Matayo 13:11 - I CILAGANE CIPYA 1991

¹¹ Nayo Yesu yakawapitula yakawatya, “Anye mwapegwa u wumanye wa zo Mulungu zono zihundicigwe, ninga wene awa si wapegwa yaye.

Luganuzi Luswanu Kuli Wanhu Wose 2002

¹¹ Nayo Yesu yakawapitula yakawatya, “Anye mwapegwa u wumanye wa zo Mulungu zono zihundicigwe, ninga wene awa si wapegwa yaye.

Matayo 13:11 Referans Kwoze

1 Wakolinto 2:14

U munhu we ciyinze yinze si kazibocelaga izinghani zo Muhe wo Mulungu. Hambi u munhu we liwala lilyo, izinghani zo Mulungu, nha wulele du kuli mwene, ku soko vyono zimupulute imahala gakwe, hambi zene, nha zitanjikaga ko wutazi wo Muhe du.

Matayo 19:11

Yesu yakawatya, “Ninga si wose wono wosuma kulibocela i lifundo lilyo, langa yowa kuli wawalya du, wono wapejigwe no Mulungu.

Yakobo 1:5

Na hono muyenyu yunji yawe yanjiye mahala, ale, yimunojeye yamulombe Mulungu mono komupela, hambi Mulungu nha kawapelaga wose kwa winji, na kwe nhumbula swanu.

1 Yohana 2:27

Ninga ku lubavu lwenyu anye, Kilisito nha yamupelenyi u Muhe wakwe. Holeka hono yajendelele kwikala muli nyenye, mowa musina wuhile wa yunji wo wose kanyhi ho yamwijizenyi. Vyono u Muhe wakwe yo yakumwijizenyi zose, ne mejizo gakwe go ge mbeka, hamba si ga wulambi. Holeka mugebataje i mejizo go Muhe yuyo no kwikala muli Kilisito.

1 Yohana 2:20

Anye mwina u Muhe Mono Yelile mono mwajidilwa na Kilisito, holeka muyimanyile i mbeka.

Matayo 16:17

Nayo Yesu yakamutya, “Wuli mulugutwe, agwe Simoni go mwana wa Yona, hambi nha si munhu mono yakugubuliye i mbeka yiyi, langa Baba mono yali ku wulanga.

Waefeso 1:9

U Mulungu yacifisiliza cicilya cono yali yatemizye, yakacimanyiza zo wuhile wakwe wono wali wihundice, wono yali yewikanize kuwufisiliza mu nzila ya Kilisito.

Waefeso 5:32

Mu zinghani zizi moyili i mbeka yono yihundikwe mumo, nane nghuwona vyono yidomile kuli Kilisito ne Likanisa lyakwe.

Walumi 16:25

Alenyi luno cimukumye u Mulungu! U Mwene kosuma kumusikamizizyenyi mu Luganuzi Luswanu lululya, lono naluganula muli zinghani za Yesu Kilisito, na mu nghani ayilya ye cinyele ye mbeka yono yali hundikwe mu ndelo nyinji zono zapuluta.

Luka 8:10

Yakawatya, “Anye mupegwa kumanya zono zihundicigwe zo wutemi wo Mulungu, ninga kuli wanji, vyo si yinha. Langa wene walonjelagwa mu vihwanicizo, hono wakuwona, ho walece kuwona, na hono wakuhulika, ho walece kwizuka.”

1 Wakolinto 15:51

Ale, muhulicize ta, nimulonjelenyi nghani ye cinyele yili nhavi, ase hamba si cilafwa wose, langa wose colohunduswa,

1 Wakolinto 2:7

Imahala gono cikwitumamila ase, go mahala ge zinghani zo Mulungu zono hundikwe, imahala gono mahundikwe, go mahala gono u Mulungu yali yagatemizye ku wulawa ku mwamulizo, ku soko yo lukumyo lwetu.

Yohana 6:65

Hanyuma yakatya, “Yo yilecile nghumulonjelenyi, vyono hasina mono kosuma kuza kwangu hono yalece kupegwa wusume na Baba.

1 Timoteyo 3:9

hambi nha yiwanojeye kwibata ko mutima muswanu imbeka ya mugati yo wihuwilo.

1 Wakolinto 13:2

Na kanyhi yisumice niwe ne cipegwa ciswanu co kuyiganula nghani yo Mulungu, no kuzimanya ze cinyele zose, sunga no kusuma kuzimanya zose, kanyhi ndahile kuwa no wihuwilo wono wukwilaniciye, sunga sume kugahamye matunda, ninga hamba nha vivyo hono niwe sina wendo, ane si nili cinji yaye.

Maluko 4:11

Nayo Yesu yakawatya, “Anye mupejigwe kumanya ze cinyele zo wutemi wo Mulungu, ninga kuli walya wono wali kunze, wolonjelwa zose mu vihwanicizo.

Wakolosayi 2:2

Nghunoza nha vivi, i zinhumbula zawo ho zitule, no kulunzizwa hamonga mu wendo, ho wamemywe mbeka yono yikuletwa no wumanye we mbeka. Na mu nzila yiyo, ho woyimanyila ne nghani yo Mulungu yono yihundikwe, hambi nha yo Kilisito mweneco.

Waefeso 6:19

Munombelaje na nene nha vivyo, lono nghuduwa, ho Mulungu yamhele cono nolonga, ho sume kuwamanyiza i wanhu sina woga, inghani yono yihundikwe yo Luganuzi Luswanu.

1 Wakolinto 4:7

Hambi nani mbi mono yakukuwona agwe nha wuli cinji hamwande ye wanji? Hamba alu wina ci cici kanyhi cono siwapegwa, alu nhawule kanyhi wukwilumbilila mu cinhu cico, kotya nha munhu mono wukali si napegwa?

1 Wakolinto 4:1

Ale, u munhu yaciwonaje ase nha cili wetumami wa Kilisito mono cakozwa i zinghani ze cinyele zo Mulungu.

Yohana 7:17

Munhu mono yendile kwituma zono u Mulungu yendile, yo komanya hono mejizo gangu galawa kuli Mulungu, hamba nene nghwilonjela mu wulajilize wangu no mweneco du.

1 Timoteyo 3:16

Hambi nha hasina mahwele go gose kuli zo wuwaha wa ze cinyele ze dini yetu, vyono: Yejela mu hwani yo munhu yahomelelwa no Muhe vyono yali lingʼani, yawonwa ne wamalayika. Yaganulwa mu zinghungugo, yehuwilwa kononze kose, yakabocelwa kucanyha ku wulanga mu lukumyo.

Waefeso 1:18

Nghumulomba u Mulungu yazidigule izinhumbula zenyu ho zisume kuwuwona u wuzelu wakwe, ho musume kuwutanga u witumbilo wono yamucemelenyi, no lukumyo luwaha lwe vipegwa vyono yawawicila iwanhu wakwe,

Metumo ge Watumwa 16:14

Mucekulu yunji wa muli wawo wono wacihulicizaga, litagwa lyakwe Ludiya, mono yamogopago Mulungu, wa mwikaya lya Tuwatila, mono yaguzaga myenda ye bafuta, ye liwala lyo lugandu. U Muwaha yayidigula inhumbula yakwe, yakazibocela zinghani zono Pawulo yazilongaga.

Matayo 13:10

I wejizwa wakwe wakamubitila wakamuwuza wakutya, “Alo so cici wukulongana ne wanhu mu vihwanicizo?”

Matayo 20:23

Yesu yakawalonjela yakatya, “Mbeka mosuma kucingʼwela cikombe cangu, ninga ku wikala ku muwoko wangu wo kulume hamba ku muwoko wangu wo kucekulu, wo si mulimo wangu kulamula inghani yiyo, wopegwa du wawalya wono wawikanizizwa na Baba.”

Maluko 10:40

Ninga kuwikala kulume hamba kucekulu kwangu si mulimo wangu kunoza langa wopegwa wawo wono wawikanizizwa.”

Walumi 11:25

Wandugu zangu, nghuhila muyimanye imbeka yiyi yono hundikwe, ho mulece kwiwona nha muli we mahala. I cibede ce Wayahudi, cali ca cipango cidodo du, sunga kolo iwanhu we makungugo ganji wamuziza u Mulungu.