Luka 24:30 - I CILAGANE CIPYA 1991

³⁰ Kukawa, lono yali vikalane nawo ha ndigwa, yakawusola mukate, yakawulugutiza, yakawubegula, yakawapela.

Luganuzi Luswanu Kuli Wanhu Wose 2002

³⁰ Kukawa, lono yali vikalane nawo ha ndigwa, yakawusola mukate, yakawulugutiza, yakawubegula, yakawapela.

Luka 24:30 Referans Kwoze

Matayo 14:19

Yakawalajiliza i wanhu wekale hasi mu mahanze, Mwene yakayisola yiyilya i mikate mihano, hamonga ne zisomba vyono nyejete, yakagalamila ku wulanga, yakamulumbo Mulungu. Hanyuma yakayibegula yiyo i mikate yakawapela i wejizwa wakwe, nawo wakawapela wanhu.

Luka 24:35

Nawo wawalya i wanhu wejete, wakawalonjela zizilya zono waziwene mu nzila, na vyono wamutanga Yesu lono yabeguliyo u mukate.”

Luka 9:16

Baho Yesu yakayisole mikate yiyilya mihano, ne zisomba zinyejete, yakagalamila kuwulanga, yakamulumbo Mulungu, yakavibegula, yakawapela wejizwa wakwe wawagawile wanhu.

Matayo 15:36

Nayo yakayisola i mikate yiyilya, mupunghati, hamonga ne visomba vivilya, yakamulumbo Mulungu, yakayibegula, yakawapela i wejizwa wakwe, nawo wakawagawila wanhu.

Metumo ge Watumwa 27:35

Yaza longa zizi, yakasola mukate, yakamulumbila Mulungu hali wene wose, yakawubegula, yakanza kulya.

Yohana 6:11

Baho Yesu yakayisola i mikate yiyilya, yakamulumbo Mulungu, yakawagawila wanhu wono wali wekaye, ne zisomba nhavivyo, na wose wakatuga munhu ha nghango yakwe.

Luka 22:19

Hanyuma, yakasola mukate yakalumba yakawubegula, yakawapela, yakutya, “Awu wo muwili wangu [wono weza kulavywa ku soko yenyu, Mweze noza nha vivi so wukumbucila nene.”

Maluko 14:22

Na lono walizaga, Yesu yakasola mukate, yakalumba, yakawubegula no kuwapela wejizwa wakwe akuno yakutya, “Solenyi awu wo muwili wangu.”

Maluko 8:6

Ale, yakawalajiliza wanhu wekale hasi. Nayo yakayisola mikate yiyilya vyono yili mupunghati, yakamulumbo Mulungu, yakayibegula, yakawapela iwejizwa wakwe wawagawile wanhu, nawo wakawagawila.

Maluko 6:41

Hanyuma yayo Yesu yakayisola i mikate yiyilya mihano ne zisomba zizilya zinyejete, yakagalamila kucanyha, yakamulumbo Mulungu, yakayibegula i mikate, yakawapela i wejizwa wakwe wawagawile wanhu. Ne zisomba zizilya zinyejete nazo yakawagawila wose.

Matayo 26:26

Na lono walizaga, Yesu yakawusola mukate, yakalumba, yakawubegula, yakawapela iwejizwa wakwe akuno yakutya, “Ale solenyi mulye, awu wo muwili wangu.”

Luka 24:29

ninga wene wakamunena wakutya “Wikalaje nase, hambi lizuwa nha lyaswa, ne citi ceza kwinjila.” Yakenjila nawo mu citumbi, yakekala nawo.

Metumo ge Watumwa 2:42

Na wawa wose wakajendelela kwiyijiza kulawa kuli watumwa imikalile ye cindugu, mu wubegule wo mukate ne malombo.

Metumo ge Watumwa 2:46

Nawo wakajendelela kwitangʼanila mu Nyumba yo Mulungu na wuhile wumonga vilo vyose. Langa mwidaha lyo wubegule wo mukate, wetangʼanililaga mu zinyumba zawo, no kuhanga wose ndigwa yiyo ne nyemo na nhumbula nzelu,