Matayo 5:3 - I CILAGANE CIPYA 1991

³ “Wamoti wono wakwiwona nha waciwa hali Mulungu, hambi u wutemi wo Mulungu nha wawo.

Luganuzi Luswanu Kuli Wanhu Wose 2002

³ “Wamoti wono wakwiwona nha waciwa hali Mulungu, hambi u wutemi wo Mulungu nha wawo.

Matayo 5:3 Referans Kwoze

Luka 18:14

Nghumutyenyi, yuyo mutoweza kodi, yawuya kwakwe kuno yakondizye kwilamula no Mulungu. Ninga ayulya u Mufalisayo, si nha vivyo. Hambi muli wose mono yakwikumya mweneco, nha konyetywa na mono yakwinyetya yo kokumywa.

Yakobo 2:5

Wandugu zangu, wendece, hulicizenyi ta! u Mulungu yakondya kuwahagula iwanhu wono waciwa wa mu yinze yiyi, ho wawe wagoli wo wihuwilo kanyhi wawubocelega wutemi wono yawatemezeza wa walya wono wamwendile.

Luka 11:28

Nayo Yesu yakamutya, “Heya, ninga wamoti muno wanhu wono wakuyihulika nghani yo Mulungu no kuyikamisa.”

Matayo 11:25

Mwipango lilyo Yesu yakatya, “Nghukulumba gwe Baba, go Muwaha wo wulanga ne yinze, hambi nha kuwahundika we mahala i zinghani zizi, langa wukawagubulila i wana wadodo.

Luka 4:18

“U Muhe wo Muwaha wuli muli nene Kasiwanula, ho niwaganulile waciwa Luganuzi Luswanu, Kanhuma niwalonjele wono wafunjigwe, nha vyono wowopolelwa, Ne wabofu, vyono wowona kanyhi,

Maluko 10:14

Nayo Yesu yaza kuziwona zizo, yakakolwa ikuwo, yakawatya iwejizwa wakwe, “Walecenyi wawo iwana wadodo wanyizize, mulece kuwemila, hambi u wutemi wo Mulungu nha wuli so wanhu wono wenha iwana wadodo wawa.

Matayo 13:16

“Holeka anye muli wamoti, vyono i meso genyu gakuwona, ne makutu genyu gakuhulika.

Yakobo 1:12

Mumoti munhu mono yakukangalila wujelwe, hambi kolo yeza yasuma nha kopegwa i cihumbilizwa co wumi cono Mulungu yawatemezezya wawalya wono wamwendile.

Yohana 20:29

Yesu yakamutya, “Alu ho wehuwila vyono wambona? Ninga wamoti wono wehuwiye, lono wakali si nawona.”

Matayo 24:46

Mbeka u mwitumami yuyo kowa mumoti, hono u muwaha wakwe kolo yakuza, yamwagane yakunoza nhavivyo.

Yakobo 1:10

nayo mugoli, yimunojeye yawe na nyemo lono yakugwiswa no Mulungu. Hambi umugoli nha kokwajilila nhe liluwa lya mu mbago.

Wugubule 22:14

Wo wamoti wawo wono wakuvikanza i vivwalo vyawo, hambi wawo nha wo wowa ne lingʼani yo kulya mana go mubici wo wumi, kanyhi wo wowane lingʼani yo kukolela mu milango yalyo, no kwinjila mwikaya.

Wugubule 19:9

Nayo malayika yakanonjela yakutya, “Wuzandikaje azino, Wamoti wono wacemeywe ku zindigwa ze halusi yo Mwana we ngholo!” Yakanonjela kanyhi yakutya, “Zizo zo nghani ze mbeka yo Mulungu.”

Matayo 25:34

Hanyuma u mutemi ho kowalonjela awalya wono wali ku lubavu lo muwoko wakwe wo kulume yakutya, ‘Muze anye mono mwalugutizwa na Baba, mubocele u Wutemi wono mwawikanizizwa kuwulawa wuwumbwe we yinze.

Matayo 11:6

Holeka, yo mumoti u munhu mono si yakuyiwona nghani yo yose yimbi muli nene.”

Matayo 8:11

Holeka nghumulonjelenyi nha vyono iwanhu wenji wokuza, wakulawa kucilima na kumwezi, nawo wokwikala ha zindigwa mu wutemi wa ku wulanga, wena hamonga na Abulahamu na Isaka, na Yakobo.

Matayo 3:2

“Ale munene hambi u wutemi wa ku wulanga nha wasejelela.”

Matayo 19:14

Ninga Yesu yakawatya, “Muwalekaje iwana wawo wadodo waze kwangu, mulece kuwemila, hambi u wutemi wa ku wulanga nha wa wanhu wono wenha iwana wawa, nha wo wanojeye ku wutemi wa ku wulanga.”

Luka 22:29

nane nomupelenyi wutemi, nha vyono Baba yamhela.

Luka 22:30

Musume kulya no kungʼwa ha wulilo wangu mu wutemi wangu. Nanye molokwikala mu magoda go wutemi mukugalingʼaniza makungugo ikumi na mejete ga Isilayeli.”

Wugubule 3:17

Agwe wukwiyitya, ‘Ane nili mugoli, nina vinhu vyose, hamba si nyanjize cinji co cose.’ Kumbe si wumanyile vyono agwe wuli musocele, kanyhi wuli munhu wo kuwonelwa lusungu, wuli muciwa, kanyhi wuli mubofu, kanyhi wusawuce!