Maluko 2:13 - I CILAGANE CIPYA 1991

¹³ Yesu yakabita kanyhi ku nhumbi ye lilenga. Lipuga lye wanhu likamuziza, nayo yakanza kuwejiza.

Luganuzi Luswanu Kuli Wanhu Wose 2002

¹³ Yesu yakabita kanyhi ku nhumbi ye lilamba. Lipuga lye wanhu likamuziza, nayo yakanza kuwejiza.

Maluko 2:13 Referans Kwoze

Maluko 4:1

Yesu yakanza kwijiza kanyhi akuno yali ha nhumbi ye lilenga. Ne lipuga yiwaha lye wanhu likamupilima sunga yikawa yimunojeye mwene yenjile mu ngalawa no kwikala mwilenga. I wanhu wakawa wekaye muʼsi nghavu, ha nhumbi ye lilenga.

Luka 21:38

Ne wanhu wose welawilaga ku Nyumba yo Mulungu wamuhulicize.

Luka 19:48

ninga si wayiwona nzila yo kunozeza zizo. Hambi wanhu wose nha wali wamumemeleye, wakumuhuliciza muno.

Maluko 2:2

Ale, wakaza wanhu wenji muno, wakamema, sunga na ha mulango hakawa hasina hamba cilejeho. Nayo Yesu yakawaganulila inghani yakwe,

Maluko 1:45

Ninga munhu yuyo yakabita yakanza kuyitandaza inghani yiyo hanhu hose, no kulonga nghani nyinji, sunga na Yesu si yasuma kwinjila mwikaya lyo lyose ciwonelela. Ne nghani yiyo yikamunoza yekale kunze ihanhu ha cilejeho hono hasina wanhu. Ninga hamba nhavivyo, wakamubitila iwanhu wakulawa mbavu zose.

Matayo 13:1

Yesu yakawuka mu nyumba yiyo mwizuwa lilyo du, yakawa kubita ku nhumbi ye lilenga, yakekala hasi yakawa kwanza kuwejiza wanhu.

Matayo 9:9

Yesu yakawuka kuko, na lono yajendaga mu nzila yakamuwona munhu yunji mono kacemagwa itagwa lyakwe, Matayo, yali yekaye mu hofisi yakwe yo wutowezezo we kodi. Yesu yakamutya, “Wunhyatye.” Nayo Matayo yakenuka yakamutyatya.

Maluko 10:1

Nayo Yesu yakawuka baho, yakabita ku yisi ya Yudiya sunga ko ku nhumbi nzagwe ye likolongo lya Yoludani. Ilipuga lye wanhu likamuziza kanyhi, nayo yakawejiza kanyhi nha vyono yali yazoweye.