Luka 4:34 - I CILAGANE CIPYA 1991

³⁴ “Gwe Yesu wa Nazaleti, cina nghanici nagwe? Alo kuza ucongomeze? Nghumanyile gwegwe yo nani, yo Gwegwe Mono welile wo Mulungu.”

Luganuzi Luswanu Kuli Wanhu Wose 2002

³⁴ “Gwe Yesu wa Nazaleti, cina nghanici nagwe? Alo kuza wucongomeze? Nghumanyile gwegwe yo nani, yo Gwegwe Mono welile wo Mulungu.”

Luka 4:34 Referans Kwoze

Yakobo 2:19

Ma, agwe ukwihuwila vyono Mulungu yo yumonga? Viswanu! Ninga hamba ne macisi nago gehuwiye nha vivyo, na kuno gakucicima so woga.

Maluko 1:24

yakazoza, yakutya, “Alu wina nghanici nase, agwe Yesu wa Nazaleti? Alo kuza ho wucongomeze? Nghumanyile vyono wuli nani, yo gwegwe mono welile wo Mulungu!”

Matayo 8:29

Nawo wakawa kwanza kuzoza wakutya, “Alo cina nghanici nagwe go Mwana wo Mulungu? Alo kuza akuno ho wucigaze na lono icidaha cikali si nafika?”

Metumo ge Watumwa 3:14

Yali munhu muswanu na yali yelile. Ninga anye mwamulema, mukasaka munhu yunji mono yali muwulaji yo yawopolelwe.

Wugubule 3:7

“Kuli malayika we likanisa lya Filadelifiya wandice nhavi, “Ayi yo nghani yono yikulawa kuli mwene mono yelile kanyhi we mbeka, mono yena funguwo ya Dawudi, mono kawudigulaga, hamba hasina kanyhi munhu mono kosuma kudinda, mono kadindaga, hamba hasina kanyhi munhu mono kosuma kuwudigula.

Luka 4:41

Ne macisi gakalawa muli wenji, gakubalaluka, gakutya, “Yo gwegwe Mwana wo Mulungu.” Ninga Yesu yakagatacila, hamba si yagaleka galonje, hambi nha gali gamumanyile vyono yo Kilisito.

Luka 1:35

Malayika yakapitula yakamutya, “U Muhe mono yelile kokuziza, ne vilungo vyo Mulungu u Mudaha vyose vyokusiciliza. Holeka mwana mono kolela kocemwa Yelile, Mwana wo Mulungu.

Wugubule 20:2

Malayika yuyo yakalibata lizoka, alilya lizoka lye katali, yo Ibilisi, hamba Setani, yakawa kuliwopa myaka elufu monga.

1 Yohana 3:8

Ninga mono yakwituma wubi, yuyo yo wa Setani, hambi Setani nha ketumaga zo wubi ku wulawa mwamulizo. Ninga u Mwana wo Mulungu yakaza mononze ho yayihodanje i milimo ya Setani.

Wahebelaniya 2:14

Alu nha vyono yinha, i wana wawo nha vyono mwene yakuwacema, wo wanhu wono wena muwili ne sakami, nayo Yesu mweneco, yakawa nha vyono wenha wene, nayo yakasola i hwani yawo yakawa munhu. Yanoza nha vivyo, ho yiwe so wufwe wakwe, yamusumile lukulu Setani, mono yena i vilungo vye lifwa,

Metumo ge Watumwa 16:39

Wakaza wakawalomba wawanenele, nawo waza kuwalavyaniza kunze, wakawanena wawuce mwikaya lilyo.

Metumo ge Watumwa 4:27

“Kwaco mbeka, Helode na Pontiyo Pilato, wena ne Makungugo ne zimhuga za Isilayeli, nha wekongholela baha mu kaya yiyi ku soko yo mwitumami wako mono yelile, Yesu mono wamunoza yawe Kilisito.

Metumo ge Watumwa 2:27

Hambi nha si koyileka inhumbula yangu mu wuninyina, Hamba si komukombola Mono Yelile wako yawolele mu citenjelo.

Luka 8:37

Ne wanhu wose we yisi ya Wagelasene wakebatwa na woga wuwaha, holeka wakamunena Yesu yawuce, yabite. Nayo Yesu yakenjila mu ngalawa, yakawuka.

Luka 8:28

Yaza kumuwona Yesu, yakazoza, yakagwa hali mwene, yakabalaluka na lizi yiwaha yakatya, “Alo wina nghanici nase, Yesu go Mwana wo Mulungu Mono Yalawiliciye Muli Vyose? Nghukunena wulece kungaza”

Maluko 5:7

akuno yakulonga kweʼzi waha yakutya, “Gwe, Yesu, go Mwana wo Mulungu Mono yalawiliciye, alu wina nghanici nane? Mwitagwa lyo Mulungu, nghulomba ulece kungaza!”

Maluko 1:34

Nayo Yesu yakawaponya wanhu wenji wono wali wena wutamwa we hayo hayo, yakagalavya macisi menji, ninga siyagakombola galonje cinji, hambi nha gali gamumanyile vyono mwene yo nani.

Luka 4:33

Mumo mu nhangʼanilo yo wuhembelo mwali moyuli munhu mono yali yena muhe we licisi lyavu, yakabalaluka ne lizi iwaha, yakutya.