Matayo 5:9 - I CILAGANE CIPYA 1991

⁹ Wamoti wono wakwituma so wulondola mulamu hambi nha wocemwa wana wo Mulungu.

Luganuzi Luswanu Kuli Wanhu Wose 2002

⁹ Wamoti wono wakwituma so wulondola mulamu, hambi nha wocemwa wana wo Mulungu.

Matayo 5:9 Referans Kwoze

Wahebelaniya 12:14

Muweze no wuhile wo kuwa na mulamu ne wanhu wose. Mwikalaje mu mikalile yono yelile, ku soko vyono hasina u munhu mono kosuma kumuwona u Muwaha hono yawe yayisina mikalile yono yinha yiyo.

Walumi 12:18

Mu nghango vyono yisumice ku lubavu lwenyu, mwikalaje mwilamuye ne wanhu wose.

Wagalatiya 5:22

Ninga zono zikwijela so wutongwa no Muhe, wo wendo, nyemo, mulamu, wukangalizi, wuswanu, wucemezi, wihuwilwa,

Walumi 8:14

Hambi wose wono watongagwa no Muhe wo Mulungu, wawo nha wo wana wo Mulungu.

Luka 6:35

Vyo si yinha, ninga muwendaje walugu wenyu, muwatendelaje viswanu, mweze kuwakopesa, kuno si mukulanjilila kugomolelwa. No wuhumbilizwe wenyu wowa wuwaha, nanye mowa wana wo Mulungu Mono Yalawiliciye Muli Vyose: hambi mwene nha muswanu kuli wono wasina ilumbo na kuli wabi.

2 Wakolinto 13:11

Na ye ndumilizo, wandugu zangu, nghutya, mwikalaje! Mweze mukamile muwibataje muno muno u wijize wangu, mweze mulaganiye kumonga, mwikalaje mwilamuye. Nayo u Mulungu wo wendo no mulamu kowa hamonga nanye.

Wakolosayi 3:13

Mwikangalilaje no kwinenela nyenye wose hono yunji yawe yena nghani kuli muyagwe, yiwanojeye mweze kwiyinenela nyenye wose nha vyono u Muwaha yamunenelenyi anye, nanye vyo mweze kunoza.

Matayo 5:48

Holeka mweze mukwilaniciye, nha vyono u Senyu wa ku wulanga yakwilaniciye.

2 Wakolinto 5:20

Holeka ase cili watumwa so Kilisito, nayo Mulungu mweneco yakucitumamila sese, cimunenenyi anye. Holeka cikumunenenyi ku so Kilisito, mwilamule no Mulungu.

Metumo ge Watumwa 7:26

Imitondo yaco yakawagana Wayisilayeli wejete wakwitowa, yakasaka yawalamule, yakutya, ‘Nye walume anye, nha muli ndugu, alo so cici mukwinozeza vibi nyenye wose?’

Matayo 5:45

ho musume kuwa wana wo Sogo yenyu mono yali ku wulanga. Hambi u Mwene nha kawamulicilaga ilizuwa lyakwe iwanhu waswanu ne wabi, no kuwatonyezeza imvula iwanhu waswanu ne wabi.’

1 Wakolinto 6:6

Alu du mbeka weza nha wuzowele wenyu kuli we ndugu, yakumutegula u nduguye kuli mahakama, kanyhi hamba nha vivyo, kuli wanhu wono si wehuwiye.

Wafilipi 4:2

Anye Ewudiya na Sumutice, nghumulombenyi dedede mujele kuwa mwilumbanizize kumonga kotya munhu no mwanakwawe, muli Muwaha.

Luka 20:36

Na mbeka hamba si wolofwa kanyhi yaye, hambi nha wokwihwana ne wamalayika; nawo wo wana wo Mulungu, vyono wazukulwa kulawa mu wafu.

Waefeso 4:1

Holeka ane mono nili muwopwa kusoko vyono nghumwitumamila u Muwaha, nghumunenenyi mwikalilaje mu mikalile yono yiwunojeye u lucemo lwenyu lono mwacemelwa.

Walumi 8:16

U Muhe mweneco vikuhomelelana no muhe wetu, vyono ase cili wana wo Mulungu.

Walumi 8:19

Hambi iviwumbwa vyose, nha vikulanjilila muno, u Mulungu yawalajile calinze iwanagwe.