Matayo 5:1 - I CILAGANE CIPYA 1991

¹ Nayo Yesu yaza kugawona imapuga ge wanhu, yakabita kucanyha ye litunda yakekala hasi. Iwejizwa wakwe wakamuziza,

Luganuzi Luswanu Kuli Wanhu Wose 2002

¹ Nayo Yesu yaza kugawona imapuga ge wanhu, yakabita kucanyha ye litunda yakekala hasi. Iwejizwa wakwe wakamuziza,

Matayo 5:1 Referans Kwoze

Maluko 3:13

Yesu yakabita kwitunda, yakawacema kuli mwene wawalya wono yali yendile mweneco. Ale, wakamubitila,

Matayo 15:29

Yesu yakawuka baho yakabita ku nhumbi ye lilamba lya Galilaya, yakabita kwitunda, yakekala hasi.

Maluko 4:1

Yesu yakanza kwijiza kanyhi akuno yali ha nhumbi ye lilenga. Ne lipuga yiwaha lye wanhu likamupilima sunga yikawa yimunojeye mwene yenjile mu ngalawa no kwikala mwilenga. I wanhu wakawa wekaye muʼsi nghavu, ha nhumbi ye lilenga.

Maluko 3:20

Ale, Yesu yakabita ku kaya. Ne lipuga lye wanhu likekonghola kanyhi, sunga Yesu ne wejizwa wakwe hamba siwasuma kutuga cilejeho co kulya zindigwa.

Matayo 4:25

Ne mapuga menji ge wanhu, wono walawa ku Galilaya, Dekapoli, Yelusalemi, Yudiya, sunga na ku nhumbi ya Yoludani, wose wakawa kumutyatya.

Matayo 13:2

Ne mapuga mawaha ge wanhu gakamupilima, sunga Yesu yakenjila mu ngalawa, yakekala mumo. Ne wanhu wakawa wemile ku mwejelele we lilenga,

Matayo 5:2

nayo yakawa kwanza kuwejiza yakatya,

Luka 6:12

Lizuwa linji Yesu yakabita kwitunda, kulomba; yakekala kuko cilo cose sunga wukela, yakumulombo Mulungu.

Luka 6:17

Yaza kutima kwitunda hamonga nawo, Yesu yakema hanhu hono hali hali wuhihi, hatendemaye, na baho hali howali Wejizwa wakwe wenji, no winji we wanhu wono walawa mbavu zose za Yudiya, na Yelusalemi, na ku mhwani yose ya Tulo na Sidoni, wose wakaza wamuhulicize Yesu, no kuponywa zinhamwa zawo.

Luka 6:20

Yesu yakawapitucila wejizwa wakwe yakatya, “Muli wamoti nyo waciwa: hambi wutemi wo Mulungu nha wenyu.

Luka 9:28

Kukawa nha vilo munana vyapuluta lono zali zakondya kulongwa zinghani zizi, Yesu yakawasola Petelo na Yohana na Yakobo, yakabitana nawo kwitunda, kulomba.

Yohana 6:15

Yesu yaza manya vyono wanhu wasakaga kumusola wamunoze yawe mutemi, yakawuka kanyhi, yakawa kubita kwitunda, yali wene.