Matayo 11:5 - I CILAGANE CIPYA 1991

⁵ vyono i wabofu wakuwona kanyhi, we vitewe nawo, wakujenda, nawo wono wena wukoma, wakwezwa, na we ciziwi nawo wakuhulika kanyhi sunga na wono wafwiye, nawo wakuzukulwa, ne waciwa nawo wakuganulilwa u Luganuzi Luswanu.

Luganuzi Luswanu Kuli Wanhu Wose 2002

⁵ vyono i wabofu wakuwona kanyhi, we vitewe nawo, wakujenda, nawo wono wena wukoma, wakwezwa, na we ciziwi nawo wakuhulika, kanyhi sunga na wono wafwiye, nawo wakuzukulwa, ne waciwa nawo wakuganulilwa u Luganuzi Luswanu.

Matayo 11:5 Referans Kwoze

Luka 4:18

“U Muhe wo Muwaha wuli muli nene Kasiwanula, ho niwaganulile waciwa Luganuzi Luswanu, Kanhuma niwalonjele wono wafunjigwe, nha vyono wowopolelwa, Ne wabofu, vyono wowona kanyhi,

Yakobo 2:5

Wandugu zangu, wendece, hulicizenyi ta! u Mulungu yakondya kuwahagula iwanhu wono waciwa wa mu yinze yiyi, ho wawe wagoli wo wihuwilo kanyhi wawubocelega wutemi wono yawatemezeza wa walya wono wamwendile.

Matayo 21:14

Nawo iwabofu, na we vilema, wose wakamubitila kuko ku Nyumba yo Mulungu, nayo Yesu yakawaponya.

Yohana 10:38

ninga hono niwe nghwituma na hono si munyihuwiye nene, ale mwali muyihuwile i milimo, ho mumanye no kwizuka vyono Baba yali muli nene, nane nili muli Baba.”

Yohana 10:25

Yesu yakawapitula, yakawatya, “Nha nimulonjelenyi, ninga si mukwihuwila. I milimo yono nghwitumila mwitagwa lya Baba, yiyo yo yikuhomelela.

Yohana 5:36

Ninga ane nina wuhomelezi wangu wuwaha kuciza wa Yohana, hambi i milimo yono nghwituma, yo milimo yono yamhela Baba niyitume, nayo yo yikuhomelela vyono Baba yo yanhuma.

Yohana 3:2

Yuyo yamubitila Yesu mwizuwa linji ne cilo, yakamutya, “Labi, cimanyile vyono wuli mwijizi mono watumwa no Mulungu. Hambi nha hasina munhu, mono kosuma kunoza vitanjilo vinha vivi vyono wukunoza agwe, hono Mulungu yalece kuwa hamonga nayo.”

Yohana 2:23

Nayo Yesu, lono yali ku Yelusalemi ku sikukuu ya Pasaka, wanhu wenji wamwihuwila, waza kuviwona ivitanjilo vyono yavinoza kuko.

Maluko 9:25

Nayo Yesu yaza kuliwona lipuga lye wanhu lyeza kumwikongholela lumangho hamwande yakwe, yakalitacila lililya licisi lyavu yakulitya, “Agwe go licisi mono wukumunoza u mwana yuyu yawe cibwibwi kanyhi yawe ciziwi, nghukutya, ulawe muli mwana yuyu, hamba wulece kwinjila muli mwene kanyhi!”

Maluko 7:37

I wanhu wakezina muno muno, wakatya, “Kanoza zose viswanu, yakuwanoza we ciziwi wahulice, na we cibwibwi walonje!”

Matayo 10:8

Muwaponyaje iwatamwa, muwazukulaje wono wafwiye, muwakwemaje wono wena wukoma, mugalavyaje imacisi. Mupegwa bwete, holeka nanye mulavye bwete.

Matayo 9:30

Imeso gawo gakanuguzwa. Nayo Yesu yakawakongʼonheza ko wukali yakuwatya, “Anye, mulece kumulonjela u munhu wo wose ze nghani yiyi.”

Matayo 5:3

“Wamoti wono wakwiwona nha waciwa hali Mulungu, hambi u wutemi wo Mulungu nha wawo.

Metumo ge Watumwa 2:22

“Nye mo wa Isilayeli, muhulicize zinghani zizi! Yesu wa Nazaleti, munhu mono yahomelelwa no Mulungu kwenyu, mu metumo mawaha ne mezino, ne vitanjilo, vyono Mulungu yavinozeza muli mwene hali nyenye, vyono mumanyile mo weneco,

Matayo 11:4

Nayo Yesu yakawapitula yakatya, “Mubite mukamulonjele Yohana zose zono mukuzihulika no kuziwona,

Matayo 12:13

Hobaho yakawa kumulonjela u munhu yuyulya wo muwoko wono wudejepe, yakamutya, “Wugolole u muwoko wako.” Nayo yakawugolola, nawo wukawa wawa muswanu telele nha vyono winha u muwoko muyagwe.

Yohana 9:7

no kumutya “Wubite wukezuguze mu cilamba ca Silowami.” (Nhunizo ye litagwa lili, wo wutya “Mutumwe.”) Nayo u mubofu yakabita, yakezuguza, yakawuya yakuwona.