Luka 6:22 - I CILAGANE CIPYA 1991

²² “Muli wamoti nye, kolo wanhu wakumusulenyi, na kolo wakumusiwanulenyi, no kumulijenyi, no kuliviza litagwa lyenyu nha wetuma vibi, ku soko yo Mwana wo Munhu.

Luganuzi Luswanu Kuli Wanhu Wose 2002

²² “Muli wamoti 'nye, kolo wanhu wakumusulenyi, na kolo wakumusiwanulenyi, no kumulijenyi, no kuliviza litagwa lyenyu nha wetuma vibi, ku soko yo Mwana wo Munhu.

Luka 6:22 Referans Kwoze

Matayo 10:22

Ne wanhu wose wolomusulenyi nyenye, ku soko ye litagwa lyangu. Ninga mono kokangalila sunga ko ku ndumo yo kopona.

1 Petelo 3:14

Ninga, hamba yiwe yimunojelenyi kugazika ku soko yo wituma ziswanu, ale, mowa wamoti. Kanyhi mulece kumogopa munhu wo wose, hamba mulece kuvumila kwinjizwa mu mahwele.

Yohana 16:2

Wanhu wolowa kumuwinjenyi mu matangʼanilo gawo go wuhembelo. Kanyhi icidaha cikuza cono, muli wose mono kolomuwulajenyi anye, kowona nha yakumwitumamila u Mulungu.

Yohana 7:7

Sunga na wanhu wa mononze, si wosuma kumusulenyi anye, langa ane wasulile, kusoko nghuwalonjela, vyono i metumo gawo mabi.

Yohana 12:42

Hamba nhavivyo, iwalongola wenji we Wayahudi, wamwihuwila Yesu. Ninga si wasuma kumuvumila ciwonelela, vyono wawogopaga Iwafalisayo, ho walece kuwawinga mu nhangʼanilo yo wuhembelo.

Metumo ge Watumwa 24:5

Hambi nha camuwona ayu vyono yo munhu wa mbali muno, mwene yo muwusa wuma muli Wayahudi wose kononze kose na, kanyhi mwene yo mulongola mu mhuga ye Wanazalayo.

Metumo ge Watumwa 9:16

Nane no mweneco, nomulajila zi nyinji zono zimunojeye yagazwe ku soko ye litagwa lyangu.”

Yohana 17:14

Ane niwapela inghani yako, nawo we yinze wakawasula, hambi wene nha si we yinze, nha vyono ane nane si nili we yinze.

Luka 21:17

Ne wanhu wose womusulenyi ku soko ye litagwa lyangu.

Matayo 10:39

Nayo mono yakuwibatiliza u wumi wakwe, yo kowajiliza, langa mono yakuwajiliza u wumi wakwe ku soko yangu, yuyo langa kowutuga.

Metumo ge Watumwa 22:22

Iwanhu wakamuhuliciza Pawulo sunga yakayidumya nghani yiyi, hanyuma wakawa kwanza kuzoza wakutya, “Munhu mono yenha yuyu, mumuwuse mononze, mumuwulagaje, hambi u munhu we liwala lili, nha si yanojeye kuwumipa.”

Yohana 9:34

Nawo wakamupitula wakumutya, “Waco gwe, nha walelelwa mu wubi wose, alu ho kosuma nhawule kucijeza ase?” Hodu wakawa kumuwinjila kunze ye nhangʼanilo yo Wuhembelo.

Luka 20:15

Wakamulavyaniza mu mugunda we mizabibu wakamuwulaga. Yesu yakawawuza, “Alu u munya mugunda konoza nhawule kuli wawo walimi?

Matayo 10:18

Kanyhi motegulwa kuli wawaha ne watemi, kusoko yangu, ho musume kuluganula u Luganuzi Luswanu kuli wene na kuli makungugo.

Luka 6:21

“Muli wamoti nye mono muli nzala alu, hambi nha molokwigutywa. “Muli wamoti nye mono mukulila alu, hambi nha moloseka.

Yakobo 1:12

Mumoti munhu mono yakukangalila wujelwe, hambi kolo yeza yasuma nha kopegwa i cihumbilizwa co wumi cono Mulungu yawatemezezya wawalya wono wamwendile.