Maluko 8:2 - I CILAGANE CIPYA 1991

² “Nghuwawonela lusungu wanhu wawa, hambi nha cekalana nane vilo vidatu, nawo wasina cinji co kulya.

Luganuzi Luswanu Kuli Wanhu Wose 2002

² “Nghuwawonela lusungu wanhu wawa, hambi nha cekalana nane vilo vidatu, nawo wasina cinji co kulya.

Maluko 8:2 Referans Kwoze

Matayo 9:36

Yaza kuwawona iwanhu mapuga na mapuga, yakawawonela lusungu muno, ku soko wali wakataye muno, akuno wehweleye kotya zingholo zono zisina mudimi.

Wahebelaniya 5:2

Na vyono u mwene nayo yali mu wusocele, holeka kosuma kuwawonela u lusungu wono si wamanyile cinji ne wasutyi.

Wahebelaniya 4:15

Nayo yuyu u Mukohani wetu Muwaha si yenha mono si kosuma kuhanga nase mu wusocele wetu, langa u mwene yo Mukohani Muwaha mono yajelwa nha sese muli zose, ninga si yetuma wubi.

Luka 15:20

Ale, yakawa kwanza u muhinzo wo kuwuya kuli sogwe. Nayo lono yali yakali kutali, u sogwe yakamuwona, yakamuwonela lusungu, yakamumanyhilila, yakamulamusa kwa kumukumbatila, no kumunonela muno.

Luka 7:13

No Muwaha yaza kumuwona mucekulu yuyo, yakamuwonela lusungu, yakamutya, “Ulece kulila.”

Maluko 9:22

Na kali kenji licisi lilyo, limugwisizaga mu moto na mu malenga, ho limongomezeze lukulu. Ale, holeka hono wusume, wuciwonele lusungu no kucitaza.”

Maluko 6:34

Nawo wazakutima hasi ye ngalawa, Yesu yakagawona i mapuga mawaha ge wanhu, yakawawonela lusungu, hambi nha wali wenha zingholo zono zisina mudimi. Nayo yakanza kuwejiza nghani nyinji.

Maluko 5:19

Ninga Yesu siyamuvumila. Langa yakamutya, “Ubite ku kaya yako, ku wanduguzo, ukawalonjele zimbaha zose zono u Muwaha yakutendeye na vyono yakuwoneye lusungu.”

Maluko 1:41

Yesu yakamuwonela lusungu, yakagolola muwoko wakwe, yakamupamiza yakamutya, “Nyendile, wukwemwe!”

Matayo 20:34

Nayo Yesu yakawawonela lusungu, yakawapamiza imeso gawo, na ho baho baho du wakawa kuwona kanyhi, wakamutyatya.

Matayo 14:14

Nayo yaza kutima kwi sangha, yakawona i lipuga iwaha lye wanhu, baho yakawawonela lusungu, yakawaponya i watamwa wawo.

Wahebelaniya 2:17

Holeka yali yimunojeye yehwane wanduguze muli zose ho yawe Mukohani wawo Muwaha, mono yali lusungu kanyhi mwihuwilwa muli zose zono zibitile kuli Mulungu, ho wubi we wanhu wunenelwe.

Maluko 6:32

Wakawuka weneco wali wene mu ngalawa, wakabita hanhu hono hasina wanhu.

Maluko 8:3

Nane hono niwakombole wabite kwawo akuno wadabuce, wozilika mu nzila, hambi wayawo wanji nha walawa kutali.”