Matayo 3:10 - I CILAGANE CIPYA 1991

¹⁰ Hambi inhemo nha yikondizye kuwikanizwa so wutemanga imilela yo mubici, holeka u mubici wo wose wono si wulelaga mikalo miswanu, ale, wodumulwa no kutagwa mu moto.

Luganuzi Luswanu Kuli Wanhu Wose 2002

¹⁰ Hambi inhemo nha yikondizye kuwikanizwa so wutemanga imilela yo mubici, holeka u mubici wo wose wono si wulelaga mikalo miswanu, wodumulwa no kutagwa mu moto.

Matayo 3:10 Referans Kwoze

Yohana 15:6

Munhu wo wose hono yalece kwikala muli nene, yakutagwa kunze kotya inhambi vyono walitagaga, nalyo liwa kunyala. Nawo wanhu wakuwa kulikongholeza, wakulitajila mu moto, nalyo liwa kutakamila.

Luka 3:9

Sunga nalu nhemo mbikwe ha masina ge mabici, no mubici wo wose wono siwukulela mikalo miswanu, wotemangwa no kutajilwa mu moto.

Matayo 7:19

No mubici wo wose wono si wukulela mikalo miswanu, wukutemangwa no kutajilwa mu moto.

Yohana 15:2

Mwene kaliwusaga muliʼne ilinhambi lyo lyose lyono si lilelaga mikalo, ne linhambi lyono lilelaga, kalidumulilaga ho licile kulela muno.

Wahebelaniya 6:8

Ninga hono u muhangha wuwo wucindye mabici ge mamiya, na ganji caka, wukuwa wusina cambuzi, wukuwa wuli behi no wulijitwa no Mulungu no mudumo wayo wukuwa wutakamizwe mu moto.

Matayo 21:19

Yakawuwona mukuyu wunji ha mhelo ye nzila, yakawubitila, ho yahepe imikalo yayo, ninga yakawagana wusina mikalo hamba hadodo, langa go mahamha du gali wene. Hodu yakawa kuwulonjela yakawutya, “Wulecele lukulu kulela kanyhi mikalo cibitilila!” Hobaho baho du, no mukuyu wuwo wukawa kunyala.

Luka 23:31

Hono wanhu wakutenda zizi mwibici lidece, ma mwibici likavu ho zowa wule?”

Wahebelaniya 12:25

Holeka mulanjilile, mulece kulema kumuhuliciza mono yakulongana nanye. Nha vyono awalya wono walema kumuhuliciza ayulya mono yawasugula hono yinze si wapona yaye. Alu ase cosuma kupona wule hono cileme kumuhuliciza ayulya mono yakucisugula mono yalawa ku wulanga?