Matayo 15:16 - I CILAGANE CIPYA 1991

¹⁶ Nayo Yesu yakatya, “Wa, kumbe na nyenye si mukwizuka hongo?”

Luganuzi Luswanu Kuli Wanhu Wose 2002

¹⁶ Nayo Yesu yakatya, “Wa, kumbe na nyenye si mukwizuka hongo?”

Matayo 15:16 Referans Kwoze

Matayo 16:9

Alu hongo mukali hamba si munatanga yaye? Alo si mukukumbucila nha vyono nayibegula ayilya i mikate mihano so wanhu walya elufu yihano? Wulenyi mwamevya nhoto yilinga muli ze vibegulwa vyono vyasigala?

Maluko 9:32

Ninga i wejizwa hamba si wezuka ze nghani yiyo. Nawo wakogopa kumuwuza.

Maluko 7:18

Nayo yakawatya, “Alu, hamba na nyenye simukwizuka hongo? Alu simukwizuka vyono i cinhu cono cikulawa munze no kwinjila mugati yo munhu si cosuma kumuhodanga munhu yaye,

Luka 9:45

Ninga wene si wezuka nhunizo ye nghani yiyi, hambi nghani yiyi nha yali hundikwe kuli wene, ho walece kuyitanga; nawo wakogopa kumuwuza ze nghani yiyi.

Matayo 15:10

Yesu yakagacema i mapuga gagalya ge wanhu, yakawalonjela yakulya, “Ta muhulicize, kanyhi mwizuce!

Wahebelaniya 5:12

Ninga alu yali yimunojelenyi muwe mweza muli wejizi, ninga kumbe mukali mukusaka munhu yunji wo kumwijizenyi i mejizo malongozi ge nghani yo Mulungu, holeka mwaweza nha mukusaka mele, hamba si ndigwa nghavu yaye.

Luka 24:45

Hanyuma yakawagubulila mahala gawo, ho wasume kugatanga Mandiko Gono Gelile.

Luka 18:34

Ninga wene si wezuka nghani hamba monga, nghani yiyi yikawa hundikwe kuli wene, hamba si watanga yono yalongagwa.

Maluko 6:52

hambi nha wali wakali sinezuka inhunizo yo kuwalisa wawalya i wanhu we elufu yihano. I mahala gawo gali gakali si nazibata yaye.

Matayo 16:11

Alu yosumika nhawule ho mulece kumanya, vyono ane si nali kulonga muli ze mikate? Holeka musuguce kuli cisase ce Wafalisayo ne Wasadukayo!”

Matayo 13:51

Yesu yakawawuza yakawatya, “Alu wulenyi mwezuka zizi zose?” Nawo wakamutya, “Heya.”

Matayo 15:15

Baho Petelo yakawacilila, yakatya, “Ale, wucilolosezaje ta, ze cihwanicizo cico.”

Matayo 15:17

Alu anye si mukwizuka vyono cinhu co cose cono cinjliaga mu mulomo, cibitaga kunda, na hanyuma yayo citagagwa kunze ku coloni?