Maluko 9:25 - I CILAGANE CIPYA 1991

²⁵ Nayo Yesu yaza kuliwona lipuga lye wanhu lyeza kumwikongholela lumangho hamwande yakwe, yakalitacila lililya licisi lyavu yakulitya, “Agwe go licisi mono wukumunoza u mwana yuyu yawe cibwibwi kanyhi yawe ciziwi, nghukutya, ulawe muli mwana yuyu, hamba wulece kwinjila muli mwene kanyhi!”

Luganuzi Luswanu Kuli Wanhu Wose 2002

²⁵ Nayo Yesu yaza kuliwona lipuga lye wanhu lyeza kumwikongholela lumangho hamwande yakwe, yakalitacila lililya licisi lyavu yakulitya, “Agwe go licisi mono wukumunoza u mwana yuyu yawe cibwibwi kanyhi yawe ciziwi, nghukutya, wulawe muli mwana yuyu, hamba wulece kwinjila muli mwene kanyhi!”

Maluko 9:25 Referans Kwoze

Metumo ge Watumwa 16:18

Yakawa yakunoza nhavivi mu vilo vinji. Sunga mwizuwa linji, Pawulo yakakalala muno, yakamupitucila no kulitya licisi, “Nghukulonjela, mwitagwa lya Yesu Kilisito, wuwuce muli yuyo.” Nalyo licisi likawa kuwuka lwa kamonga.

Luka 9:42

Ale lono yuyo mwana yazaga kuli Yesu, licisi likamugwisa hasi. Ninga Yesu yakalitacila licisi lyavu, yakamuponya mwana, yakamupela sogwe.

Maluko 9:15

Lo lulolulo ilipuga lililya lye wanhu lyaza kumuwona Yesu, wose wakezina muno, wakamumanyhilila wamulamuse.

Matayo 17:18

Waza kumuleta, Yesu yakalitacila lilyo licisi, nalyo likawa kuwuka, no mwana yuyo, yakapona mwidaha lilyo du.

Yuda 1:9

Hamba na Mikayeli Malayika u muwaha, si yanoza zono zinha zizo. Na muwiwanganile wawo u mwene na Setani lono wewanganilaga zo muwili wa Musa, Mikayeli si yejelela ho yamuhose Setani na nhovu, langa yamanya kutya du, “U Muwaha mweneco yakukalipilaje.”

Luka 11:14

Mwizuwa linji Yesu yalavyaga icisi lyono lyali limunozize munhu yumonga kuwa yali cibwibwi. Kukawa licisi lyaza kulawa, munhu yuyo yakawa kulonga; ne mapuga ge wanhu wakezina.

Luka 8:29

Hambi nha yalilajiliza licisi lilawanize muli munhu. Hambi nha lyamwibataga kenji. Hamba yiwe wanhu wamuwikaga mugati no kumuwopa ne vyuma; ninga yavidumulaga viwopelo kali kenji, ne licisi lilyo lyamuwinjilaga ku nyika.

Luka 4:41

Ne macisi gakalawa muli wenji, gakubalaluka, gakutya, “Yo gwegwe Mwana wo Mulungu.” Ninga Yesu yakagatacila, hamba si yagaleka galonje, hambi nha gali gamumanyile vyono yo Kilisito.

Luka 4:35

Ninga Yesu yakalitacila yakutya, “Nyamale, uwuce muli munhu yuyo.” Ne licisi lyaza kumubamiliza hasi, haciligati yawo, likawa kuwuka muli munhu yuyo, hamba kumutamisa yaye.

Matayo 12:22

Baho i wanhu wakamuletela u munhu yunji mono yali yali cibofu kanyhi yali cibwibwi, ku soko vyono yali yebatwe ne licisi. Yesu yakawa kumuponya, nayo yakasuma kulonga no kuwona kanyhi.

Maluko 9:24

Baho, usogo yo mwana yakalila neʼzi iwaha, yakutya, “Nihuwiye! Ninga uwihuwilo wangu wanjiye, wunhazaje.”

Maluko 9:26

Baho licisi lilyo likazoza, likamugwisa umwana yuyo hasi, hanyuma ho likawa kulawila muli mwene. No mwana yakawa nha yafwiye, sunga na wanji wakatya, “Yakondya kufwa!”