Luka 8:28 - I CILAGANE CIPYA 1991

²⁸ Yaza kumuwona Yesu, yakazoza, yakagwa hali mwene, yakabalaluka na lizi yiwaha yakatya, “Alo wina nghanici nase, Yesu go Mwana wo Mulungu Mono Yalawiliciye Muli Vyose? Nghukunena wulece kungaza”

Luganuzi Luswanu Kuli Wanhu Wose 2002

²⁸ Yaza kumuwona Yesu, yakazoza, yakagwa hali mwene, yakabalaluka na lizi yiwaha yakatya, “Alo wina nghanici nase, Yesu go Mwana wo Mulungu Mono Yalawiliciye Muli Vyose? Nghukunena wulece kungaza.”

Luka 8:28 Referans Kwoze

Matayo 8:29

Nawo wakawa kwanza kuzoza wakutya, “Alo cina nghanici nagwe go Mwana wo Mulungu? Alo kuza akuno ho wucigaze na lono icidaha cikali si nafika?”

2 Petelo 2:4

Na lono wamalayika wetumila u wubi, u Mulungu na langa yakawataga mu moto we Gehena, mono wafunjigwe walindiye Lizuwa lililya lyo wulingʼanizwe.

Wugubule 20:10

Na Setani mono yawakongaga, nayo yakagumilwa mwilamba lyono likwako moto we cibiliti, mumo mono molili alilya lilimu hamonga no muwizi wo wulambi, nawo wowa kugazwa misi ne cilo, cibitilila ne cibitilila.

1 Yohana 3:8

Ninga mono yakwituma wubi, yuyo yo wa Setani, hambi Setani nha ketumaga zo wubi ku wulawa mwamulizo. Ninga u Mwana wo Mulungu yakaza mononze ho yayihodanje i milimo ya Setani.

Yakobo 2:19

Ma, agwe ukwihuwila vyono Mulungu yo yumonga? Viswanu! Ninga hamba ne macisi nago gehuwiye nha vivyo, na kuno gakucicima so woga.

Luka 8:27

Nayo Yesu yaza kutima muʼsi viketangʼanila na munhu monga mono yali yena macisi, yakulawa mwikaya, u munhu yuyo mu vilo vinji si yavwalaga myenda, hamba si yekalaga mu kaya, langa yekalaga mu vitenjelo.

Luka 8:29

Hambi nha yalilajiliza licisi lilawanize muli munhu. Hambi nha lyamwibataga kenji. Hamba yiwe wanhu wamuwikaga mugati no kumuwopa ne vyuma; ninga yavidumulaga viwopelo kali kenji, ne licisi lilyo lyamuwinjilaga ku nyika.