Matayo 20:2 - I CILAGANE CIPYA 1991

² Vikelumbaniza nawo, vyono kowalipa u musahala we zuwa limonga, yakawa kuwategula ku mugunda wakwe we mizabibu.

Luganuzi Luswanu Kuli Wanhu Wose 2002

² Vikelumbaniza nawo, vyono kowalipa u musahala we zuwa limonga, yakawa kuwategula ku mugunda wakwe we mizabibu.

Matayo 20:2 Referans Kwoze

Wugubule 6:6

Nghahulika cinhu cinji kotya nha yizi lyono likulawilila kuli vi vilya viwumbwa vine vyumi. Nalyo lizi lilyo likatya, “Cibaba cimonga ca wusaje wa ngano, cogulwa dinali monga, na vibaba vidatu vya sayili, navyo vyogulwa dinali monga nha vivyo. Ninga wulanjilile, wulece kuhodanga mafuta hamba divayi!”

2 Timoteyo 3:15

kanyhi wukumbuciye vyono wulawa wudodo wako wagamanya i Mandiko Gono Gelile gono gosuma kukupela lihala lyono lyokuletela mhonelo mu nzila yo wihuwilo wono wuli muli Kilisito Yesu.

Luka 10:35

Mitondo yaco yakalavya pesa dinali nyejete, yakamupela munya nyumba, yakatya, ‘Umutamye yuyu, na muli vyose cono kociziliza mu witumamile, ale, kolo nghuwuya nokugomolela.’ ”

Luka 1:15

Kowa muwaha hali Muwaha, si kolowa kungʼwa divayi hamba cingʼwegwa co wugale,

Matayo 22:19

Ndajilenyi ta fweza yo kulipila kodi.” Nawo wakamulajila i fweza yiyo.

Matayo 20:13

Baho nayo munya mugunda yakamupitula muyawo yumonga yakamutya, ‘Gwe muyangu, ane si nghukonyile cinji yaye. Wule, sikotya cilagana nagwe vyono nokupela u musahala we zuwa?

Matayo 18:28

“He, ninga u mwitumami yuyo, yali yeza kuwuka bahalya, yakamwagana yunji muyagwe ne wetumami wayagwe, mono u mwene yuyu yamudayaga yuyo muyagwe mapesa, dinali igana limonga. Hodu yakawa kumwibata, yakawa kumukoma mu mumelo, akuno yakutya, ‘Wundipaje umugawa wangu wono nghukudaya.’

Matayo 9:37

Baho yakawalonjela iwejizwa wakwe, yakawatya, “Ndudula yo mbaha, ninga iwetumami wo wacefu.

Matayo 20:1

“Wutemi wa ku wulanga wihwanile no munhu mono yali yena u mugunda we mizabibu, mono yelawa hakali mitondo muno, yakawika iwetumami mu mugunda wakwe.

Matayo 20:3

Yakalawila kanyhi mu saa tatu hakali mitondo, yakawawona wanhu wanji wemile du mu sokoni, wasina hamba mulimo

Maluko 12:15

Ninga mwene Yesu yali yawumanyile u wukoci wawo, holeka yakawatya, “Alu so cici mukunjela? Mundajilaje ta pesa nanje.”

Luka 20:24

“Ndajilenyi pesa, wulenyi, yina hwani ya nani no lwandiko lwa nani?”

Matayo 20:9

Hodu, wakawa kuza iwetumami wawalya wono wategulwa ku mulimo mu saa kumi na monga cinyamihe, wawo wakabocela, munhu yakapegwa u musahala we zuwa limonga.