Luka 7:43 - I CILAGANE CIPYA 1991

⁴³ Simoni yakapitula yakatya, na lunji, yuyo mono yaneneywe nayo mugawa muwaha, yo komwenda muno yuyo munhu. Yesu yakamutya “Kulonga sawa.”

Luganuzi Luswanu Kuli Wanhu Wose 2002

⁴³ Simoni yakapitula yakatya, na lunji, yuyo mono yaneneywe nayo mugawa muwaha, yo komwenda muno munhu yuyo. Yesu yakamutya “Kulonga mbeka.”

Luka 7:43 Referans Kwoze

Luka 10:38

Ale lono wajendaga, wakenjila mu citumbi cinji, na mucekulu yunji itagwa lyakwe Malita yakawabocela ku nyumba yakwe.

Luka 7:47

Holeka nghukutya, wendo wakwe wukulajila vyono, hamba yawe yali yena wubi winji, kanenelwa. Ninga wowose mono kanenelagwa nghani ndodo yo kendaga hadodo.”

Maluko 12:34

Nayo Yesu yaza kuwona vyono umunhu yuyu yamupituye kwe mahala, hodu yakamutya, “Agwe si wuli kutali no wutemi wo Mulungu.” Hanyuma ya zizo hasina munhu mono yejelela kanyhi kumuwuza cinji.

Matayo 18:27

Ayulya u muwaha wakwe nayo yakamuwonela lusungu, sunga yakawa kumunenela u mugawa wuwulya wose, hodu yakawa kumuleka yabite.

Luka 7:42

Waza kuwa wasina co kulipa, yuyo munhu yakawanenela wose vyono wejete. Ale, wa hayi muli wawa wejete mono kocila kumwenda yuyo munhu mono yawakopesa zipesa?”

Luka 7:44

Hanyuma yakamupitucilo mucekulu, no kumutya Simoni, “Kumuwona ta mucekulu yuyu? Ane ninjila mu nyumba yako, malenga go kuzuguza magulu gangu, si umheye ngʼo. Ninga mucekulu ayu, kasuluziza mahozi gakwe mu magulu gangu no kugapata kwe zimvili zakwe.