicilenyi anye mono muli we likanisa lyo Mulungu lyono lili kuko ku Kolinto, hamonga ne wanhu wose wo Mulungu we hanhu hose mu Akaya.

Metumo ge Watumwa 13:48

Iwanhu we makungugo ganji, waza kuyihulika nghani yiyo, wakasecelela, wakayikumya nghani yo Mulungu, na wose wono wali watemezezwe wumi we cibitilila, wakehuwila.

Waefeso 2:8

Hambi nha mwakombozwa ku so lihewa lyo Mulungu mu nzila yo wihuwilo. Ne nghani yiyi si yili mu wuhidimbale wetu, langa cipegwa co Mulungu du.

1 Yohana 2:23

Hambi muli wose mono si yakumuvumila u Mwana, siyakumuvumila sunga no Sogo yo munhu, na muli wose mono yakumuvumila u Mwana, yo yena no Sogo yo Munhu.

Luka 18:7

Alu ma, Mulungu nayo, si kowalamulila wahagulwa wakwe wono wamulililaga misi ne cilo? Hambi kocela kuwataza?

2 Timoteyo 2:10

holeka nghukangalila muli vyose ku soko ye wahagulwa wo Mulungu, nawo nha vivyo ho watuje u Wukombozi wono wukuziza mu nzila ya Yesu Kilisito, kanyhi wono wuletaga lukumyo lwe cibitilila.

Yakobo 1:1

Nene Yakobo, umwitumami wo Mulungu, na wo Muwaha Yesu Kilisito, nghumwandicilenyi nyenye, nyo zinghungugo ikumi na nyejete, zono ziyagaye kononze kose. Lamucenyi!

Wugubule 1:1

I Citabu acino, co cina zinghani ze metumo gono gagubulwa na Yesu Kilisito. U Mulungu yamugubulila Kilisito u wugubule wu wuno, ho yawalajile i wetumami wakwe zinghani zono si zotinya kwijela. Kilisito yamutuma malayika wakwe yamumanyize Yohana u mwitumami wakwe, i zinghani zizino,