Maluko 8:34 - I CILAGANE CIPYA 1991

³⁴ Hanyuma Yesu yakalicema i lipuga lye wanhu, hamonga ne wejizwa wakwe, yakawatya, “Hono munhu wo wose yasace yawe mutyatyi wangu ale, yimunojeye yekapise mweneco, yawudinghule umusalaba wakwe.

Luganuzi Luswanu Kuli Wanhu Wose 2002

³⁴ Hanyuma Yesu yakalicema i lipuga lye wanhu, hamonga ne wejizwa wakwe, yakawatya, “Hono munhu wo wose yasace yawe mutyatyi wangu, yimunojeye yekapise mweneco, yawudinghule umusalaba wakwe.

Maluko 8:34 Referans Kwoze

Matayo 10:38

No munhu mono si yakuwudinghula u musalaba wakwe, no kunhyatya, yuyo nayo hamba si yanghwiliye yaye.

Yohana 10:27

Izingholo zangu zikuwa kulihulika ilizi lyangu, nane nizimanyile, nazo zinhyatyaga.

Wagalatiya 5:24

I wakwe Kilisito, wakondya kuwuwulaga u wuwe wawo we ciyinze-yinze hamonga ne mahweso gayo i mabi ne masulumizi gayo.

Wagalatiya 2:20

ninga nghuwumipa, ninga yo si nene kanyhi, langa Kilisito yo yakuwumipa muli nene. No wumi wuwu wono nina nawo lulu, nghuwumipila u wihuwilo, u wihuwilo wa muli Mwana wo Mulungu mono yanyenda sunga yakelavya wumi wakwe ku soko yangu.

1 Yohana 3:16

Ase cakondya kuwumanya wendo vyono co cici, hambi Kilisito nha yelavya u wumi wakwe ku soko yetu. Holeka nase yicinojeye ciwulavye u wumi wetu ku soko ye wandugu zetu.

Matayo 16:24

Hanyuma Yesu yakawalonjela i wejizwa wakwe, yakawatya, “Hono munhu wo wose yasace kuwa mutyatyi wangu, yimunojeye yekapise mweneco, yawudinghule u musalaba wakwe, yanhyatye.

Wafilipi 3:10

Nane cono nghuhila, ho nimumanye u mwene Kilisito, kanyhi nivimanye ne vilungo vyo wuzuce wakwe, no kuhanga i magayo gakwe, no kwihwana nayo,

Walumi 8:17

Holeka vyono ase cili wana wo Mulungu, ale cawubocela uwumoti wose wo Mulungu wono yawawiciye iwanhu wakwe, kanyhi cohanga uwuhazi wuwo hamonga na Kilisito, hambi hono cihanje uwugaye wakwe Kilisito, cohanga kanyhi no lukumyo lwakwe.

Luka 9:23

Hanyuma yakawalonjela wanhu wose, “Yunji wowose hono yahile kuza munyuma yangu, yimunojeye yekapise mweneco, yadinghule musalaba wakwe vilo vyose, yanhyatye.

Wakolosayi 3:5

Holeka muwuwulajilaje lukulu u wusulumizi wa mononze wono wukali wuli muli nyenye, nha kotya, wusenyha, wavu, wumala-nyinji, wuhile wubi, wusulumizi, wo wuhemba vihwani.

Wafilipi 3:7

Ninga muli zizo zose zono nali kwihwesa vyono zo ze cambuzi, nghaziwona vyono kumbe wambuce du, ku soko ya Kilisito.

1 Petelo 4:1

Ku soko lu vyono Kilisito yagazicila mu muwili, holeka nanye yimunojelenyi mwisikamizizye mu wuhile wakwe wuwo, hambi mono yakugazicila mu muwili, nha vyakondya kwileka no wubi.

Wagalatiya 6:14

Ninga ane si nokwilumbila muli cinji co cose, hono si mu musalaba wo Muwaha wetu Yesu Kilisito langa, ku soko mu nzila yo musalaba wuwo, yiyo yinze yikawulagwa kuli nene, nane nghawulagwa kuli yinze.

1 Wakolinto 15:31

Nye wandugu zangu ane no muyenyu cidomile ne lifwa nhondo zose! U lukumyo lono nina nalo ku soko yo wilunza wenyu na Kilisito Yesu u Muwaha wetu, yiyo yo yikuleka nghuyanza nghani yiyi.

Walumi 6:6

Cimanyile vyono, u munhu wetu muhuma vyatumbikanwa hamonga na Kilisito, u muwili wo wubi ho wuhodangwe, ho cilece kuwa kanyhi wawanda wo wubi.

Luka 14:33

Yesu ho yakawa malila yakutya, “Ale nha vivyo na muli nyenye, mono si yakuleka vyose vyono yena navyo, sikosuma kuwa mwijizwa wangu.”

2 Petelo 1:14

Hambi nha manyile vyono naza behi kuwuwika mu citenjelo umuwili wangu wuwu wono wufwizaga, nha vyono u Muwaha yanonjela calinze.

1 Petelo 4:13

Langa musangalale vyono mukuhanga imagazo ga Kilisito, ho musume kuwa na nyemo mbaha muno muno mwidaha lono ulukumyo lwakwe lukugubulwa.

Tito 2:12

Ne Uhewa Hiyo likucijiza ciwulekaje wavu wose no wusulumizi wose wa mononze, ciweze no wiyimizi, ho cikale mu mikalile ye lingʼani yo kumogopa u Mulungu mono yinze yiyi ya lulu,

Wakolosayi 1:24

Alu nghusecelela mu matamiso gangu so nyenye, hambi nha ku soko ye magayo gangu ga baha hono yinze, nghumemeleza cono cali cicepuce mu magayo ga Kilisito ku soko yo muwili wakwe, likanisa.

Metumo ge Watumwa 14:22

Wakawasinyhimika zinhumbula i wejizwa, no kuwasikamya wekalaje mu wihuwilo. Wakawalonjela wakutya, “Yicinojeye ase wose kukolela mu magayo menji, mu winjile mu wutemi wo Mulungu.”

Luka 18:22

Nayo Yesu yaza kuzihulika zizo, yakamutya, “Wukali wanjiye nghani monga du; uguze vyose vyono wina navyo, ukawagawile waciwa, nagwe kowa na sawo kuwulanga; hanyuma ho wuze unhyatye.”

Luka 13:24

Yesu yakawatya, Muhidimbale kwinjila mu mulango mufinyu, hambi nha nghumulonjelenyi mbeka, vyono wenji wojela kwinjila, ninga si wosuma.

Matayo 27:32

Nawo lono wabitaga wakamwagana munhu yunji mono yakucemwa Simoni munya ku Kulene, ale, wakamudindimiza yuyo ho yawudinghule u musalaba wa Yesu.

Wugubule 2:10

Ninga agwe wulece kuzogopa azilya zono zokuziza no kukutajila sunga na mu wugaye. Wuhulicize! Setani yakuhila yamujelenyi ko kuwalajila wanji wayenyu mu jela, nanye motuga magayo mu vilo ikumi. Holeka, mwene muli wehuwilwa kuliʼne, sunga ko ku wufwe, nane nomupelenyi wumi, co cihumbilizwa cenyu co wusume wenyu.

Wahebelaniya 13:13

Ale nase cimubitile kuko kunze ye nghambi, akuno cidinghuye u wumondwe wakwe.

2 Watesalonike 3:11

Cikuzilonga zizo vyono cihulika vyono muli nyenye mo wali wanji wayenyu wadoba kanyhi wono si wendile kwituma mulimo wo wose, langa wene wendile kwiyinjiza du mu zinghani za wanhu wanji.

1 Wakolinto 9:19

Holeka hamba ane niwe si nili muwanda wa munhu wo wose, ninga nenoza ho niwe muwanda wa wanhu wose, ho sume kumutujila Kilisito wanhu wenji nha vyono yosumika.

1 Wakolinto 8:13

Holeka hono ndigwa yiwe yikuwa kumuletela ndugu yangu wugwe, hodu sinolila lukulu nyama, ho ndece kumugwisiza ndugu yangu mu wubi.

Yohana 19:17

Nayo Yesu yakalawila akuno yedinghuliye u Musalaba wakwe, sunga hanhu hono hatezagwa, “Hacipala,” (ku Cihebelaniya, hatezagwa, “Goligota.”)

Luka 20:45

Ne wanhu wose lono wali wamuhulicize, Yesu yakawalonjela wejizwa, wakwe ha mwande ye wanhu wose,

Maluko 10:21

Nayo Yesu yakamulanga, yakamwenda, yakamutya, “Alu wukusakwa witume nghani monga du, nayo yoyi, wubite wukaguze ivinhu vyose vyono wina navyo, ukawapele waciwa, nagwe kowa na sawo ku wulanga, hanyuma ho wuze wunhyatye.”

Maluko 7:14

Yesu kanyhi yakalicema i lipuga lye wanhu, yakalilonjela yakutya, “Muhulicizaje wose, kanyhi mwizuce.