Matayo 7:11 - I CILAGANE CIPYA 1991

¹¹ Holeka hono anye mono muli wabi, ninga mumanyile kuwapela iwana wenyu ivinhu viswanu, mbeka, u Sogo yenyu wa ku wulanga kokwituma nha vivyo yacizilize, nayo kowapela iviswanu wose wono wakumulomba.

Luganuzi Luswanu Kuli Wanhu Wose 2002

¹¹ Holeka hono anye mono muli wabi, ninga mumanyile kuwapela iwana wenyu ivinhu viswanu, mbeka, u Sogo yenyu wa ku wulanga kokwituma nhavivyo yacizilize, nayo kowapela iviswanu wose wono wakumulomba.

Matayo 7:11 Referans Kwoze

Yakobo 1:17

Ivipegwa vyose viswanu ne vilavywa vyose vyono vikwilaniciye vilawaga ku wulanga, vilawaga kuli Sogo ya munhu, u Muwumbi we mazelu ga ku wulanga, mono yasina cipitupitu hamba yasina cinji co cose cono cosuma kumuletela wupituce.

Walumi 8:32

U Mulungu mono si yamutetela u Mwanagwe we ciwene, langa yakamulavya ku so sese wose. Alu hono yetuma nha vivyo, wule, si kocipela ne ziswanu zose?

Yohana 3:16

Ku soko u Mulungu yayenda yinze nha vivi, sunga yakamulavyo Mwanagwe we ciwene, na muli wose mono yakumwihuwila, yalece kwajilila, langa yawe no wumi we cibitilila.

1 Yohana 4:10

No wendo vyo winha nha vivi, si vyono ase camula kumwenda Mulungu, langa u mwene Mulungu yo yacenda, sunga yakawa kumutuma u Mwanagwe ho yawe ikumbiko lyo kuciwusiza wubi wetu.

1 Yohana 3:1

Alu lanjenyi ta, vyono u Sogo yo munhu yacenda muno muno, sunga citegwe cili wana wo Mulungu! Na mbeka vyo cinha. Na co cikuleka i yinze siyikucimanya, hambi nha si yimumanyile u Mulungu.

Walumi 3:19

Cimanyile vyono, u Wulajilize wuli baho ku soko ya wono wali hasi yo Wulajilize wuwo, ho walece kuwa na cikojelo co cose. Ne yinze yose yili hasi yo wulingʼanizwe wo Mulungu.

Wagalatiya 3:22

Ninga si nhavivyo i Mandiko Gono Gelile gakondya kulonga nha vyono i yinze yose yili mu vilungo vyo wubi, wono wehuwiye ho wapegwe i cilagane so wihuwilo muli Yesu Kilisito.

Walumi 3:9

Alu colonga cici kanyhi? Hambi ase co Wayahudi cili waswanu si nha wanji? Hamba hadodo! Hambi nha nakondya kulonga kuwulawa ha mwamulizo vyono, i Wayahudi ne wanhu we makungugo ganji, wose wali mu wubi.

Matayo 7:10

Hamba wule hono yamulombe somba, komupela nzoka?

Matayo 23:9

Hamba mulece kumucema munhu wo wose mukumutya, ‘Baba,’ bahano mono yinze, hambi u sogo yenyu, nha yumonga du mono yali ku wulanga.