Matayo 13:8 - I CILAGANE CIPYA 1991

⁸ Ninga zinji zikalagala hono howuli u muhangha u muswanu, nazo zikota, no kulela, zinji zikalela mhece igana limonga, zinji makumi mutandatu, na zinji nazo makumi madatu.

Luganuzi Luswanu Kuli Wanhu Wose 2002

⁸ Ninga zinji zikalagala hono howuli muhangha u muswanu, nazo zikota, no kulela, zinji zikalela mhece igana limonga, zinji makumi mutandatu, na zinji nazo makumi madatu.

Matayo 13:8 Referans Kwoze

Luka 8:15

Nazo zono zalagala mu muhangha muswanu wo wanhu wono wakuyihulika nghani, no kuyikamisa kwa nhumbula swanu na ye cihuliko. Nawo wakuleta mikalo mu wukangalile.

Matayo 13:23

Nayo i mbeyu yono yagwila mu muhangha u muswanu, yihwanile u munhu mono yakuyihulika inghani yiyo no kuyizuka, no munhu yuyo kalelaga i mikalo, ne mbeyu monga yilavyaga mhece igana limonga, na yinji yikulavya makumi mutandatu, na yinji makumi madatu.”

Yohana 15:8

Nayo Baba kakumyagwa, hono mulele muno mikalo minji, nanye mowa wejizwa wangu.

Wafilipi 1:11

I mikalile yenyu yomemywa zose zono zili mbeka na swanu, zono Yesu Kilisito mweneco kosuma kumupelenyi, ku soko yo lukumyo ne lilumbo lyo Mulungu.

Walumi 7:18

Manyile vyono mugati yangu, musina yinji yo yose swanu, hambi ane nha nili munhu du. Ku soko vyono, hamba niwe nghusaka kunoza nghani swanu, si nosuma kwituma.

Matayo 13:7

Na zinji zikalagala mu mabici ge mamivya mugati, nago i mamivya gago, gakawiluka no kuzititiliza.

Maluko 4:8

Zinji zikalagla mu muhangha muswanu, zikawiluka no kulela: zinji zikalela mhece makumi madatu, zinji makumi mutandatu, na zinji igana.”

Maluko 4:20

Ninga iwanhu wanji, wehwanile nhe zimbeyu zilya zono zamizwa mu muhangha muswanu. Awa wo wakuyihulika i nghani yiyo, wakuyibocela, no kulela mikalo: wanji makumi madatu, na wanji makumi mutandatu na wanji igana limonga.”

Luka 8:8

Zimbeyu zinji zikalagala mu muhangha muswanu, zikawiluka, zikalela mhece igana.” Yaza kukondya kulonga zizo, yakalonga na izi iwaha, yakatya “Holeka muhulice, hono mwina makutu.”