Maluko 16:16 - I CILAGANE CIPYA 1991

¹⁶ Na yuyo mono kokwihuwila no kubaputizwa yo koponywa. Na yuyo mono si kokwihuwila yo kololingʼanizwa.

Luganuzi Luswanu Kuli Wanhu Wose 2002

¹⁶ Na yuyo mono kokwihuwila no kubaputizwa yo koponywa. Na yuyo mono si kokwihuwila yo kololing'anizwa.

Maluko 16:16 Referans Kwoze

Yohana 3:36

Mono yamwihuwiye u Mwana wo Mulungu, yena wumi we cibitilila; ninga mono si yakumuhulika u Mwana wo Mulungu, si kowa no wumi, langa; wulipicizwe wo Mulungu wo kwikala muli mwene.

Metumo ge Watumwa 2:38

Petelo yakawatya, “Nenenyi no kubaputizwa wose, mwitagwa lya Yesu Kilisito, ho mutuje wunenelwe wo wubi wenyu; no kubocela acilya icipegwa co Muhe Mono Yelile.

Yohana 5:24

“Mbeka nghumutyenyi, Mono yakuyihulika i nghani yangu, no kumwihuwila mono yanhuma, yena wumi we cibitilila. Hamba si kolingʼanizwa ngʼo langa yakondya kuwuka mwifwa, yenjila mu wumi.

Yohana 8:24

Holeka nimulonjelenyi vyono, molofwa no wubi wenyu. Kusoko hono mulece kwihuwila du vyono “Ane yo nene.” Molofwa no wubi wenyu.

Yohana 6:29

Yesu yakawapitula yakawatya, “Awu wo wuhile wono u Mulungu yakuhila muwitume, mumwihuwile mono yatumwa no Mwene.”

Yohana 3:5

Yesu yakamutya, “Mbeka nghukulonjela, munhu hono yalece kulelwa kwe malenga no Muhe, sikokwinjilila lukulu mu wutemi wo Mulungu.

Metumo ge Watumwa 10:43

Sunga ne wawizi wose walonga zo Mwene, vyono munhu wo wose mono komwihuwila, kopegwa wunenelwe wo wubi wakwe mwitagwa lyakwe.”

Yohana 20:31

Ninga azino zandikwa, ho mwihuwile vyono Yesu yo Kilisito, u Mwana wo Mulungu, na mu wihuwilo wenyu wuwo ho mutuje wumi muli mwene.

Wugubule 20:15

No munhu wo wose mono litagwa lyakwe si lyejela lyandikwe mu citabu co wumi, u munhu yuyo yagumilwa mwilamba lyo moto.

Yohana 6:35

Yesu yakawatya, “Ane yo nene ndigwa yo wumi. Mono yakuza kwangu, si kodabucila lukulu. Na mono yakwihuwila kuli nene, si kokalucila lukulu.”

1 Petelo 3:21

I lilenga lyono lyali yo hwani yo wubaputizo wono wukumuponyenyi nyenyeʼlu. Wubaputizo si nghani yo wuwusa makwe mu muwili, langa co cilagane kuli Mulungu cono cinozezagwa mu ciselinji ciswanu. Cikumuponyenyi mu nzila yo wuzuce wa Yesu Kilisito,

Maluko 1:15

“Icidaha cakwila, no wutemi wo Mulungu wasejelela. Nenenyi no kulwihuwila u Luganuzi Luswanu!”

Metumo ge Watumwa 22:16

Nhawule lu wukucela? Winukaje, wubaputizwe wuwusizwe lukulu uwubi wako, kuno wukulicemeleza ilitagwa lyo Muwaha.’

Yohana 6:40

Hambi cono yakusaka Baba nha coci, muli wose mono yakumuwona Mwana, no kumwihuwila, yawe no wumi we cibitilila, nane nolowazukula Mwizuwa lya ku ndumo.

1 Petelo 1:21

Na mu nzila yakwe, anye mukumwihuwilo Mulungu mono yamuzukula muli wafu no kumupela lukumyo, holeka uwihuwilo no witumbilo wenyu wuli kuli Mulungu.

Metumo ge Watumwa 2:41

Wenji mwizuwa lilyo, wakayibocela nghani yakwe, no kubaputizwa. Wakonjelezeka wanhu nha elufu yidatu wono wehuwila.

Luka 8:12

Zono zalagala mu nzila, zikulajila iwanhu wono wakuyihulika nghani hanyuma Setani yakuza yakuyiwusa yiyo nghani mu zinhumbula zawo, ho walece kwihuwila no kupona.

Matayo 28:19

Holeka, alu, mubite, mukawanoze i wanhu we makungugo gose, wawe watyatyi wangu, muwabaputizizaje mwitagwa lyo Sogo yo Munhu na lyo Mwana, na lyo Muhe Mono Yelile.

Wugubule 21:8

Ninga i wanhu woga, na wono si wehuwiye, na wono wena metumo ge cikomaza, ne wawulaji, ne wasenyha, ne wahawi, na wono wakuhemba vihwani, sunga ne walambi wose, awo wose lifungu lyawo mugati ye lilamba lyono likwaka moto ne cibiliti, alyo lyeʼfwa lye kejete.”

Metumo ge Watumwa 13:39

na vyono munhu wo wose mono yakumwihuwila Yesu, yakunenelwa zose zono si mosuma kunenelwa mu nzila yo Wulajilize wa Musa.

Walumi 4:24

Ne nghani yiyi yili na kuli sese nha vivyo mono camwihuwila u Mulungu mono yamuzukula Yesu, u Mutwa wetu, muli wafu.

2 Watesalonike 2:12

Ne ndumilizo yayo ho yiwe, wose wono si wakuyihuwila i mbeka, langa wakwiyendeza no wubi wolingʼanizwa.

2 Watesalonike 1:8

hamonga ne malambi go moto, ho yawalipicize wawalya wose wono wakumulema u Mulungu, na wawalya wono si wakuluhulika u Luganuzi Luswanu lo Muwaha wetu Yesu.

Metumo ge Watumwa 13:46

Ninga hamba nha vivyo, Pawulo na Balanaba, wakalonga muno akuno wasina woga, wakatya, “Vyo yali yinojeye Inghani yo Mulungu yamule yimuficilenyi nyenye. Ninga vyono muyikumhiye kutali, no kwiwona vyono wumi we cibitilila si wukumunojelenyi nyenye, ale, ceza kumulecenyi, no kuwabitila wanhu we makungugo ganji.

Walumi 3:6

Hamba hadodo! Yali yiwe yili nhavivyo, u Mulungu yali yasume nhawule kuyilingʼaniza yinze?