Luka 9:59 - I CILAGANE CIPYA 1991

⁵⁹ Hanyuma, yakamutya yunji, “Wunhyatye.” Ninga yuyo yakatya, “Muwaha, unghombole namule mbite nghamuzice sogo yangu.”

Luganuzi Luswanu Kuli Wanhu Wose 2002

⁵⁹ Hanyuma, yakamutya yunji, “Wunhyatye.” Ninga yuyo yakatya, “Muwaha, wunghombole namule mbite nghamuzice sogo yangu.”

Luka 9:59 Referans Kwoze

Matayo 16:24

Hanyuma Yesu yakawalonjela i wejizwa wakwe, yakawatya, “Hono munhu wo wose yasace kuwa mutyatyi wangu, yimunojeye yekapise mweneco, yawudinghule u musalaba wakwe, yanhyatye.

Matayo 6:33

Ninga hamonga na zizo zose, mwamule kuwulondola u Wutemi wo Mulungu, na zose zono u Mulungu yakuzihila, holeka na zizo zose mokonjelezwa.

Matayo 9:9

Yesu yakawuka kuko, na lono yajendaga mu nzila yakamuwona munhu yunji mono kacemagwa itagwa lyakwe, Matayo, yali yekaye mu hofisi yakwe yo wutowezezo we kodi. Yesu yakamutya, “Wunhyatye.” Nayo Matayo yakenuka yakamutyatya.

Luka 9:60

Yesu yakamutya, “Wuwalekaje wafu wazice wafu wawo; langa agwe ubite ukanze kuganula zo wutemi wo Mulungu.”