Luka 6:30 - I CILAGANE CIPYA 1991

³⁰ Muli wose mono yakukulomba cinji, umupelaje, na mono yakukusolela sawo yako, ulece kuyisaka yakugomolele.

Luganuzi Luswanu Kuli Wanhu Wose 2002

³⁰ Muli wose mono yakukulomba cinji, wumupelaje, na mono yakukusolela sawo yako, wulece kuyisaka yakugomolele.

Luka 6:30 Referans Kwoze

2 Wakolinto 8:9

Hambi anye nha mulimanyile lihewa lyo Mutwa wetu Yesu Kilisito, nha vyono mwene hamba yawe yali yakwizize vyose, ninga yakenoza nha muciwa ku soko yenyu, anye ho mugolipile mu wuciwa wakwe.

Metumo ge Watumwa 20:35

Muli zose, namupelenyi nzila yo kwiga, kotya, mu wituma nha vivi ko wuhidimbazi, yicinojele ciwataze wono wasina vilungo, no kukumbucila, zinghani zo Muwaha Yesu zono yatya mweneco, ‘Ciba kulavya, ko yili nyemo, si nho kupegwa.’ ”

Matayo 6:12

Wucinenelaje imasutya getu, nha vyono nase ciwanenelaga wono wacisutizyaga.

Luka 18:22

Nayo Yesu yaza kuzihulika zizo, yakamutya, “Wukali wanjiye nghani monga du; uguze vyose vyono wina navyo, ukawagawile waciwa, nagwe kowa na sawo kuwulanga; hanyuma ho wuze unhyatye.”

Luka 12:33

Muguze zisawo zenyu zose zono mwina nazo, muwapele i zipesa waciwa, mwinozeze mifuko yono si yisakalaga, mwiwicile sawo ya ku wulanga kono si yilacepuka. Kono si kasejelelaga muhizi, hamba makuni si gahodangaga.

Luka 11:41

Muwapelaje waciwa vinhu vyono vili mugati; na vinji vyose vyowa vili lingʼani kuliʼnye.”

Luka 6:38

Wapelenyi wanji vyono wakusaka, nanye molopegwa, Heya molobocela mu miwoko yenyu cipimo ciswanu cisindilwe, cisinjisizwe, cono cimemeleceye, no kumwajika. Hambi nha mu cipimo cicilya du cono mwitumamilaga kuli wanji, co cico du cono Mulungu nayo kolomujelelenyi na nyenye.”

Matayo 18:35

Ale, no Sogo yangu wa ku wulanga nayo, komutendelenyi nha vivyo nanye, hono mulece kwiyinenela munhu na nduguye kwe mitima yenyu yose.”

Waefeso 4:28

Mono yali muhizi, yalece kuhiza kanyhi, langa yanze kwituma i milimo miswanu kwe miwoko yakwe, ho yatuje cinhu co kumutuziza u muciwa.

Matayo 5:39

Ninga ane nghumutyenyi, wulece kumulipiciza u munhu mubi. U munhu hono yakutowe kofi mu luzagasa lo kulume, ale wumupitusizaje no luzagasa luyagwe.

Luka 6:29

Munhu hono yakutowe mu luzagasa lumonga, umupitusize no luzagasa luyagwe; munhu hono yakuboce likoti lyako, umulecelaje ne shati yako.

Luka 6:31

Muwatendelaje wanhu wose, nha vyono anye mukusaka wene wamutendelenyi nyenye.