Maluko 7:5 - I CILAGANE CIPYA 1991

⁵ Holeka Iwafalisayo ne wejizi wo Wulajilize wakamuwuza Yesu, wakutya, “Alu so cici Iwejizwa wako siwakuyicelelela imyoto yono cayibocela kulawa ku wasetu, langa wene walizaga zindigwa ne miwoko yono yitipiye?”

Luganuzi Luswanu Kuli Wanhu Wose 2002

⁵ Holeka Iwafalisayo ne wejizi wo Wulajilize wakamuwuza Yesu, wakutya, “Alu so cici wejizwa wako siwakuyicelelela imyoto yono cayibocela kulawa ku wakuku zetu, langa wene walizaga zindigwa ne miwoko yono yitipiye?”

Maluko 7:5 Referans Kwoze

2 Watesalonike 3:6

Nye wandugu zangu, cikumulajilizizenyi mwitagwa lyo Muwaha wetu Yesu Kilisito, mwilegaje na we zindugu wose wadoba na wono kanyhi si wakugatyatya malajilizo gono cawapela.

Metumo ge Watumwa 21:21

Nawo walonjelwa i zako, nha vyono wali kuwejiza i Wayahudi wono wekaye mu Makungugo ganji, walece kuwucelelela Wulajilize wa Musa, ukutya, walece kuwagotola wana hamba kutyatya myoto ye Wayahudi.

Wagalatiya 1:14

Heya, sunga nghawaciza wenji wanyawusi wayangu we lizika lyangu mu wibata yiyo dini ye Ciyahudi, nane kanyhi nghasimbilila muno muno mu wibate myoto ye wasogo zetu.

Metumo ge Watumwa 21:24

uwasole wawo mubitane ku wuhembi wo wezwe, no kuwalipila, wacete mu mitwe yawo, holeka wanhu wose womanya vyono, zono walonjelwa za muli gwegwe zisina imbeka, langa vyono agwe go mweneco wukali wibate Wulajilize wa Musa.

Matayo 15:2

“Alu nhawule i wejizwa wako si wakwibata ze mejizo gono cabocela kuwulawa ku wawaha we katali? Ku soko si wakwizuguza miwoko yawo nha vyono yinojeye lono wakali si namula kulya?”

Walumi 4:12

Nha vivyo kanyhi u mwene, yo sogo wa wose wono walame, ninga si vyono walame du, langa vyono wakuyityatya inzila yiyilya yo wihuwilo, yono no Sogo yetu Abulahamu yayityatya lono yali yakali si nalama.

2 Watesalonike 3:11

Cikuzilonga zizo vyono cihulika vyono muli nyenye mo wali wanji wayenyu wadoba kanyhi wono si wendile kwituma mulimo wo wose, langa wene wendile kwiyinjiza du mu zinghani za wanhu wanji.

Maluko 7:8

“Anye mukulileka lilajilizo lya Mulungu no kwibata imalajilizo ge wanhu.”

Maluko 7:9

Nayo Yesu yakajendelela kutya, “Anye nha mumanyile kwilega ko wusugu ililajilizo lyo Mulungu, ho muyityatye imyoto yenyu!

Maluko 7:13

Holeka nha vivyo vyo mukuyibedegala inghani yo Mulungu so imejizo genyu gono mukwibocezana. Kanyhi mukwituma makani ganji menji gono genha gago.”