Maluko 9:7 - I CILAGANE CIPYA 1991

⁷ Ale, likaza ivunde likawagubika, ne lizi likahulikwa likulawa mwivunde lilyo, likutya, “Ayu yo Mwanangu mwendece wangu, mweze kumuhulika.”

Luganuzi Luswanu Kuli Wanhu Wose 2002

⁷ Ale, likaza yivunde likawagubika, ne lizi likahulikwa likulawa mwi'vunde lilyo, likutya, “Ayu yo Mwanangu mwendece wangu, mweze kumuhulika.”

Maluko 9:7 Referans Kwoze

2 Petelo 1:17

Ase cali baho mu cipango cono yapelelwa icogopo no kukumywa no Mulungu Sogo yo munhu, lono lizi likamuziza kulawa kuli mwene, mono yo Lukumyo Luwaha, likutya, “Ayu yo Mwanangu mwendece mono nyendezwe nayo.”

Matayo 3:17

Ne lizi likalawa ku wulanga likutya, “Ayu yo Mwanangu u mwendece wangu, mono nendezwe nayo.”

Maluko 1:11

Ne lizi likahulikwa kulawa ku wulanga likutya, “Agwe yo gwegwe mwanangu mwendece; mono nyendezwe nagwe.”

Wugubule 1:7

Langa ta! Yakuziza mu mavunde! Ne wanhu wose wolomuwona, sunga na walya wono wamucinya no mugoha. Ne makungugo gose ga kononze gololila ku soko yo mwene. Heya! Vyo yiweze.

Wahebelaniya 2:1

Holeka yicinojeye cicile kuzikamisa muno zose zono cazihulika, ho cilece kwajilizwa.

Yohana 20:31

Ninga azino zandikwa, ho mwihuwile vyono Yesu yo Kilisito, u Mwana wo Mulungu, na mu wihuwilo wenyu wuwo ho mutuje wumi muli mwene.

Yohana 6:69

Nase cihuwiye, kanyhi cimanyile, vyono yo gwegwe Mono Welile wo Mulungu.”

Yohana 1:34

Nane nghondya kuwona, nane nghumulonjelenyi vyono yuyu yo Mwana wo Mulungu.”

1 Yohana 5:20

Cimanyile kanyhi, vyono Mwana wo Mulungu yakondya kuza, yakacipela ne mahala ho cimumanye Mulungu we mbeka, kanyhi cikale muli Mulungu we mbeka, muli Mwanagwe Yesu Kilisito. Na yuyu yo Mulungu we mbeka, na wuwu wo wumi we cibitilila.

Walumi 1:4

na kusoko yo wele wakwe wo Wulungu, yahomelelwa kwe vilungo viwaha vyono, u mwene yo Mwana wo Mulungu, ku so wuzuce wa muli wafu.

Metumo ge Watumwa 8:36

Na lono wali wakali wajendeleye no muhinzo, wakafika hanhu hono hogali malenga, na yuyo munhu yakatya, “Langa ta, aga malenga, wule ho cili cono cikunyimila ho ndece kubaputizwa?” [

Metumo ge Watumwa 7:37

Yo mwene yuyo Musa mono yawatya wana wa Isilayeli, ‘U Mulungu kolomwinulilenyi Muwizi kulawa mu wandugu zenyu yenha nene.’

Metumo ge Watumwa 1:9

Nayo yaza kondya kulonga zizi; nawo lono wamulangaga, yakanyasulilwa ku wulanga, ivunde likamugubiciza ha meso gawo, hamba kumuwona kanyhi.

Yohana 19:7

Wayahudi wakamupitula wakatya, “Ase cina uwulajilize, na lono cikuwutyatya wulajilize wuwo, ayu yimunojeye yafwe. Ku soko vyono yenoza Mwana wo Mulungu.”

Yohana 9:35

Yesu yaza kuhulika zizo zono zijeye yakamwagana u munhu yuyo, yakamutya, “Alu agwe, umwihuwiye u Mwana wo Munhu?”

Yohana 5:37

Nayo Baba mono yanhuma, yo yakuhomelela. Nanye mukali si nalihulika lizi lyakwe hamba nhavi, hamba kuwuwona wusu wakwe.

Yohana 5:18

Ku soko ye zinghani zizo, iwalongola we Wayahudi wakacila muno kulondola nzila yo kumuwulaga Yesu, si so wuhodanje wo wulajilize we Sabato du, langa na so wulonje wono yateye Mulungu yo Sogwe, na kusoko yiyo yakwinoza sawa no Mulungu.

Yohana 1:49

Hobaho Nataneli yakamutya, “Mwijizi, yo gwegwe Mwana wo Mulungu, yo gwegwe Mutemi wa Isilayeli.”

Matayo 27:54

Hodu, yuyulya u muwaha we wasilikale igana, sunga na wawalya wono wamudimaga Yesu, wali weza kuwona u wucicime we yisi, sunga na zose zono zejela, Oo! wakogopa muno muno, wakatya, “Mbeka u munhu ayu, yali Mwana wo Mulungu.”

Matayo 27:43

Ale yali yamwitumbiye u Mulungu, akuno yakutya, ati u mwene yo Mwana wo Mulungu, ale ta, u Mulungu yamuponyaje, hono yawe yendezwe nayo.”

Maluko 9:6

Umwene ne wayagwe wakogopa muno, sunga yikamunoza Petelo yalece kumanya na cono yakulonga.

Maluko 9:8

Lo lulolulo iwejizwa wakalanga kanyhi, ninga siwawona munhu yunji, langa Yesu du yali wene, hamonga na weneco hodu.

Luka 3:22

no Muhe Mono Yelile yakamutimila, futa yakwe, yehwanile nziwa, izi likalawa ku wulanga likutya, “Agwe yo gwegwe Mwanangu mwendece, mono nyendezwe nagwe.”

Yohana 12:28

Baba wulikumyaje litagwa lyako.” Baho likaza lizi likulawa ku wulanga, likutya, “Nalikumya, kanyhi nolikumya.”