Luka 3:22 - I CILAGANE CIPYA 1991

²² no Muhe Mono Yelile yakamutimila, futa yakwe, yehwanile nziwa, izi likalawa ku wulanga likutya, “Agwe yo gwegwe Mwanangu mwendece, mono nyendezwe nagwe.”

Luganuzi Luswanu Kuli Wanhu Wose 2002

²² no Muhe Mono Yelile yakamutimila, futa yakwe, yehwanile nziwa, lizi likalawa ku wulanga likutya, “Agwe yo gwegwe Mwanangu mwendece, mono nyendezwe nagwe.”

Luka 3:22 Referans Kwoze

Yohana 1:32

Awu wo wuhomelezi wono Yohana yawulavya; “Nawona Muhe yakutima nha nziwa, yakulawa ku wulanga, yakamwikalila mwene.

Matayo 17:5

Nayo lono yali yakali kulonga nha vivyo du, livunde yizelu likawa kuwagubika, ne lizi likahulikwa likulawilila mwivunde lilyo, likutya, “Ayu yo Mwanangu, u mwendece wangu, mono nyendezwe nayo, holeka mumuhulikaje.”

Metumo ge Watumwa 10:38

Yo Yesu wa Nazaleti, mono mumumanyile vyono u Mulungu yamwitila Muhe Mono Yelile ne vilungo. U Mulungu yali yali hamonga nayo, umwene yakola ako na ako yakwituma viswanu, no kuwaponya wose wono wagazagwa na Setani.

Matayo 3:17

Ne lizi likalawa ku wulanga likutya, “Ayu yo Mwanangu u mwendece wangu, mono nendezwe nayo.”

1 Petelo 2:4

Ale, mubitilenyi Muwaha! Umwene lyo libwe lyumi lyono lyalemwa ne wanhu, ninga hali Mulungu, lyo libwe lyono lihaguywe, lyono lina wuguzi wukamu.

Matayo 12:18

“Langa ta, ayu yo mwitumami wangu mono nimuhaguye, u mwendece wangu, mono yakunyendeza mu nhumbula yangu. Nane nowuwika u Muhe wangu muli mwene, Nayo koganula ze ningʼaniza yangu kuli wanhu wose.

Wakolosayi 1:13

U Mwene yacikomboza mu wulawa mu vilungo vye citi, yakacileta cipolile mu wutemi wo Mwanagwe u mwendece,

Luka 4:21

Nayo yakamula kuwatya, “Izuwa lili nha vyono muhulice lwandiko lulu lukusomwa, lwakondya kufisilizwa.”

Matayo 27:43

Ale yali yamwitumbiye u Mulungu, akuno yakutya, ati u mwene yo Mwana wo Mulungu, ale ta, u Mulungu yamuponyaje, hono yawe yendezwe nayo.”

Matayo 3:13

Na mwipango lilyo, Yesu yakawuka ku Galilaya, yakabita kwikolongo lya Yoludani, yakamubitila Yohana ho Yohana yamubaputize.

Matayo 3:16

Nayo Yesu yaza kukondya du kubaputizwa, yakalawila mu malenga, no wulanga wukawa kudiguka nhinicizo, nayo yamuwona u Muhe wo Mulungu yehwanile futa ya nziwa, yakumutimila.

Maluko 1:9

Mu vilo vivyo, Yesu yakaza yakulawa ku Nazaleti, kwi kaya lya Galilaya, nayo yakabaputizwa na Yohana mwikolongo lya Yoludani.

Maluko 1:11

Ne lizi likahulikwa kulawa ku wulanga likutya, “Agwe yo gwegwe mwanangu mwendece; mono nyendezwe nagwe.”

Maluko 9:7

Ale, likaza ivunde likawagubika, ne lizi likahulikwa likulawa mwivunde lilyo, likutya, “Ayu yo Mwanangu mwendece wangu, mweze kumuhulika.”

Luka 2:14

“Lukumyo kuli Mulungu kucanyha, na kononze mulamu kuli wanhu wono wakumunojeza.”

Yohana 5:37

Nayo Baba mono yanhuma, yo yakuhomelela. Nanye mukali si nalihulika lizi lyakwe hamba nhavi, hamba kuwuwona wusu wakwe.

Yohana 12:28

Baba wulikumyaje litagwa lyako.” Baho likaza lizi likulawa ku wulanga, likutya, “Nalikumya, kanyhi nolikumya.”