Maluko 16:18 - I CILAGANE CIPYA 1991

¹⁸ Na hono webate nzoka, hamba kungʼwa cinji co cose cono cina sumu, sicowatamisa yaye.” Kanyhi wowawicila miwoko yawo i watamwa, nawo watamwa wopona.

Luganuzi Luswanu Kuli Wanhu Wose 2002

¹⁸ Na hono webate nzoka, hamba kung'wa cinji co cose cono cina sumu, sicowatamisa yaye.” Kanyhi wowawicila miwoko yawo i watamwa, nawo watamwa wopona.

Maluko 16:18 Referans Kwoze

Luka 10:19

Alenyi, nimupelenyi nyenye u wulajilize wo kukanyaga zinzoka ne zinje, no Wulajilize wa muli vilungo vyose vya ayulya mulugu hamba hasina cinji co cose cono comutamisenyi.

Metumo ge Watumwa 19:12

Iwanhu wasolaga vitambala, ne myenda yinji ye milimo yono Pawulo yetumamilaga, wakawategulila watamwa, nawo watamwa wakaponywa zinhamwa zawo, na wono wali wena macisi mavu, gakalawa.

Metumo ge Watumwa 4:30

Ugolole muwoko wako no kuwaponya wanhu. Mapoto ne mezino, ganozezwe mwitagwa lyo Mwitumami wako mono yelile, Yesu.”

Metumo ge Watumwa 3:16

Litagwa lya Yesu, no wihuwilo wa mwitagwa lilyo, vyo vimupelile vilungo munhu ayu mono mukumuwona, no kumumanya, wihuwilo wa muli Yesu, wo wumuponezye lukulu munhu yuyu nha vyono mukuwona wose.

Metumo ge Watumwa 9:34

Petelo yakamutya “Ayineya, Yesu Kilisito yakukuponya. Winuce witandicile citanda cako.” Ayineya yakenuka lo lulo baho.

Metumo ge Watumwa 3:12

Na Petelo yaza wawona wanhu wawo, yakawapitucila yakawatya, “Nye mo wa Isilayeli, so cici mukucilanga sese, mukutya mba, mu vilungo vyetu, lunji mu wuswanu wetu, holeka cimunozize yuyu yajende?

Maluko 5:23

yakumunena muno yakutya, “Umuhinza wangu mudodo yatamigwe, yali behi no kufwa. Cibite nghukunena, wukamuwicile miwoko yako, ho yapone no kuwumipa!”

Walumi 16:20

Nayo u Mulungu mono yo mwamulizo wo mulamu, sikocela kumuponda Setani hasi ye migulu yenyu. Ilihewa lyo Mutwa wetu Yesu Kilisito, liwezane nanye.

1 Wakolinto 12:9

Kanyhi u Muhe yuyo alu, kamupelaga yunji wihuwilo, na yunji kamupelaga cipegwa co kuponya,

Metumo ge Watumwa 4:10

Ale, yimanyice kwenyu wose, na kuli wanhu wose wa Isilayeli, vyono, mwitagwa lya Yesu Kilisito wa Nazaleti, mono mwamutumbika nyenye, mono Mulungu yamuzukula muli wafu, mwitagwa lilyo, yuyu holeka yemile baha hali nyenye mutelevu.

Metumo ge Watumwa 4:22

Nayo u munhu yuyo mono yaponywa nha yali yaficile myaka makumi mane no musapu.